ទស្សនារូបភាពនៃព្រះរាជពិធីច្រត់ព្រះនង្គ័លនៅខេត្តបាត់ដំបង

ជាតិ

ទស្សនារូបភាពនៃព្រះរាជពិធីច្រត់ព្រះនង្គ័លនៅខេត្តបាត់ដំបង

07, May 2015 , 7:45 pm

រូបភាព

ដោយ: ថ្មីៗ

បន្ទាប់ពីការភ្ជួរជានិមិត្តរូបចំនួនបីជុំក្នុងទីព្រះស្រែនៅខេត្តបាត់ដំបងគោឧសភរាជ២ក្បាលបានបរិភោគសណ្តែក និងពោត ច្រើនជាងគេក្នុងចំណោមអាហារ៧មុខរួមមាន ស្រូវ ពោត សណ្តែក ល្ងរ ស្មៅ ទឹក និងស្រា។យោងតាមលទ្ធផលនៃការបរិភោគនេះ បាគូប្រចាំព្រះបរមរាជវាំងដែលបានទស្សន៍ទាយទៅតាមក្បូនបុរាណ បានឲ្យដឹងថា ពោត និងសណ្តែកទទួលបានផលច្រើននៅឆ្នាំនេះ។

ព្រះរាជពិធីច្រត់ព្រះនង្គ័លដែលជានិមិត្ដរូបនៃការចាប់ផ្ដើមរដូវធ្វើកសិកម្ម ត្រូវបានរៀបចំឡើងនៅទីព្រះស្រែក្នុងបរិវេណកីឡដ្ឋានខេត្តបាត់ដំបង កាលពីព្រឹកថ្ងៃពុធ ទី៦ ខែឧសភាត្រូវនឹងថ្ងៃទី៤រោច ខែពិសាខ ក្រោមរាជាធិបតីភាពព្រះមហាក្សត្រព្រះបាទសម្តេច ព្រះបរមនាថ នរោត្តម សីហមុនី។

សម្រាប់ព្រះរាជពិធីឆ្នាំនេះ លោក ច័ន្ទ សុផល អភិបាលខេត្តបាត់ដំបងទទួលបន្ទុកជាស្តេចមាឃ តំណាងព្រះមហាក្សត្រ ដែលច្រត់នង្គ័លកណ្តាលហើយភរិយារបស់លោក គឺលោកស្រី គឹម ប៊ុនណារ៉ា ដើរតួជាមេហួ។រីឯនង្គ័លទីមួយ ច្រត់ដោយលោក លី ផល្លាអនុរដ្ឋលេខាធិការក្រសួងរុក្ខាប្រមាញ់ និងនេសាទ និងនង្គ័លទីបីច្រត់ដោយលោក កែ សិរីបុត្រអគ្គលេខាធិការរងនៃគណៈកម្មាធិការជាតិរៀបចំបុណ្យជាតិ-អន្តរជាតិ៕