ជាតិ
សារមន្ទីរ Cleveland របស់អាមេរិកប្រគល់រូបបដិមាហនុមានសតវត្សទី១០ ឲ្យកម្ពុជា វិញហើយ
×![]()
ដោយ: ធឿន បញ្ញាឬទិ្ធ
រដ្ឋាភិបាលកម្ពុជា បានទទួល «រូបបដិមាហនុមានក្នុងសតវត្សទី១០ » ហើយពីសារមន្ទីរ The Cleveland Museum of Art ក្រោយពីសារមន្ទីរដ៏ធំរបស់សហរដ្ឋអាមេរិកនេះ បានទិញកាលពីឆ្នាំ១៩៨២ ។ សារមន្ទីរបានផ្ដួចផ្ដើមនូវការប្រគល់នេះ ដោយផ្អែកលើការស្រាវជ្រាវរបស់កម្ពុជាអំពីប្រវត្តិនៃរូបនេះ ក៏ដូចជាការគាំទ្រដល់កម្ពុជាក្នុងគម្រោងនៃការប្រមូលផ្ដុំរូបបដិមានៃប្រសាទចិនឡើងវិញ។ពិធីនៃការប្រគល់រូបបដិមាមកកម្ពុជាវិញធ្វើឡើង នៅព្រឹកថ្ងៃទី១២ ខែឧសភា នៅទីស្ដីការគណរដ្ឋមន្ត្រី ។
សេចក្ដីប្រកាសរួមគ្នា រវាងរដ្ឋាភិបាលកម្ពុជា និងសារមន្ទីរ The Cleveland Museum of Art បានឲ្យដឹងថា ការប្រគល់រូបបដិមាហនុមានត្រឡប់មកកម្ពុជាវិញនេះ គឺអនុញ្ញាតឲ្យប្រទេសកម្ពុជារៀបចំកសាងឡើងវិញ នូវរូបដិមាហនុមានជាច្រើន ដែលស្ថិតនៅច្រកខាងកើតនៃប្រាសាទចិន នៃរមណីយដ្ឋានប្រវត្តិសាស្ត្រកោះកេរ។
ជាមួយគ្នានេះលោក ច័ន្ទ តានី រដ្ឋលេខាធិការទីស្តីការគណៈរដ្ឋមន្ត្រី បានសម្ដែងការសាទរចំពោះ ការប្រគល់រូបបដិមាត្រឡប់មកវិញ និងជាការផ្ដល់ឱកាសសម្រាប់ការជួបជុំគ្នាវិញ នៃរូបបដិមាផ្សេងៗដែលស្ថិតនៅប្រសាទចិន។
លោកបន្ថែមថា៖ « ការប្រគល់ត្រឡប់ដោយស្ម័គ្រចិត្តនៃរូបបដិមាហនុមាននេះ គឺបង្ហាញពីការគិតគូររបស់សារមន្ទីរThe Cleveland Museum of Art ចំពោះសារសំខាន់នៃសារមន្ទីរមណីយដ្ឋានប្រវត្តិស្រាស្ត្រកោះកេរចំពោះប្រជាជនកម្ពុជា។ ការប្រគល់ត្រឡប់មកវិញនេះ ក៏ឆ្លុះបញ្ចាំងពីការលួចតយ៉ាងធ្ងន់ធ្ងរ ដែលបានកើតឡើងនៅក្នុងប្រទេសយើង»។
ទន្ទឹមនឹងនេះលោក William M. Griswold អភិបាលនៃសារមន្ទីរ The Cleveland Museum of Artបានបញ្ជាក់ថា ការប្រគល់រូបបដិមាហនុមានត្រឡប់មកវិញនេះ នឹងជួយដល់ប្រទេសកម្ពុជាក្នុងគម្រោងកសាងប្រាសាទខ្មែរឡើងវិញ ហើយទង្វើរនេះក៍ជាការត្រួសត្រាយផ្លូវសម្រាប់កិច្ចសហប្រតិបត្តិការរវាងប្រទេសកម្ពុជា និងសារមន្ទីរ The Cleveland Museum of Art នាពេលអនាគត។
គួរបញ្ជាក់ថា រូបបដិមាហនុមាន ក្នុងសតវត្សទី១០នេះ ត្រូវបានសារមន្ទីរ The Cleveland Museum of Art ទិញយកពីដៃឈ្មួញកាលពីឆ្នាំ១៩៨២កន្លងទៅ៕
សេចក្ដីប្រកាសរួមគ្នា រវាងរដ្ឋាភិបាលកម្ពុជា និងសារមន្ទីរ The Cleveland Museum of Art បានឲ្យដឹងថា ការប្រគល់រូបបដិមាហនុមានត្រឡប់មកកម្ពុជាវិញនេះ គឺអនុញ្ញាតឲ្យប្រទេសកម្ពុជារៀបចំកសាងឡើងវិញ នូវរូបដិមាហនុមានជាច្រើន ដែលស្ថិតនៅច្រកខាងកើតនៃប្រាសាទចិន នៃរមណីយដ្ឋានប្រវត្តិសាស្ត្រកោះកេរ។
ជាមួយគ្នានេះលោក ច័ន្ទ តានី រដ្ឋលេខាធិការទីស្តីការគណៈរដ្ឋមន្ត្រី បានសម្ដែងការសាទរចំពោះ ការប្រគល់រូបបដិមាត្រឡប់មកវិញ និងជាការផ្ដល់ឱកាសសម្រាប់ការជួបជុំគ្នាវិញ នៃរូបបដិមាផ្សេងៗដែលស្ថិតនៅប្រសាទចិន។
លោកបន្ថែមថា៖ « ការប្រគល់ត្រឡប់ដោយស្ម័គ្រចិត្តនៃរូបបដិមាហនុមាននេះ គឺបង្ហាញពីការគិតគូររបស់សារមន្ទីរThe Cleveland Museum of Art ចំពោះសារសំខាន់នៃសារមន្ទីរមណីយដ្ឋានប្រវត្តិស្រាស្ត្រកោះកេរចំពោះប្រជាជនកម្ពុជា។ ការប្រគល់ត្រឡប់មកវិញនេះ ក៏ឆ្លុះបញ្ចាំងពីការលួចតយ៉ាងធ្ងន់ធ្ងរ ដែលបានកើតឡើងនៅក្នុងប្រទេសយើង»។
ទន្ទឹមនឹងនេះលោក William M. Griswold អភិបាលនៃសារមន្ទីរ The Cleveland Museum of Artបានបញ្ជាក់ថា ការប្រគល់រូបបដិមាហនុមានត្រឡប់មកវិញនេះ នឹងជួយដល់ប្រទេសកម្ពុជាក្នុងគម្រោងកសាងប្រាសាទខ្មែរឡើងវិញ ហើយទង្វើរនេះក៍ជាការត្រួសត្រាយផ្លូវសម្រាប់កិច្ចសហប្រតិបត្តិការរវាងប្រទេសកម្ពុជា និងសារមន្ទីរ The Cleveland Museum of Art នាពេលអនាគត។
គួរបញ្ជាក់ថា រូបបដិមាហនុមាន ក្នុងសតវត្សទី១០នេះ ត្រូវបានសារមន្ទីរ The Cleveland Museum of Art ទិញយកពីដៃឈ្មួញកាលពីឆ្នាំ១៩៨២កន្លងទៅ៕
© រក្សាសិទ្ធិដោយ thmeythmey.com
