កីឡាអន្តរជាតិ
អន្តរជាតិ
លោក Blatter បន្តតំណែងជាប្រធាន FIFA ក្រោយព្រះអង្គម្ចាស់ Ali ដកខ្លួននៅជុំទី២
×![]()
ដោយ: រួបរួម
លោក Sepp Blatter បន្តកាន់កាប់តំណែងជាប្រធានសហព័ន្ធកីឡាបាល់ទាត់អន្តរជាតិ (FIFA) រយៈពេល៤ឆ្នាំបន្ថែមទៀត បន្ទាប់ពីការសម្រេចដកខ្លួនរបស់ព្រះអង្គម្ចាស់ Ali bin al-Hussein នាសមាជលើកទី៦៥របស់សហព័ន្ធកីឡាបាល់ទាត់អន្តរជាតិ (FIFA) នៅទីក្រុងហ្សួរិច ប្រទេសស្វីស នាថ្ងៃទី២៩ ខែឧសភា ឆ្នាំ២០១៥ ។ 
ការបោះឆ្នោតមានការចូលរួមពីសមាជិកសហព័ន្ធកីឡាបាល់ទាត់ជាតិចំនួន២០៩ ដោយកម្ពុជាតំណាងដោយលោក ខៀវ សាម៉េត អនុប្រធានសហព័ន្ធកីឡាបាល់ទាត់កម្ពុជា។ សម្រាប់ការបោះឆ្នោតជុំទីមួយ លោក Sepp Blatter ទទួលបាន១៣៣សំឡេង ខណៈព្រះអង្គម្ចាស់ Ali បាន៧៣សំឡេង។ ការបោះឆ្នោតឈានដល់ជុំទីពីរដោយសារតែសំឡេងគាំទ្រដល់លោក Blatter នៅក្រោមពីរភាគបី។
ខណៈដែលគណៈកម្មការរៀបចំការបោះឆ្នោតរៀបចំការបោះឆ្នោតជុំទីពីរ ព្រះអង្គម្ចាស់ Ali បានប្រកាសពីការដកខ្លួនចេញ ដែលនាំឲ្យលោក Blatter បន្តតំណែងរយៈពេល៤ឆ្នាំទៀត។
លោក Sepp Blatter បានកាន់កាប់តួនាទីជាប្រធាន FIFA វាប់តាំងពីឆ្នាំ១៩៩៨ មក ដោយបន្តតំណែងពីលោក Joao Havenlange។ បុរសជនជាតិស្វីសអាយុ៧៩ឆ្នាំរូបនេះ បានជាប់ឆ្នោតសារជាថ្មីជាបន្តបន្ទាប់ក្នុងឆ្នាំ២០០២, ២០០៧ និង២០១១ ។
លោក Blatter បានទទួលរងនូវការចោទប្រកាន់ជាច្រើនទាក់ទងនឹងករណីពុករលួយក្នុងនាមជាប្រធានស្ថាប័នកីឡាបាល់ទាត់កំពូលរបស់ពិភពលោកនារយៈពេល១៧ឆ្នាំកន្លងមក។ នៅមុនការរៀបចំសមាជ សមាជិក FIFA ចំនួនត្រូវបានចាប់ខ្លួន និងស្ថិតនៅក្នុងការស៊ើបអង្កេតរបស់ភ្នាក់ងារអាមេរិក FBI ផងដែរ។
ព្រះអង្គម្ចាស់ Ali bin al-Hussein ព្រះជន្ម៣៩វស្សា គឺជាបុត្រាទីបីនៃស្តេចហ្ស៊កដង់ Hussein ។ ក្រៅពីតួនាទីជាប្រធានសហព័ន្ធកីឡាបាល់ទាត់ហ្ស៊កដង់ និងសហព័ន្ធកីឡាបាល់ទាត់អាស៊ីខាងលិច ព្រះអង្គ Ali មានតួនាទីជាអនុប្រធានសហព័ន្ធកីឡាបាល់ទាត់អន្តរជាតិ ទទួលបន្ទុកទ្វីបអាស៊ី ចាប់តាំងពីដើមឆ្នាំ២០១១ មក៕
ការបោះឆ្នោតមានការចូលរួមពីសមាជិកសហព័ន្ធកីឡាបាល់ទាត់ជាតិចំនួន២០៩ ដោយកម្ពុជាតំណាងដោយលោក ខៀវ សាម៉េត អនុប្រធានសហព័ន្ធកីឡាបាល់ទាត់កម្ពុជា។ សម្រាប់ការបោះឆ្នោតជុំទីមួយ លោក Sepp Blatter ទទួលបាន១៣៣សំឡេង ខណៈព្រះអង្គម្ចាស់ Ali បាន៧៣សំឡេង។ ការបោះឆ្នោតឈានដល់ជុំទីពីរដោយសារតែសំឡេងគាំទ្រដល់លោក Blatter នៅក្រោមពីរភាគបី។ខណៈដែលគណៈកម្មការរៀបចំការបោះឆ្នោតរៀបចំការបោះឆ្នោតជុំទីពីរ ព្រះអង្គម្ចាស់ Ali បានប្រកាសពីការដកខ្លួនចេញ ដែលនាំឲ្យលោក Blatter បន្តតំណែងរយៈពេល៤ឆ្នាំទៀត។
លោក Sepp Blatter បានកាន់កាប់តួនាទីជាប្រធាន FIFA វាប់តាំងពីឆ្នាំ១៩៩៨ មក ដោយបន្តតំណែងពីលោក Joao Havenlange។ បុរសជនជាតិស្វីសអាយុ៧៩ឆ្នាំរូបនេះ បានជាប់ឆ្នោតសារជាថ្មីជាបន្តបន្ទាប់ក្នុងឆ្នាំ២០០២, ២០០៧ និង២០១១ ។
លោក Blatter បានទទួលរងនូវការចោទប្រកាន់ជាច្រើនទាក់ទងនឹងករណីពុករលួយក្នុងនាមជាប្រធានស្ថាប័នកីឡាបាល់ទាត់កំពូលរបស់ពិភពលោកនារយៈពេល១៧ឆ្នាំកន្លងមក។ នៅមុនការរៀបចំសមាជ សមាជិក FIFA ចំនួនត្រូវបានចាប់ខ្លួន និងស្ថិតនៅក្នុងការស៊ើបអង្កេតរបស់ភ្នាក់ងារអាមេរិក FBI ផងដែរ។
ព្រះអង្គម្ចាស់ Ali bin al-Hussein ព្រះជន្ម៣៩វស្សា គឺជាបុត្រាទីបីនៃស្តេចហ្ស៊កដង់ Hussein ។ ក្រៅពីតួនាទីជាប្រធានសហព័ន្ធកីឡាបាល់ទាត់ហ្ស៊កដង់ និងសហព័ន្ធកីឡាបាល់ទាត់អាស៊ីខាងលិច ព្រះអង្គ Ali មានតួនាទីជាអនុប្រធានសហព័ន្ធកីឡាបាល់ទាត់អន្តរជាតិ ទទួលបន្ទុកទ្វីបអាស៊ី ចាប់តាំងពីដើមឆ្នាំ២០១១ មក៕
© រក្សាសិទ្ធិដោយ thmeythmey.com
