ជាតិ
នយោបាយជាតិ
ក្រៅពីសម្តេច ម៉ែ ទ្រង់រណឫទ្ធិ ក៏បានថវិកាពីលោក ហ៊ុន សែន ផងដែរដើម្បីព្យាបាលអ្នកម្នាង
×
ព្រះអង្គម្ចាស់នរោត្តម រណឫទ្ធិប្រធានគណបក្សហ្វ៊ុនស៊ិនប៉ិច បានមានបន្ទូលក្រោយពិធីរាប់បាត្រនៅព្រះអង្គដងកើ កាលពីថ្ងៃទី២៤ ឧសភាថា សម្ដេចម៉ែ នរោត្តម មុនិនាថ សីហនុ និង លោកនាយករដ្ឋមន្ត្រី ហ៊ុន សែន បានប្រទាន និងផ្ដល់ថវិកា ក្នុងការជួយរំលែក ដល់ការចំណាយព្យាបាលអ្នកម្នាង អ៊ុក ផល្លា ដែរនាពេលកន្លងមក។
ស្តាប់សំឡេង
អ្នកម្នាង អ៊ុក ផល្លា នៅពេលនេះកំពុងសម្រាកព្យាបាលជំងឺ នៅប្រទេសថៃ ក្រោយពីជួបហេតុការណ៍គ្រោះថ្នាក់ចរាចរណ៍នៅខេត្តកំពង់ចាម កាលពីថ្ងៃទី ២៥ មេសាកន្លងទៅ។
បើតាមព្រះអង្គម្ចាស់នរោត្តម រណឫទ្ធិ បានបញ្ជាក់ថា អ្នកម្នាង អ៊ុក ផល្លា មានសុខភាពល្អច្រើនឡើងវិញហើយ។ តែយ៉ាងណាអ្នកម្នាងអ៊ុក ផល្លា ត្រូវការពេលវេលាសម្រាកព្យាបាលនៅមន្ទីរពេទ្យប្រទេសថៃបន្តទៀត រហូតដល់ជាសះស្បើយ៕
© រក្សាសិទ្ធិដោយ thmeythmey.com