×![]()
ភ្នំពេញ៖ តារាម៉ូដែលកញ្ញា ឡេង សូដានេ និងជានិស្សិតឆ្នាំទី២ ផ្នែកគ្រប់គ្រង នៃសកលវិទ្យាល័យជាតិគ្រប់គ្រង បានកំពុងខិតខំកសាងកេរ្តីឈ្មោះលើវិថីសិល្បៈ ក្នុងនាមជាតារាម៉ូដែល និងតារាសម្តែងមួយរូប។ ក្រោយពេលបាត់មុខមួយរយៈ នាងស្រាប់តែបង្ហាញខ្លួនក្នុងក្រុមតារាបង្ហាញម៉ូត Pop Models។
កញ្ញា ឡេង សូដានេ ជាតារាម៉ូដែលមួយរូប ដែលបានបោះជំហានដើរលើវិថីសិល្បៈតាំងពីឆ្នាំ២០១០មក តែអាស្រ័យដោយអាជីពសិល្បៈមិនទាន់អំណោយផល និងជាប់រវល់ក្នុងការសិក្សា ទើបធ្វើឱ្យតារាពោរពេញដោយមន្តស្នេហ៍រូបនេះ បានសម្រេចចិត្តផ្អាកពីការងារសិល្បៈមួយរយៈ ប៉ុន្តែដោយហេតុមិនដាច់អាល័យនឹងសិល្បៈ នាងឈានជើងចូលសង្វៀនសិល្បៈសាជាថ្មីម្តងទៀត ដោយបច្ចុប្បន្ននាងជាតារាសម្តែង និងម៉ូដែលក្នុងក្រុម Pop Models Cambodia ។
ឡេង សូដានេ ដណ្តើមបានទីផ្សារការងារសិល្បៈគួរឱ្យកត់សម្គាល់ កាលពីចុងឆ្នាំ ២០១៤ និងដើមឆ្នាំ ២០១៥នេះ មានដូចជា ការដើរម៉ូដក្នុងកម្មវិធីតូចធំ សម្តែងភាពយន្ត មានរឿង “ទឹកដែលហូរ”, “កំណប់បះសក់” ,“ឈូកដុះក្នុងភក់” ...ព្រមទាំងសម្តែងកាយវិការខារ៉ាអូខេឱ្យផលិតកម្មធំៗមួយចំនួន ដូចជា ផលិតកម្មថោន និងផលិតកម្មM ជាដើម។
តារារូបស្រស់ ដើមទ្រូងមូលក្បំរូបនេះ មានស្រុកកំណើតនៅភ្នំពេញ មានកម្ពស់ ១,៦៩ ម៉ែត្រ នាងជាកូនច្បង ក្នុងចំណោមបងប្អូនប្រុសស្រី ៤ នាក់។ គោលបំណងទៅថ្ងៃអនាគត នាងចង់បើកហាងសាឡន និងហាងលក់សំលៀកបំពាក់ ក្រោយពីទទួលបានជោគជ័យលើវិថីសិល្បៈ។
ដោយឡែក ចំពោះជីវិតស្នេហា កញ្ញា សូដានេ បានប្រាប់ឲ្យដឹងថា នាងពុំទាន់មានសង្សារនៅឡើយទេ ។នៅពេលសួរថា តើកញ្ញា មានអ្នកសុំស្រឡាញ់ដែរទេ? នាងឆ្លើយទាំងលាយសំណើចថា មានច្រើនដែរ តែមិនទាន់ហ៊ានឆ្លើយតបយ៉ាងណាចំពោះអ្នកណាម្នាក់ឡើយ៕
ភ្នំពេញ៖ តារាម៉ូដែលកញ្ញា ឡេង សូដានេ និងជានិស្សិតឆ្នាំទី២ ផ្នែកគ្រប់គ្រង នៃសកលវិទ្យាល័យជាតិគ្រប់គ្រង បានកំពុងខិតខំកសាងកេរ្តីឈ្មោះលើវិថីសិល្បៈ ក្នុងនាមជាតារាម៉ូដែល និងតារាសម្តែងមួយរូប។ ក្រោយពេលបាត់មុខមួយរយៈ នាងស្រាប់តែបង្ហាញខ្លួនក្នុងក្រុមតារាបង្ហាញម៉ូត Pop Models។
កញ្ញា ឡេង សូដានេ ជាតារាម៉ូដែលមួយរូប ដែលបានបោះជំហានដើរលើវិថីសិល្បៈតាំងពីឆ្នាំ២០១០មក តែអាស្រ័យដោយអាជីពសិល្បៈមិនទាន់អំណោយផល និងជាប់រវល់ក្នុងការសិក្សា ទើបធ្វើឱ្យតារាពោរពេញដោយមន្តស្នេហ៍រូបនេះ បានសម្រេចចិត្តផ្អាកពីការងារសិល្បៈមួយរយៈ ប៉ុន្តែដោយហេតុមិនដាច់អាល័យនឹងសិល្បៈ នាងឈានជើងចូលសង្វៀនសិល្បៈសាជាថ្មីម្តងទៀត ដោយបច្ចុប្បន្ននាងជាតារាសម្តែង និងម៉ូដែលក្នុងក្រុម Pop Models Cambodia ។
ឡេង សូដានេ ដណ្តើមបានទីផ្សារការងារសិល្បៈគួរឱ្យកត់សម្គាល់ កាលពីចុងឆ្នាំ ២០១៤ និងដើមឆ្នាំ ២០១៥នេះ មានដូចជា ការដើរម៉ូដក្នុងកម្មវិធីតូចធំ សម្តែងភាពយន្ត មានរឿង “ទឹកដែលហូរ”, “កំណប់បះសក់” ,“ឈូកដុះក្នុងភក់” ...ព្រមទាំងសម្តែងកាយវិការខារ៉ាអូខេឱ្យផលិតកម្មធំៗមួយចំនួន ដូចជា ផលិតកម្មថោន និងផលិតកម្មM ជាដើម។
តារារូបស្រស់ ដើមទ្រូងមូលក្បំរូបនេះ មានស្រុកកំណើតនៅភ្នំពេញ មានកម្ពស់ ១,៦៩ ម៉ែត្រ នាងជាកូនច្បង ក្នុងចំណោមបងប្អូនប្រុសស្រី ៤ នាក់។ គោលបំណងទៅថ្ងៃអនាគត នាងចង់បើកហាងសាឡន និងហាងលក់សំលៀកបំពាក់ ក្រោយពីទទួលបានជោគជ័យលើវិថីសិល្បៈ។
ដោយឡែក ចំពោះជីវិតស្នេហា កញ្ញា សូដានេ បានប្រាប់ឲ្យដឹងថា នាងពុំទាន់មានសង្សារនៅឡើយទេ ។នៅពេលសួរថា តើកញ្ញា មានអ្នកសុំស្រឡាញ់ដែរទេ? នាងឆ្លើយទាំងលាយសំណើចថា មានច្រើនដែរ តែមិនទាន់ហ៊ានឆ្លើយតបយ៉ាងណាចំពោះអ្នកណាម្នាក់ឡើយ៕
© រក្សាសិទ្ធិដោយ thmeythmey.com
