ជាតិ
ព្រឹទ្ធាចារ្យ ពេជ្រ ទុំក្រវិល ធ្លាប់ទៅបង្រៀនឡាវឲ្យចេះតម្លើងរឿងល្ខោនប្រវត្តិសាស្ត្រ
×![]()
ដោយ: រួបរួម
ព្រឹទ្ធាចារ្យ ពេជ្រ ទុំក្រវិល បានទទួលមរណភាពក្នុងអាយុ៧២ឆ្នាំ កាលពីថ្ងៃទី១៤ ខែឧសភា ឆ្នាំ២០១៥ ។ មិនត្រឹមតែបន្សល់ទុកនូវស្នាដៃសិល្បៈ-វប្បធម៌ និងកំណាព្យដ៏ច្រើនមហិមាជូនជនរួមជាតិ តែប៉ុណ្ណោះទេ លោកក៏ធ្លាប់បានទៅបំពេញការងារ២ឆ្នាំនៅឡាវ ដើម្បីធ្វើជាជំនាញការវប្បធម៌ដល់រដ្ឋាភិបាលនៃប្រទេសជាតិខាងមួយនេះផងដែរ។
យោងតាមបទសម្ភាសជាវីដេអូមួយដែលរៀបចំឡើងដោយមជ្ឈមណ្ឌលបុប្ឆាណា កាលពីឆ្នាំ២០០៩ និងត្រូវបានផ្សព្វផ្សាយនៅបណ្ណាល័យ The New York Public Library ព្រឹទ្ធាចារ្យ ពេជ្រ ទុំក្រវិល ដែលបានទទួលមរណភាពក្នុងអាយុ៧២ឆ្នាំ កាលពីវេលាម៉ោង១១ និង៣៣នាទី នាថ្ងៃសុក្រ ទី១៥ ខែឧសភា ឆ្នាំ២០១៥ បានបញ្ជាក់ឲ្យដឹងថា លោកត្រូវបានរដ្ឋាភិបាលឡាវស្នើឲ្យទៅធ្វើជាជំនាញការវប្បធម៌នៅទីនោះ ពោលគឺបង្រៀនឡាវឲ្យចេះតម្លើងរឿងល្ខោនប្រវត្តិសាស្ត្ររបស់ខ្លួន។
ព្រឹទ្ធាចារ្យ ពេជ្រ ទុំក្រវិល ដែលមានឈ្មោះដើមថា ឈន ទត បានកើតនៅថ្ងៃទី២ ខែមិថុនា ឆ្នាំ១៩៤៣ ក្នុងគ្រួសារកសិករមួយនៅភូមិសសី ឃុំកោះចិន ស្រុកពញាឮ ខេត្តកណ្តាល។ ស្ទើរតែពេញមួយជីវិត លោកបានចំណាយពេលជាច្រើនលើការស្រាវជ្រាវផ្នែកវប្បធម៌ សិល្បៈ និងចងក្រងស្នាដៃកំណាព្យ។
បើតាមប្រវត្តិរូបសង្ខេប លោក ពេជ្រ ទុំក្រវិល បានធ្វើជាជំនាញការវប្បធម៌នៅប្រទេសឡាវពីឆ្នាំ១៩៨៤ ដល់ឆ្នាំ១៩៨៥ ខណៈលោកមានតួនាទីជាប្រធាននាយកដ្ឋានសិល្បៈ នៃក្រសួងវប្បធម៌ និងព័ត៌មាន៕
សារព័ត៌មានថ្មីៗ នឹងធ្វើការផ្សាយជាបន្តបន្ទាប់ទៀតទាក់ទងនឹងស្នាដៃនានារបស់ព្រឹទ្ធាចារ្យ ពេជ្រ ទុំក្រវិល
សម្រាប់ព័ត៌មានពាក់ព័ន្ធសូមអាន៖
- ព្រឹទ្ធាចារ្យ ពេជ្រ ទុំក្រវិល ដែលជាអ្នកជំនាញវប្បធម៌ខ្មែរ បានទទួលមរណភាព
- ជីវប្រវត្តិសង្ខេប លោក ពេជ្រ ទុំក្រវិល វរៈសិល្បករ ព្រឹទ្ធាចារ្យ វប្បធម៌ សិល្បៈខ្មែរ
យោងតាមបទសម្ភាសជាវីដេអូមួយដែលរៀបចំឡើងដោយមជ្ឈមណ្ឌលបុប្ឆាណា កាលពីឆ្នាំ២០០៩ និងត្រូវបានផ្សព្វផ្សាយនៅបណ្ណាល័យ The New York Public Library ព្រឹទ្ធាចារ្យ ពេជ្រ ទុំក្រវិល ដែលបានទទួលមរណភាពក្នុងអាយុ៧២ឆ្នាំ កាលពីវេលាម៉ោង១១ និង៣៣នាទី នាថ្ងៃសុក្រ ទី១៥ ខែឧសភា ឆ្នាំ២០១៥ បានបញ្ជាក់ឲ្យដឹងថា លោកត្រូវបានរដ្ឋាភិបាលឡាវស្នើឲ្យទៅធ្វើជាជំនាញការវប្បធម៌នៅទីនោះ ពោលគឺបង្រៀនឡាវឲ្យចេះតម្លើងរឿងល្ខោនប្រវត្តិសាស្ត្ររបស់ខ្លួន។
ព្រឹទ្ធាចារ្យ ពេជ្រ ទុំក្រវិល ដែលមានឈ្មោះដើមថា ឈន ទត បានកើតនៅថ្ងៃទី២ ខែមិថុនា ឆ្នាំ១៩៤៣ ក្នុងគ្រួសារកសិករមួយនៅភូមិសសី ឃុំកោះចិន ស្រុកពញាឮ ខេត្តកណ្តាល។ ស្ទើរតែពេញមួយជីវិត លោកបានចំណាយពេលជាច្រើនលើការស្រាវជ្រាវផ្នែកវប្បធម៌ សិល្បៈ និងចងក្រងស្នាដៃកំណាព្យ។
បើតាមប្រវត្តិរូបសង្ខេប លោក ពេជ្រ ទុំក្រវិល បានធ្វើជាជំនាញការវប្បធម៌នៅប្រទេសឡាវពីឆ្នាំ១៩៨៤ ដល់ឆ្នាំ១៩៨៥ ខណៈលោកមានតួនាទីជាប្រធាននាយកដ្ឋានសិល្បៈ នៃក្រសួងវប្បធម៌ និងព័ត៌មាន៕
សារព័ត៌មានថ្មីៗ នឹងធ្វើការផ្សាយជាបន្តបន្ទាប់ទៀតទាក់ទងនឹងស្នាដៃនានារបស់ព្រឹទ្ធាចារ្យ ពេជ្រ ទុំក្រវិល
សម្រាប់ព័ត៌មានពាក់ព័ន្ធសូមអាន៖
- ព្រឹទ្ធាចារ្យ ពេជ្រ ទុំក្រវិល ដែលជាអ្នកជំនាញវប្បធម៌ខ្មែរ បានទទួលមរណភាព
- ជីវប្រវត្តិសង្ខេប លោក ពេជ្រ ទុំក្រវិល វរៈសិល្បករ ព្រឹទ្ធាចារ្យ វប្បធម៌ សិល្បៈខ្មែរ
© រក្សាសិទ្ធិដោយ thmeythmey.com
