សង្គមអន្តរជាតិ
អន្តរជាតិ
×![]()
បើយោងតាមទិន្នន័យចងក្រងដោយស្ថាប័ន Wealth-X សហគ្រិនវ័យក្មេងចំនួន ១០ រូប ដែលមានអាយុ ក្រោយម ៤០ ឆ្នាំនៅក្នុងតំបន់អាស៊ីមានទ្រព្យសរុប ១៩,៣ពាន់លានដុល្លារក្នុងនោះទ្រព្យសម្បត្តិ ១១ ពាន់លានដុល្លារជារបស់សហគ្រិនជនជាតិចិន។ចំណាត់ថ្នាក់នេះបង្ហាញអំពីសមត្ថភាពរបស់ប្រទេសចិន ក្នុងការបង្កើនចំនួនមហាសេដ្ឋីថ្មីៗជារៀងរាល់ឆ្នាំ ទោះបីជាកំណើនសេដ្ឋកិច្ចបានធ្លាក់ចុះដល់កម្រិតទាបបំផុត ក្នុងរយៈពេលជាច្រើនឆ្នាំក៏ដោយ។
បើតាមទិន្នន័យដដែលនោះ មហាសេដ្ឋីវ័យក្មេងទាំង ១០ នៅក្នុងតំបន់អាស៊ីគឺសុទ្ធតែជាបុរស ហើយក្នុងចំណោមពួកគេ មាន ៩ នាក់ដែលរកចំណូលបានមកពីបច្ចេកវិទ្យា អ៊ីនធើណែត និងបណ្ដាញសង្គម។ ខាងក្រោមនេះគឺជាបញ្ជីសហគ្រិនជាមហាសេដ្ឋីវ៏យក្មេងអាយុក្រោម៤០ឆ្នាំទាំង១០ រូបនៅក្នុងទ្វីបអាស៊ី៖
១០៖ លោក Leo Chenជនជាតិចិន អាយុ ៣២ ឆ្នាំ ជានាយកប្រតិបត្តិក្រុមហ៊ុនJumei International Holding មានទ្រព្យសម្បត្តិសរុប ១,១ ពាន់លានដុល្លារ។
ទី៩៖ លោក Pang Shengdongជនជាតិចិន អាយុ ៣៨ ឆ្នាំ ជាអនុប្រធានក្រុមហ៊ុនអភិវឌ្ឍsoftwareShanghai 2345 Network Holding Groupមានទ្រព្យសម្បត្តិសរុប ១,២ ពាន់លានដុល្លារ។
ទី៨៖ លោក YusakuMaezawaជនជាតិជប៉ុន អាយុ ៣៧ ឆ្នាំ នាយកក្រុមហ៊ុនលក់សម្លៀកបំពាក់អនឡាញ Start Todayមានទ្រព្យសម្បត្តិសរុប១,៣ ពាន់លានដុល្លារ។
ទី៧៖ លោក Kenji Kasaharaជនជាតិជប៉ុន អាយុ ៣៩ ឆ្នាំ ជាស្ថាបនិកបណ្ដាញសង្គមMixiមានទ្រព្យសម្បត្តិសរុប ១,៥ ពាន់លានដុល្លារ។
ទី៦៖ លោក Naruatsu Babaជនជាតិជប៉ុន អាយុ ៣៣ ឆ្នាំ ជាស្ថាបនិកនិងជានាយកប្រតិបត្តិក្រុមហ៊ុនផលលិតហ្គេមទូរសព្ទ មានទ្រព្យសម្បត្តិសរុប១,៦ ពាន់លានដុល្លារ។
ទី៥៖ លោក He Zhitaoជនជាតិចិន អាយុ ៣៣ ឆ្នាំ ជាប្រធានក្រុមហ៊ុន Hangzhou Liaison Interactive Information Technologyមានទ្រព្យសម្បត្តិសរុប ២ ពាន់លានដុល្លារ។
ទី៤៖ លោក Yao Jinboអាយុ ៣៩ ជនជាតិចិន ជាស្ថាបនិកគេហទំព័រប្រកាសជួលផ្ទះ និងទំនិញជជុះ 58.comមានទ្រព្យសម្បត្តិសរុប២,២ ពាន់លានដុល្លារ។
ទី៣៖ លោក Zhang Bangxinជនជាតិចិន អាយុ ៣៥ ឆ្នាំ ជាសហស្ថាបនិកនិងជានាយកប្រតិបត្តិក្រុមហ៊ុនTAL Educationមានទ្រព្យសម្បត្តិសរុប២,២ ពាន់លានដុល្លារ។
ទី២៖ លោក Zhou Yahuiជនជាតិចិន អាយុ ៣៨ ឆ្នាំ ជាស្ថាបនិកនិងប្រធានក្រុមហ៊ុន Kunlun Inc.មានទ្រព្យសម្បត្តិសរុប២,២ ពាន់លានដុល្លារ។
.jpg)
ទី១៖ លោក ArunPudurជនជាតិឥណ្ឌា អាយុ ៣៧ ឆ្នាំ ជានាយប្រតិបត្តិក្រុមហ៊ុនអភិវឌ្ឍ SoftwareCelframeមានទ្រព្យសម្បត្តិសរុប៤ ពាន់លានដុល្លារ៕
© រក្សាសិទ្ធិដោយ thmeythmey.com
