ពីនេះ ពីនោះ
×![]()
ដោយ: ថ្មីៗ
នៅក្នុងស្ថាប័នមិនថា ឯកជន ឬរដ្ឋ ឬស្ថាប័នអង្គការទេ គេតែងតែសង្កេតឃើញមានវត្តមានបុគ្គលិកពីរប្រភេទធំ។ បុគ្គលិក ផលិតភាព និងបុគ្គលិកគ្មានផលិតភាព។ តើបុគ្គលិកប្រភេទណាគួរត្រូវបានដំឡើងប្រាក់ខែលឿន និងតំណែងលឿន ហើយបុគ្គលិកប្រភេទណាមិនគួរផ្តល់អោយនោះ?
បុគ្គលិកដែលគួរត្រូវដំឡើងប្រាក់ខែ និងតំណែងលឿនបំផុត
ទី១ បុគ្គលិកមានចំណេះដឹងជំនាញពិតប្រាកដ
ទី២ ចំណេះដឹងជំនាញមានការអភិវឌ្ឍន៍ជាលំដាប់
ទី៣ មានគំនិតឆ្នៃប្រឌិតច្រើន
ទី៤ ប្រសិទ្ធិភាព និងផលិតភាពការងារខ្ពស់
ទី៥ លឿននៃការងារលឿន
ទី៦ មានការតាំងចិត្តខ្ពស់។ ការតាំងចិត្តមានលក្ខណៈជានិរន្តរ៍។ មានការទទួលខុសត្រូវខ្ពស់
ទី៧ មានគំនិតរៀនហើយ រៀនទៀត រៀនមិនចេះចប់
ទី៨ អភិវឌ្ឍចំណេះទាំងអស់ និងតម្រង់ទិសខ្លួនឯងអោយក្លាយទៅជាថ្នាក់ដឹកនាំ
ទី៩ ស្មោះត្រង់ ចាត់ទុកក្រុមហ៊ុនជាឆ្នាំងបាយ និងជាផ្ទះសម្បែងរបស់ខ្លួន
ទី១០ សុភាពរាបសា មានទំនាក់ទំនងល្អ
ទី១១ ធ្វើការមិនប្តូរនឹងប្រាក់ខែ មានន័យថា ធ្វើការងារអោយលើសពីប្រាក់ខែដែលគេផ្តល់អោយ
បុគ្គលិកដែលមិនគួរដំឡើងតំណែង និងប្រាក់ខែ
ទី១ គ្មានចំណេះដឹងជំនាញពិតប្រាកដ
ទី២ មិនចង់អភិវឌ្ឍខ្លួនឯង
ទី៣ មិនស្មោះត្រង់
ទី៤ ចាក់ចូច រករឿងគេឯងនៅក្នុងស្ថាប័ន
ទី៥ ពូកែអែបអបថ្នាក់លើដើម្បីបានផលប្រយោជន៍ដោយមិនធ្វើការ
ទី៦ បំផ្លាញស្ថាប័នគ្រប់រូបភាព។ មិនចាត់ទុកស្ថាប័នជាផ្ទះ និងជាឆ្នាំងបាយ
ទី៧ ធ្វើការប្តូរនឹងប្រាក់ខែ
ទី៨ ជាមនុស្ស I don’t care គ្រប់រឿងរបស់ស្ថាប័ន។ ធ្វើការងារខ្ជីខ្ជា
ទី៩ ធ្វើការបណ្តើរ មើលម៉ោងបណ្តើរ
កំណត់ចំណាំ៖ អតីតភាពគ្រាន់តែជាផ្នែកមួយនៃការងារប៉ុណ្ណោះ។ ប៉ុន្តែវាមិនមានតម្លៃខ្លាំងណាស់ណាប៉ុន្មានទេ។ ប្រាក់ខែត្រូវបានគេគិតដោយផ្អែកលើអតីតភាពការងារខ្លះដែរ តែមិនមែនជារឿងចាំបាច់នោះទេ។ បុគ្គលិកខ្លះ យល់ខុស ផ្តេកផ្តួលទៅលើអតីតភាពជ្រុលពេកនាំអោយខកខ្លួន។ សម្រាប់ថៅកែ ប្រសិទ្ធិភាព ផលិតភាព លឿននៃការងារ កម្រិតនៃភាពវៃឆ្លាតនឹងការងារ គឺជាផ្នែកសំខាន់ដែលត្រូវបានគេវាយតម្លៃអោយឡើងតំណែង និងប្រាក់ខែ៕
© រក្សាសិទ្ធិដោយ thmeythmey.com
