ជាតិ
នយោបាយជាតិ
លោក សម រង្ស៊ី ស្នើឲ្យមានច្បាប់កញ្ចប់ថវិការសម្រាប់រដ្ឋបាលថ្នាក់ក្រោមជាតិប្រើប្រាស់ដោយខ្លួនឯង
×![]()
ដោយ: ធឿន បញ្ញាឬទិ្ធ
ប្រធានគណបក្សសង្គ្រោះជាតិ លោក សម រង្ស៊ី ស្នើឲ្យរដ្ឋាភិបាលធ្វើវិសោធនកម្មច្បាប់ថវិកាជាតិ ដោយបង្កើតច្បាប់ថ្មីមួយ ដែលអាចអនុញ្ញាតឲ្យថ្នាក់ខេត្តមានកញ្ចប់ថវិកាប្រើប្រាស់ដោយខ្លួនឯង ដើម្បីធានាប្រសិទ្ធភាពក្នុងដំណើរការអភិវឌ្ឍតាមមូលដ្ឋាន។ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លោក អូន ព័ន្ធមុន្នីរ័ត្ន បញ្ជាក់់ថា ការផ្ដល់ថវិការជូនរដ្ឋបាលថ្នាក់ខេត្តនេះ គឺមិនមែនចេះតែផ្ដល់ជូនពួកគេនោះទេ ពោលអាស្រ័យលើសភាពការណ៍ និងតម្រូវការជាក់ស្ដែង។ ហើយរដ្ឋាភិបាលកំពុងរៀបចំច្បាប់ ចំណូលផ្ទាល់ជូនរដ្ឋបាលថ្នាក់ក្រោមជាតិ ដើម្បីបង្កើនចំណូលដល់ពួកគេ។ រដ្ឋសភាបើកកិច្ចប្រជុំបន្ដ ស្តីពីការត្រួតពិនិត្យ និងអនុម័ត«សេចក្តីព្រាងច្បាប់ស្ដីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០១៣»។
ប្រធានក្រុមមតិភាគតិចនៃរដ្ឋសភា លោក សម រង្ស៊ី មានប្រសាសន៍ថា ថវិកាជាតិដែលបានផ្ដល់ជូនថ្នាក់ក្រោមជាតិមានចំនួនប្រមាណ២០០លានដុល្លារ ដែលបែងចែកទៅដល់បណ្តាខេត្តនៅទូទាំងប្រទេស ក្នុងមួយខេត្តទទួលបាន៨លានដុល្លារ ក្នុងមួយឆ្នាំនោះគឺតិចតួចណាស់សម្រាប់ការចំណាយ។ លោកថា រដ្ឋបាលថ្នាក់ខេត្តគួរតែអាចទទួលបានថវិកាពីការប្រមូលពន្ធតាមមូលដ្ឋានរបស់ខ្លួន និងអាចប្រើប្រាស់ថវិការនោះតាមទំហំណាមួយ ដោយមិនបាច់សុំការអនុញ្ញាតពីថ្នាក់ជាតិឡើយ ចៀសវាងការយឺតយ៉ាវក្នុងការអភិវឌ្ឍតាមមូលដ្ឋាន។ហើយរដ្ឋាភិបាលគួរតែធ្វើវិសោធនកម្មច្បាប់មួយចំនួន ដើម្បីអនុញ្ញាតឲ្យថ្នាក់ខេត្តមានកញ្ចប់ថវិកាប្រើប្រាស់ដោយខ្លួនឯង។
ថ្លែងក្នុងកិច្ចអន្តរាគមន៍នៅក្នុងរដ្ឋសភា នៅព្រឹកថ្ងៃអង្គារនេះ ប្រធានក្រុមមតិភាគតិចរូបនេះ បានបញ្ជាក់យ៉ាងដូច្នេះថា៖«អ្វីដែលសំខាន់គឺមិនមែនត្រមឹតែសិទ្ធិសម្រេចទេ។ សិទ្ធិសម្រេចតែបើគ្មានលុយ គ្មានថវិកា ក៏មិនអាចធ្វើអីបានដែរ។ ចង់ឲ្យសេចក្ដីសម្រេចនោះមានភាពជាក់ស្ដែង ត្រូវតែផ្ដល់ថិវកាឲ្យគ្រប់គ្រាន់ អាចឲ្យអាជ្ញាធរមូលដ្ឋានអាចធ្វើការមានប្រសិទ្ធភាព។ អ៊ីចឹងយើងត្រូវកែច្បាប់មួយចំនួន ច្បាប់ថវិការជាតិ ច្បាប់វិមជ្ឍការ ទើបអាចឲ្យឲ្យក្រុមប្រឹក្សាឃុំ សង្កាត់ ថ្នាក់មូលដ្ឋាន ថ្នាក់ស្រុក អាចប្រមូលពន្ធដោយខ្លួនឯង»។
អនុប្រធានគណៈកម្មការសេដ្ឋកិច្ច ហិរញ្ញវត្ថុធនាគារ និងសវនកម្ម លោក សុន ឆ័យ លោកបន្ថែមថា ការរៀបចំកញ្ចប់ថវិកាជាតិ គួរតែមានការគិតគូដល់លទ្ធផលរដ្ឋអំណាចមូលដ្ឋានក្នុងការប្រមូលចំណូលមួយផ្នែក ដែលជាការទទួលខុសត្រូវរបស់រដ្ឋបាលមូលដ្ឋានដែរ។
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លោក អូន ព័ន្ធមុន្នីរ័ត្ន បញ្ជាក់់ថា កន្លងមកការផ្ដល់ថវិការជូនរដ្ឋបាលថ្នាក់ខេត្តនេះ គឺមិនមែនចេះតែផ្ដល់ជូនពួកគេនោះទេ ពោលអាស្រ័យលើសភាពការណ៍ និងតម្រូវការជាក់ស្ដែង។ លោកថា រដ្ឋាភិបាលកំពុងរៀបចំច្បាប់ ចំណូលផ្ទាល់ជូនរដ្ឋបាលថ្នាក់ក្រោមជាតិដែរ ដើម្បីបង្កើនចំណូលដល់ពួកគេ សម្រាប់ការអភិវឌ្ឍតាមមូលដ្ឋាន«ឥឡូវនេះការបែងចែកនេះ កំពុងស្ថិតនៅក្នុងតំណាក់កាលនៃការរៀបចំ ដូចនេះកាលណាមានការបែងចែកច្បាស់លាស់ ដោយផ្ដល់មុខងារទៅឲ្យថ្នាក់ក្រោមជាតិអនុវត្ត ក្នុងនោះយើងនឹងរៀបចំការផ្ទេរធនធាន ដែលនៅក្នុងច្បាប់ស្ដីពីការគ្រប់គ្រងរដ្ឋបាលថ្នាក់ក្រោមជាតិនឹងបញ្ជាក់ច្បាស់។ លើកទឹកចិត្តធនធានដែលជាការផ្ទេរពីថ្នាក់កណ្ដាលទៅថ្នាក់ក្រោមជាតិ ដែលគេហៅថាឥណទាន ឬក៏ហិរញ្ញប្បទានដោយភ្ជាប់លក្ខខណ្ឌ»។នេះជាការបញ្ជាក់របស់លោក អូន ព័ន្ធមុន្នីរ័ត្ន។
រដ្ឋមន្ត្រីក្រសួងសេដ្ឋកិច្ចរូបនេះ បន្ថែមថា កន្លងមករដ្ឋាភិបាលបានផ្ដល់តួនាទីសម្រាប់រដ្ឋបាលថ្នាក់ខេត្តក្នុងការប្រមូលថវិកា លើការប្រមូលពន្ធ៨មុខសម្រាប់ការប្រើប្រាស់ដោយខ្លួនឯង ដូចជាការប្រថាប់ត្រា និងការយកភាស៊ីជាដើម។ ហើយចំណូល៤០ភាគរយនៅតាមខេត្តត្រូវផ្តល់ជាប្រយោជន៍របស់ខេត្ត៕
ប្រធានក្រុមមតិភាគតិចនៃរដ្ឋសភា លោក សម រង្ស៊ី មានប្រសាសន៍ថា ថវិកាជាតិដែលបានផ្ដល់ជូនថ្នាក់ក្រោមជាតិមានចំនួនប្រមាណ២០០លានដុល្លារ ដែលបែងចែកទៅដល់បណ្តាខេត្តនៅទូទាំងប្រទេស ក្នុងមួយខេត្តទទួលបាន៨លានដុល្លារ ក្នុងមួយឆ្នាំនោះគឺតិចតួចណាស់សម្រាប់ការចំណាយ។ លោកថា រដ្ឋបាលថ្នាក់ខេត្តគួរតែអាចទទួលបានថវិកាពីការប្រមូលពន្ធតាមមូលដ្ឋានរបស់ខ្លួន និងអាចប្រើប្រាស់ថវិការនោះតាមទំហំណាមួយ ដោយមិនបាច់សុំការអនុញ្ញាតពីថ្នាក់ជាតិឡើយ ចៀសវាងការយឺតយ៉ាវក្នុងការអភិវឌ្ឍតាមមូលដ្ឋាន។ហើយរដ្ឋាភិបាលគួរតែធ្វើវិសោធនកម្មច្បាប់មួយចំនួន ដើម្បីអនុញ្ញាតឲ្យថ្នាក់ខេត្តមានកញ្ចប់ថវិកាប្រើប្រាស់ដោយខ្លួនឯង។
ថ្លែងក្នុងកិច្ចអន្តរាគមន៍នៅក្នុងរដ្ឋសភា នៅព្រឹកថ្ងៃអង្គារនេះ ប្រធានក្រុមមតិភាគតិចរូបនេះ បានបញ្ជាក់យ៉ាងដូច្នេះថា៖«អ្វីដែលសំខាន់គឺមិនមែនត្រមឹតែសិទ្ធិសម្រេចទេ។ សិទ្ធិសម្រេចតែបើគ្មានលុយ គ្មានថវិកា ក៏មិនអាចធ្វើអីបានដែរ។ ចង់ឲ្យសេចក្ដីសម្រេចនោះមានភាពជាក់ស្ដែង ត្រូវតែផ្ដល់ថិវកាឲ្យគ្រប់គ្រាន់ អាចឲ្យអាជ្ញាធរមូលដ្ឋានអាចធ្វើការមានប្រសិទ្ធភាព។ អ៊ីចឹងយើងត្រូវកែច្បាប់មួយចំនួន ច្បាប់ថវិការជាតិ ច្បាប់វិមជ្ឍការ ទើបអាចឲ្យឲ្យក្រុមប្រឹក្សាឃុំ សង្កាត់ ថ្នាក់មូលដ្ឋាន ថ្នាក់ស្រុក អាចប្រមូលពន្ធដោយខ្លួនឯង»។
អនុប្រធានគណៈកម្មការសេដ្ឋកិច្ច ហិរញ្ញវត្ថុធនាគារ និងសវនកម្ម លោក សុន ឆ័យ លោកបន្ថែមថា ការរៀបចំកញ្ចប់ថវិកាជាតិ គួរតែមានការគិតគូដល់លទ្ធផលរដ្ឋអំណាចមូលដ្ឋានក្នុងការប្រមូលចំណូលមួយផ្នែក ដែលជាការទទួលខុសត្រូវរបស់រដ្ឋបាលមូលដ្ឋានដែរ។
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លោក អូន ព័ន្ធមុន្នីរ័ត្ន បញ្ជាក់់ថា កន្លងមកការផ្ដល់ថវិការជូនរដ្ឋបាលថ្នាក់ខេត្តនេះ គឺមិនមែនចេះតែផ្ដល់ជូនពួកគេនោះទេ ពោលអាស្រ័យលើសភាពការណ៍ និងតម្រូវការជាក់ស្ដែង។ លោកថា រដ្ឋាភិបាលកំពុងរៀបចំច្បាប់ ចំណូលផ្ទាល់ជូនរដ្ឋបាលថ្នាក់ក្រោមជាតិដែរ ដើម្បីបង្កើនចំណូលដល់ពួកគេ សម្រាប់ការអភិវឌ្ឍតាមមូលដ្ឋាន«ឥឡូវនេះការបែងចែកនេះ កំពុងស្ថិតនៅក្នុងតំណាក់កាលនៃការរៀបចំ ដូចនេះកាលណាមានការបែងចែកច្បាស់លាស់ ដោយផ្ដល់មុខងារទៅឲ្យថ្នាក់ក្រោមជាតិអនុវត្ត ក្នុងនោះយើងនឹងរៀបចំការផ្ទេរធនធាន ដែលនៅក្នុងច្បាប់ស្ដីពីការគ្រប់គ្រងរដ្ឋបាលថ្នាក់ក្រោមជាតិនឹងបញ្ជាក់ច្បាស់។ លើកទឹកចិត្តធនធានដែលជាការផ្ទេរពីថ្នាក់កណ្ដាលទៅថ្នាក់ក្រោមជាតិ ដែលគេហៅថាឥណទាន ឬក៏ហិរញ្ញប្បទានដោយភ្ជាប់លក្ខខណ្ឌ»។នេះជាការបញ្ជាក់របស់លោក អូន ព័ន្ធមុន្នីរ័ត្ន។
រដ្ឋមន្ត្រីក្រសួងសេដ្ឋកិច្ចរូបនេះ បន្ថែមថា កន្លងមករដ្ឋាភិបាលបានផ្ដល់តួនាទីសម្រាប់រដ្ឋបាលថ្នាក់ខេត្តក្នុងការប្រមូលថវិកា លើការប្រមូលពន្ធ៨មុខសម្រាប់ការប្រើប្រាស់ដោយខ្លួនឯង ដូចជាការប្រថាប់ត្រា និងការយកភាស៊ីជាដើម។ ហើយចំណូល៤០ភាគរយនៅតាមខេត្តត្រូវផ្តល់ជាប្រយោជន៍របស់ខេត្ត៕
© រក្សាសិទ្ធិដោយ thmeythmey.com
