ជាតិ
ក្រសួងវប្បធម៌ចាត់វិធានដាក់ទោសអ្នកលួចថតចម្លងឌីសក្លែងក្លាយពី១ឆ្នាំទៅ២ឆ្នាំ
លោក គង់ កាន់តារា អនុរដ្ឋលេខាធិការ ក្រសួងវប្បធម៌ និងវិចិត្រសិល្បៈ
×![]()
ដោយ: ថ្មីៗ
ក្រសួងវប្បធម៌ និងវិចិត្រសិល្បៈប្រកាសថា ក្រសួងនឹងចុះត្រួតពិនិត្យ និងបង្ក្រាបទីតាំងលួចថតចម្លងឌីសក្លែងក្លាយ និងការដាក់លក់នៅលើទីផ្សារ ដោយក្រសួងនឹងដាក់ទោសទៅលើជនល្មើសឲ្យកាន់តែធ្ងន់ធ្ងរជាងមុន។
យោងតាមទីភ្នាក់ងារសារព័ត៌មានកម្ពុជា លោក គង់ កាន់តារា អនុរដ្ឋលេខាធិការ ក្រសួងវប្បធម៌ និងវិចិត្រសិល្បៈមានប្រសាសន៍ថា កន្លងមកអ្នកប្រព្រឹត្ដដោយយោងទៅលើអនុក្រឹត្យលេខ៦៣ គឺមិនបានដាក់ទោសទណ្ឌ និងបញ្ចូនជនល្មើសទៅតុលាការអ្វីនោះទេ។ ប៉ុន្ដែចាប់ពីពេលនេះទៅអ្នកដែលបានលួចថតចម្លងឌីសក្លែងក្លាយ ត្រូវអនុវត្ដន៍តាមច្បាប់ស្ដីពីសិទ្ធិអ្នកនិពន្ធប្រហាក់ប្រហែល ដោយតុលាការអាចចោទប្រកាន់ដាក់ពន្ធធនាគារចាប់ពី១ឆ្នាំដល់២ឆ្នាំ។
លោក អ៊ិន ទីតូ អ្នកគ្រប់គ្រងផលិតកម្ម WE Productionរបស់ក្រុមហ៊ុនហង្សមាស គាំទ្រចំពោះចំណាត់ការរបស់ក្រសួងវប្បធម៌ ព្រោះសកម្មភាពបង្ដ្រាបនេះគឺជាការលើកទឹកចិត្ដដល់ផលិតករ ដែលបានខិតខំស្រាវជ្រាវ តាក់តែងបង្កើតបទចម្រៀងថ្មីៗ សម្រាប់ផ្ដល់ការកម្សាន្ដដល់ទស្សនិកជន ។ លោកបន្ដថា ការលួចចម្លងឌីសកន្លងមក បានធ្វើឲ្យប៉ះពាល់យ៉ាងខ្លាំងដល់ទឹកចិត្ដ និងស្នាដៃផលិតករ ក្នុងការផលិតនូវបទចម្រៀងថ្មី ជាពិសេសធ្វើឲ្យបាត់បង់ចំណូលដល់ផលិតករជាដើម៕
© រក្សាសិទ្ធិដោយ thmeythmey.com
