សង្គមអន្តរជាតិ
អន្តរជាតិ
អតិថិជនម្នាក់ឲ្យលុយធីប ៣០០០ដុល្លារ ដល់អ្នកបម្រើដែលត្រូវគេបណ្ដេញចេញពីផ្ទះ
× ស្ត្រីជាអ្នកបម្រើនៅក្នុងភោជនីយដ្ឋានមួយក្នុងទីក្រុងញូវយ៉ក ត្រូវបានអតិថិជនម្នាក់ដែលមានឈ្មោះហៅក្រៅថាMike ឲ្យលុយធីប ៣០០០ ដុល្លារ បន្ទាប់ពីអ្នកបម្រើរូបនោះបានប្រាប់គាត់ថា នាងទទួលបានសេចក្ដីជួនដំណឹងពីការបណ្តេញចេញពីផ្ទះ កាលពីដើមខែនេះ។
លោក Mike បានប្រាប់ទូរទស្សន៍ ABC ថា ស្ត្រីម្នាក់នេះបានបម្រើពួកយើងអស់រយៈពេលជិតមួយឆ្នាំមកហើយ។ នាងជាបុគ្គលដែលគួរឱ្យស្រឡាញ់ហើយនាងបាននិយាយអំពីរឿងរ៉ាវរបស់នាង នៅមុនពេលគេបណ្តេញចេញគាត់ចេញពីផ្ទះប្រាប់គាត់រួចមក។ លោក Mike បានិយាយថា លោកគ្រាន់តែចង់ធ្វើតាមគម្រោងរបស់គ្រូគាត់ និងរូបគាត់ ពីការផ្ដល់មូលនិធិទៅឲ្យនរណាម្នាក់ដែលកំពុងតែមានទុក្ខហើយពេលនេះវាគឺជាពេលវេលាសមរម្យ ដើម្បីអនុវត្តគម្រោងនេះ។
លោក Mike បាននិយាយថាគាត់សម្រេចិត្តផ្ដល់លុយធីប ៣០០០ ដុល្លារបន្ថែមពីលើតម្លៃអាហារជាង ៤០ ដុល្លាររបស់គាត់ ទៅឲ្យស្ត្រីម្នាក់នោះព្រោះលោកបានដឹងថាការជួលផ្ទះនៅក្នុងទីក្រុងញូវយ៉កគឺមានតម្លៃថ្លៃខ្លាំងណាស់។
លោក Mike បានសរសេរអក្សរនៅខាងក្រោយវិក័យបត្រនោះថា៖«សូមអរគុណចំពោះការនៅបម្រើក្បែរខ្ញុំរាល់ពេលដែលខ្ញុំចេញ ចូលក្នុងហាងBroadwayមួយនេះ ហើយខ្ញុំសង្ឃឹមថានៅថ្ងៃណាមួយនឹងមាននរណាម្នាក់ផ្តល់ឱ្យក្តីស្រលាញ់និងសុភមង្គលជាច្រើនដល់នាង តាមរយៈអ្វីដែលនាងបានធ្វើ»៕
© រក្សាសិទ្ធិដោយ thmeythmey.com