ព័ត៍មានសុខភាព
សុខភាព៖ វិធីសាស្ត្រដើម្បីរក្សាភាពរ៉ូម៉ែនទិចក្រោយពីមានកូនតូចរួច
× ស្ថិតក្នុងជីវិតរៀបការរួចជាមួយមនុស្សដែលអ្នកស្រឡាញ់អាចក្លាយទៅជាបទពិសោធន៍ដ៏អស្ចារ្យមួយ ប៉ុន្តែដល់ ពេលដែលមានកូនហើយ អតិភាពរបស់អ្នកទំនងជាត្រូវផ្លាស់ប្តូរហើយ ព្រោះតែកូនត្រូវការគូស្នេហ៍របស់អ្នកជាប់រហូត។ ដូច្នេះដើម្បីរក្សាជីវិតប្រកបដោយភាពស្រស់បំព្រងទៀតនោះ យកល្អអ្នកគួរតែធ្វើទៅតាមវិធីសាស្ត្រដូចខាងក្រោមនេះ។
ប្រើពេលវេលានៅជាមួយគ្នាខ្លះ
វាគឺជារឿងសំខាន់ណាស់ដែលអ្នកត្រូវការនៅជាមួយគ្នាបង្កើតអារម្មណ៍ស្នេហាម្តងទៀត។ ចាប់តាំងពី អ្នកមិន អាចចាកចេញពីកូនបាននោះ អ្នកគួរសុំជំនួយពីសាច់ញាតិ ឬមិត្តភក្តិអោយមើលថែមួយរយៈសិនក៏បានដែរ។ នៅពេលអ្នកនៅជាមួយគ្នា ចូរធ្វើរឿងទាំងឡាយណាដែលអ្នកចូលចិត្តធ្វើជាមួយគ្នាទៅ។
ឈប់រស់នៅក្នុងស្ថានភាពកាលពីមុនទៀតទៅ
មែនហើយ អ្នកប្រហែលជាមានពេលវេលាដ៏អស្ចារ្យមួយមុនពេលអ្នកមានកូន ប៉ុន្តែរឿងនេះក៏ជាដំណាក់កាលជីវិតមួយរបស់អ្នកដែរក្នុងការបំភ្លេចនូវអនុស្សាវរីយ៍ចាស់ៗដែលឥតប្រយោជន៍ តែអ្នកអាចសាកល្បងបង្កើតនូវរឿងថ្មីៗដែលជួយអោយសប្បាយចិត្តវិញទៅ។ កូនគួរតែអាចជួយរក្សាចំណងស្នេហាអ្នកបានច្រើនជាងការឈ្លោះគ្នា។ ចូរចាំថា មជ្ឈដ្ឋានដែលសប្បាយចិត្តនោះគឺជួយអោយកូនមានការលូតលាស់ និងរៀនសូត្របានកាន់តែល្អ។
មិនត្រូវឈប់រួមភេទឡើយ
គ្មានហេតុផលណាមួយដែលត្រូវឈប់រួមភេទដោយសារតែអ្នកមានកូនឡើយ។ ចូរយល់ថា អ្នកប្រហែលជាមិនមានពេលវេលាគ្រប់គ្រាន់ទេ ប៉ុន្តែចូរធ្វើវាអោយបានទៅ។ អ្នកអាចជំនួសការរួមភេទនៅពេលយប់មកពេលព្រឹកវិញបាន។
ប្រើប្រាស់បច្ចេកវិទ្យា
អ្នកអាចរក្សាការទំនាក់ទំនងគ្នាបានតាមរយៈការប្រើប្រាស់បច្ចេកវិទ្យាដូចជា ការសរសេរសារជាអក្សរ ឬទូរស័ព្ទហៅគ្នាទៅវិញទៅមកនៅពេលថ្ងៃ។ រឿងនេះនឹងជួយពង្រឹងដល់ចំណងស្នេហារបស់អ្នក។ ចូរប្រាប់គាត់ថាអ្នកស្រឡាញ់គាត់ប៉ុណ្ណាទៅ ឬក៏មិនបាច់រងចាំមើលគេថាទទួលបាននូវក្តីស្រឡាញ់ឡើយ៕
ផ្តល់សិទ្ធិដោយwww.health.com.kh
© រក្សាសិទ្ធិដោយ thmeythmey.com