ជាតិ
សេដ្ឋកិច្ច
កម្ពុជានឹងធ្វើជាម្ចាស់ផ្ទះវេទិការសេដ្ឋកិច្ចពិភពលោក បន្ទាប់ពីឥណ្ឌូនេស៊ីនៅក្នុងឆ្នាំ២០១៦
×![]()
ដោយ: ថ្មីៗ
ភ្នំពេញ៖ ប្រទេសកម្ពុជានឹងទទួលតំណែង ធ្វើជាប្រធានរៀបចំវេទិកាសេដ្ឋកិច្ចពិភពលោក បន្ទាប់ពីប្រទេសឥណ្ឌូនេស៊ី នៅក្នុងឆ្នាំ២០១៦ខាងមុខនេះ ។
យោងតាមការចុះផ្សាយរបស់ទីភ្នាក់ងារសារព័ត៌មានកម្ពុជាបានឲ្យដឹងថា ក្នុងជំនួបពិភាក្សាជាមួយលោកនាយករដ្ឋមន្ត្រី ហ៊ុន សែននៅប្រទេសឥណ្ឌូណេស៊ី កាលពីថ្ងៃទី២១ខែមេសាលោក ហ្វីលីព រ៉ូសស្លឺរ ប្រធានវេទិកាសេដ្ឋកិច្ចពិភពលោក ចង់ឲ្យវេទិកាសេដ្ឋកិច្ចពិភពលោកនេះទទួលបានជោគជ័យ ក្នុងពេលដែលកម្ពុជា ធ្វើជាម្ចាស់ផ្ទះនៅឆ្នាំ២០១៦ខាងមុខនេះ។
ជាការឆ្លើយតបលោកនាយករដ្ឋមន្ត្រី ហ៊ុន សែន មានប្រសាសន៍ថាលោកនឹងសហការជាមួយនឹងវេទិកាសេដ្ឋកិច្ចពិភពលោក ដើម្បីធ្វើយ៉ាងណាឲ្យវេទិកាសេដ្ឋកិច្ចពិភពលោកក្នុងប្រទេសកម្ពុជានាឆ្នាំ២០១៦ ប្រព្រឹត្តទៅដោយទទួលបាននូវភាពជោគជ័យ។ ជាមួយគ្នានេះប្រមុខរដ្ឋាភិបាលកម្ពុជា ក៏ចង់ឲ្យមានការចូលរួមពីប្រទេសឡាវ និងមីយ៉ាន់ម៉ា ជាពិសេសចង់ឲ្យមានការចូលរួមពីប្រទេសអេកម៉ិក និងមានការចូលរួមពីប្រទេសផ្សេងទៀតក្នុងវេទិកាសេដ្ឋកិច្ចពិភពលោកនៅពេលដែលកម្ពុជាធ្វើជាម្ចាស់ផ្ទះនាឆ្នាំ២០១៦ខាងមុខនេះ៕
© រក្សាសិទ្ធិដោយ thmeythmey.com
