ជាតិ
សង្គមជាតិ
អាជ្ញាធរសាលារាជធានីប្រកាសបិទផ្លូវ K5 រយៈពេល២ខែដើម្បីដាក់លូរំដោះទឹកលិចក្នុងតំបន់បឹងកក់
× ភ្នំពេញ៖ សាលារាជធានីភ្នំពេញប្រកាសបិទចរាចរតាមបណ្តោយផ្លូវ K5 ចាប់ពីផ្លូវលេខ ៧០ ដល់ប្រឡាយបាក់ទូកឆ្លងកាត់ផ្លូវរថភ្លើងក្នុងសង្កាត់ទួលសង្កែ ខណ្ឌឬស្សីកែវ រយៈពេល ២ខែ ចាប់ពីថ្ងៃទី០១ ខែកក្កដា ដល់ថ្ងៃទី៣១ ខែសីហា ឆ្នាំ២០១៥ ដើម្បីដាក់ប្រព័ន្ធលូរំដោះ ទឹកចេញពីតំបន់បឹងកក់ និងតំបន់ជុំវិញនោះ។
យោងតាមសេចក្តីជូនដំណឹង ការប្រកាសផ្អាកចរាចរបណ្តោះអាសន្ននេះ គឺដើម្បីឲ្យអាជ្ញាធរសាលារាជធានីអាចចុះអនុវត្តដាក់បេតុងលូជ្រុង ទំហំ ២,៥ម៉ែត្រភ្លោះ និងទំហំ ២ម៉ែត្រ កំពស់២ម៉ែត្របញ្ចប់តាមគម្រោង។ គម្រោងនេះ អនុវត្តស្របតាមផ្លូវលេខ K5 ចាប់ពីផ្លូវលេខ ៧០ ដល់ប្រឡាយបាក់ទូកឆ្លងផ្លូវរថភ្លើង ក្នុងសង្កាត់ទួលសង្កែខណ្ឌឬស្សីកែវ។ ចរាចរនឹងបើកឲ្យដំណើរការធម្មតាវិញ បន្ទាប់ពីគម្រោងចប់រួចរាល់៕
ដោយ សឿន វណ្ណដេត
© រក្សាសិទ្ធិដោយ thmeythmey.com