ជាតិ
សាកលវិទ្យាល័យភូមិន្ទវិចិត្រសិល្បៈនឹងប្ដូរទីតាំងថ្មីក្នុងតំបន់ជ្រោយចង្វារត្រើយខាងកើត
×![]()
លោក ថៃ នរៈសត្យា បានឲ្យដឹងថា ក្រសួងគ្រោងនឹងផ្លាស់ប្តូរទីតាំងសាកលវិទ្យាល័យភូមិន្ទវិចិត្រសិល្បៈ ទៅកាន់តំបន់ជ្រោយចង្វារត្រើយខាងកើតរាជធានីភ្នំពេញវិញ។ លោកអះអាងថា ទីតាំងថ្មីនេះ មានទំហំផ្ទៃដីធំទូលាយជាង ២ ទៅ៣ហិចតា ហើយថា គម្រោងនេះដែរ ទទួលបានការគាំទ្រពីអាជ្ញាធរសាលារាជធានីភ្នំពេញ។ ដោយឡែកចំពោះទីតាំងចាស់របស់សាកលវិទ្យាល័យនេះ នឹងប្រើសម្រាប់ពង្រីកសារមន្ទីជាតិ ។
សាកលវិទ្យាល័យភូមិន្ទ វិចិត្រសិល្បៈ (ស.ភ.វ.ស) ត្រូវបានបង្កើតឡើងតាំងពីឆ្នាំ១៩៦៥ ក្រោមព្រះរាជកិច្ចដឹកនាំរបស់ព្រះករុណាព្រះបាទសម្តេចព្រះបរមរតនកោដ្ឋ នរោត្តម សីហនុ។ RUFA មានមហាវិទ្យាល័យចំនួន ៥ និងមជ្ឈមណ្ឌលមួយ រួមមាន មហាវិទ្យាល័យបុរាណវិទ្យា មហាវិទ្យាល័យស្ថាបត្យកម្ម និងនគរោបនីយវិទ្យា មហាវិទ្យាល័យសិល្បៈសូនរូប មហាវិទ្យាល័យតូរ្យតន្ត្រី និងមហាវិទ្យាល័យសិល្បៈនាដសាស្ត្រ។
អ្នកនាំពាក្យ និងរដ្ឋលេខាធិការក្រសួងវប្បធម៌ និង វិចិត្រសិល្បៈ លោក ថៃ នរៈសត្យា បានពន្យល់ពីមូលហេតុនៃការផ្លាស់ប្តូរទីតាំងថ្មីនេះថា ក្រសួងមានបំណងពង្រីកទីតាំងសាលា នាពេលបច្ចុប្បន្ននេះ។ ហើយថា ក្រសួងមានផែនការផ្លាស់ប្តូរទីតាំងសាកលវិទ្យាល័យនេះ យូរមកហើយ។
ក្នុងនាមអាជ្ញាធរដែលមានអំណាចអាណាព្យាបាលក្នុងការ គ្រប់គ្រងសាកលវិទ្យាល័យភូមិន្ទ វិចិត្រសិល្បៈ (RUFA) លោកថា ទីតាំងសាលាសព្វថ្ងៃមានទីធ្លាតូចចង្អៀត ហើយសារមន្ទីរជាតិសព្វថ្ងៃក៏មានលក្ខណៈតូចចង្អៀតដែរ ដូចនេះទើបក្រសួងសម្រេចផ្លាស់ប្តូរទីតាំងសាកលវិទ្យាល័យ ដើម្បីយកដីពង្រីកទីធ្លាសារមន្ទីរជាតិ ។
«នៅសារមន្ទីរជាតិសព្វថ្ងៃមានវត្ថុបុរណជាច្រើនដែលមិនមានកន្លែង ដាក់តាំងត្រឹមត្រូវ ដូច្នេះ ការពង្រីកសារមន្ទីរជារឿងចាំបាច់ ។ ហើយ ការផ្តល់ទីតាំងថ្មីសម្រាប់សាកលវិទ្យាល័យភូមិន្ទវិចិត្រសិល្បៈថ្មីនេះ សាលារាជធានីភ្នំពេញបានជួយដោះស្រាយដីប្រមាណ ២ទៅ៣ហិកតា ដែលមានចម្ងាយជាង៥គីឡូម៉ែត្រពីភ្នំពេញ»។ នេះជាការបញ្ជាក់របស់លោក ថៃ នរៈសត្យា។
បើតាមអ្នកនាំពាក្យរូបនេះ ទីតាំងថ្មីរបស់ RUFA នឹងមានលក្ខណៈល្អប្រសើរជាងមុន ទាំងបន្ទប់សិក្សា ការិយាល័យធ្វើការ ព្រមទាំងហេដ្ឋារចនាសម្ព័ន្ធក្នុងសាលា។
តែយ៉ាងណា លោក ថៃ នរៈសត្យា មិនទាន់អាចបញ្ជាក់ពីថវិកាដែលនឹងត្រូវចំណាយក្នុង គម្រោងពង្រីកសាកលវិទ្យាល័យភូមិន្ទវិចិត្រសិល្បៈ ក៏ដូចជាសារមន្ទីរជាតិនោះទេ។
លោកថា៖«យើងទាន់រៀបចំប្លង់រួច ដូចនេះគម្រោងនេះ យើងមិនទាន់អាចសរុបចំនួនថវិកា ដែលនឹងត្រូវចំណាយបានទេ»៕
សាកលវិទ្យាល័យភូមិន្ទ វិចិត្រសិល្បៈ (ស.ភ.វ.ស) ត្រូវបានបង្កើតឡើងតាំងពីឆ្នាំ១៩៦៥ ក្រោមព្រះរាជកិច្ចដឹកនាំរបស់ព្រះករុណាព្រះបាទសម្តេចព្រះបរមរតនកោដ្ឋ នរោត្តម សីហនុ។ RUFA មានមហាវិទ្យាល័យចំនួន ៥ និងមជ្ឈមណ្ឌលមួយ រួមមាន មហាវិទ្យាល័យបុរាណវិទ្យា មហាវិទ្យាល័យស្ថាបត្យកម្ម និងនគរោបនីយវិទ្យា មហាវិទ្យាល័យសិល្បៈសូនរូប មហាវិទ្យាល័យតូរ្យតន្ត្រី និងមហាវិទ្យាល័យសិល្បៈនាដសាស្ត្រ។
អ្នកនាំពាក្យ និងរដ្ឋលេខាធិការក្រសួងវប្បធម៌ និង វិចិត្រសិល្បៈ លោក ថៃ នរៈសត្យា បានពន្យល់ពីមូលហេតុនៃការផ្លាស់ប្តូរទីតាំងថ្មីនេះថា ក្រសួងមានបំណងពង្រីកទីតាំងសាលា នាពេលបច្ចុប្បន្ននេះ។ ហើយថា ក្រសួងមានផែនការផ្លាស់ប្តូរទីតាំងសាកលវិទ្យាល័យនេះ យូរមកហើយ។
ក្នុងនាមអាជ្ញាធរដែលមានអំណាចអាណាព្យាបាលក្នុងការ គ្រប់គ្រងសាកលវិទ្យាល័យភូមិន្ទ វិចិត្រសិល្បៈ (RUFA) លោកថា ទីតាំងសាលាសព្វថ្ងៃមានទីធ្លាតូចចង្អៀត ហើយសារមន្ទីរជាតិសព្វថ្ងៃក៏មានលក្ខណៈតូចចង្អៀតដែរ ដូចនេះទើបក្រសួងសម្រេចផ្លាស់ប្តូរទីតាំងសាកលវិទ្យាល័យ ដើម្បីយកដីពង្រីកទីធ្លាសារមន្ទីរជាតិ ។
«នៅសារមន្ទីរជាតិសព្វថ្ងៃមានវត្ថុបុរណជាច្រើនដែលមិនមានកន្លែង ដាក់តាំងត្រឹមត្រូវ ដូច្នេះ ការពង្រីកសារមន្ទីរជារឿងចាំបាច់ ។ ហើយ ការផ្តល់ទីតាំងថ្មីសម្រាប់សាកលវិទ្យាល័យភូមិន្ទវិចិត្រសិល្បៈថ្មីនេះ សាលារាជធានីភ្នំពេញបានជួយដោះស្រាយដីប្រមាណ ២ទៅ៣ហិកតា ដែលមានចម្ងាយជាង៥គីឡូម៉ែត្រពីភ្នំពេញ»។ នេះជាការបញ្ជាក់របស់លោក ថៃ នរៈសត្យា។
បើតាមអ្នកនាំពាក្យរូបនេះ ទីតាំងថ្មីរបស់ RUFA នឹងមានលក្ខណៈល្អប្រសើរជាងមុន ទាំងបន្ទប់សិក្សា ការិយាល័យធ្វើការ ព្រមទាំងហេដ្ឋារចនាសម្ព័ន្ធក្នុងសាលា។
តែយ៉ាងណា លោក ថៃ នរៈសត្យា មិនទាន់អាចបញ្ជាក់ពីថវិកាដែលនឹងត្រូវចំណាយក្នុង គម្រោងពង្រីកសាកលវិទ្យាល័យភូមិន្ទវិចិត្រសិល្បៈ ក៏ដូចជាសារមន្ទីរជាតិនោះទេ។
លោកថា៖«យើងទាន់រៀបចំប្លង់រួច ដូចនេះគម្រោងនេះ យើងមិនទាន់អាចសរុបចំនួនថវិកា ដែលនឹងត្រូវចំណាយបានទេ»៕
© រក្សាសិទ្ធិដោយ thmeythmey.com
