ជាតិ
សង្គមជាតិ
ក្រសួងអប់រំ និងស្ថានទូតជប៉ុនរៀបចំការប្រកួតផលិតរឿងខ្លី ៣នាទី
× ក្រសួងអប់រំ យុវជន និងកីឡា និងស្ថានទូតជប៉ុនប្រចាំនៅកម្ពុជា បានសហការគ្នារៀបចំការប្រឡងផលិតរឿងខ្លី ៣នាទី ក្រោមប្រធានបទ«ពេលអ្នកសប្បាយចិត្ត»សម្រាប់សិស្សវិទ្យាល័យ ដើម្បីជ្រើសរើសក្រុមអ្នកមានស្នាដៃផលិតល្អ ទៅចូលរួមមហោស្របភាពយន្តកុមារអន្តរជាតិអាស៊ី ឆ្នាំ២០១៥ ដែលនឹងប្រព្រឹត្តទៅនៅថ្ងៃទី២៨ ខែវិច្ឆិកា ឆ្នាំ២០១៥ នៅប្រទេសជប៉ុន។
បើយោងតាមសេចក្តីប្រកាសព័ត៌មានរបស់ក្រសួងអប់រំ ការប្រឡងផលិតរឿងខ្លីនេះ នឹងត្រូវអនុញ្ញាតឲ្យតែសិស្សដែលកំពុងរៀនថ្នាក់ទី១០ និងទី១១ ក្នុងឆ្នាំ២០១៥នេះតែប៉ុណ្ណោះ ។ ហើយបេក្ខជនដែលដាក់ពាក្យរួចត្រូវទៅចូលរួមប្រជុំដើម្បីទទួលការណែនាំ នៅថ្ងៃទី២០ ខែកក្កដា នៅស្ថានទូតជប៉ុនប្រចាំនៅកម្ពុជា មុននឹងផលិតរឿងខ្លីរបស់ខ្លួន ដើម្បីប្រឡងប្រជែង ។
រឿងខ្លីដែលបេក្ខជនផលិតរួច ត្រូវយកមកដាក់នៅនាយកដ្ឋានព័ត៌មាន និងកិច្ចការអាស៊ាន ដែលមានទីតាំងនៅក្នុងបរិវេណគរុកោសល្យមត្តេយ្យមជ្ឈិម អគារ២០១ សង្កាត់បឹងកេងកង១ ខណ្ឌចំការមន រាជធានីភ្នំពេញនៅថ្ងៃទី ២០ ខែសីហា ឆ្នាំ២០១៥ ៕
© រក្សាសិទ្ធិដោយ thmeythmey.com