អន្តរជាតិ
នយោបាយអន្តរជាតិ
×![]()
ដោយ: ថ្មីៗ
ប្រមុខការទូតអាមេរិកលោក ចន ឃឺរី បានអះអាងថា សហរដ្ឋអាមេរិកនៅតែត្រៀមខ្លួនដើរចេញពីតុចរចាជាមួយបណ្តាភាគីផ្សេងទៀតក្នុងសំណុំរឿងកម្មវិធីនុយក្លេអ៊ែរអ៊ីរ៉ង់ ប្រសិនជាទាំងអ៊ីរ៉ង់និងភាគីទាំងអស់មិនអាចសម្រេចបានកិច្ចព្រមព្រៀង ដែលគ្រប់ជ្រុងជ្រោយមួយទេនោះ។ ថ្ងៃកំណត់សម្រាប់បង្កើតកិច្ចព្រមព្រៀងកាន់តែកៀក ប៉ុន្តែភាគីនៅខ្វែងគំនិតគ្នាជុំវិញចំណុចសំខាន់មួយចំនួនដូចជាការដកទណ្ឌកម្ម និងការចូលត្រួតពិនិត្យស្ថានីយ៍នុយក្លេអ៊ែរអ៊ីរ៉ង់ផង។
លោក ជាវ សំណាង លម្អិតព័ត៌មាននេះ
ការចរចាដើម្បីឈានទៅសម្រេចកិច្ចព្រមព្រៀងនុយក្លេអ៊ែរអ៊ីរ៉ង កំពុងតែបន្តយ៉ាងសស្រាក់សស្រាំ ព្រោះថ្ងៃកំណត់ចុងក្រោយកាន់តែកៀកណាស់ទៅហើយ។ តែទោះជាពេលកាន់តែខើចយ៉ាងណាក៏ដោយ ភាគីអ៊ីរ៉ង់ និងមហាអំណាចប្រាំបូកអាល្លឺម៉ង់ មិនបានរារែកក្នុងការបន្តចរចាឡើយ។ បញ្ហាជាច្រើនដែលភាគីចរចាមិនទាន់អាចដោះស្រាយ និងរកចំណុចរួមគ្នាបានដើម្បីឈានទៅបង្កើត កិច្ចព្រមព្រៀងមួយដែលល្អប្រសើរ និងគ្រប់ជ្រុងជ្រោយ។
រដ្ឋមន្ត្រីការបរទេសអាមេរិកលោក ចន ឃឺរី បានអះអាងថា កិច្ចពិភាក្សាមានភាពវិជ្ជមាន ប៉ុន្តែលោកព្រមានថា ប្រសិនជាអ៊ីរ៉ង់ និងភាគីមហាអំណាចពាក់ព័ន្ធ អលទ្ធភាពបង្កើតកិច្ចព្រមព្រៀងល្អមួយទាន់ថ្ងៃកំណត់ រដ្ឋាភិបាលអាមេរិករក្សាជំហរដើរចេញពីតុចរចា។ ប្រមុខការទូតអាមេរិករូបនេះ ទោះជាមានបញ្ហាជើងក៏ដោយ ក៏លោកបន្តជួបជជែកឥតឈប់ ដោយគ្មានខ្លាចនឿយហត់ជាមួយសមភាគីលោក រដ្ឋមន្ត្រីការបរទេសអ៊ីរ៉ង់លោក Mohammad Javad Zarif នៅទីក្រុងវ្យ៉ែនប្រទេសអូទ្រីស។ យ៉ាងណាក៏ដោយ ភាគីអ៊ីរ៉ង់លោក Mohammad Javad Zarif នៅតែយល់ឃើញអវិជ្ជមានចំពោះលទ្ធភាពនៃការឈានទៅបង្កើតកិច្ចព្រមព្រៀងនៅពេលដ៏ខ្លីខាងមុខ។
រដ្ឋមន្ត្រីការបរទេសសាធារណរដ្ឋឥស្លាមអ៊ីរ៉ង់នេះ សង្កត់ធ្ងន់ថា បញ្ហាទាស់ទែងខ្វែងគំនិតគ្នាច្រើនណាស់លើសំណុំរឿងកម្មវិធីនុយក្លេអ៊ែរអ៊ីរ៉ង់ ដែលភាគីមិនទាន់អាចដោះស្រាយ និងរកចំណុចរួមគ្នាបានពេលបច្ចុប្បន្ន។ លោកបន្ថែមថា ប្រសិនបើមហាអំណាចទាំង ៦មិនគោរពចំណុចក្រហម ដោយទាមទារលើសអ្វីដែលអ៊ីរ៉ង់ធ្វើបាន វាប្រាកដណាស់ថា លោកនឹងត្រលប់ទៅប្រទេសលោកវិញដោយដៃទទេ។ ប៉ុន្តែលោកសង្ឃឹមយ៉ាងមុតមាំថា មុនថ្ងៃ៧ កក្កដា មកដល់ អ៊ីរ៉ង់និងមហាអំណាចប្រាំបូកមួយនឹងរកចំណុចឯកភាពគ្នា ព្រោះឥឡូវគ្រប់គ្នាប្រឹងប្រែងខ្លាំងមិនហ៊ានសម្រាកដើម្បីដោះស្រាយបញ្ហានេះ។
បញ្ហាធំដែលរារាំងភាគីចរចាមិនឲ្យឯកភាពគ្នា គឺមានការទាមទារឲ្យដកទណ្ឌកម្មអ៊ីរ៉ង់ជាថ្នូរជាមួយការកាត់បន្ថយសកម្មភាពផលិតថាមពលនុយក្លេអ៊ែរមួយទសវត្ស និងចំណុចមួយទៀតការអនុញ្ញាតឲ្យភ្នាក់ងារថាមពលបរមាណូអន្តរជាតិ ធ្វើអធិការកិច្ចស្ថានីយ៍ផលិតថាមពលនុយក្លេអ៊ែរ។
បើតាមការអះអាង ការទាមទារឲ្យអ៊ីរ៉ង់បន្ថយការផលិតនិងចម្រាញ់សារធាតុនានាដើម្បីផលិតថាមពលបរមាណូនេះ ជាវិធីសាស្ត្រពន្យឺតអ៊ីរ៉ង់មិនឲ្យឈានទៅផលិតអាវុធបាន។ ប៉ុន្តែជានិច្ចជាកាលអ៊ីរ៉ង់ ទាត់ចោលការចោទប្រកាន់ ដោយប្រកាសថាខ្លួនស្អាតស្អំ គ្មានមហិច្ឆតាផលិតអាវុធប្រល័យលោកឡើយ។ ខ្លួនគ្រាន់តែចង់ផលិតថាមពលនុយក្លេអ៊ែរបម្រើប្រយោជន៍ស៊ីវិលតែប៉ុណ្ណោះ។ យ៉ាងក៏ដោយមហាអំណាចទាំង ៦ ហាក់ខ្វះការជឿជាក់លើអ៊ីរ៉ង់ ដោយយល់ថាប្រសិនបើបន្ធូរបន្ថយ អ៊ីរ៉ង់នឹងអាចឆ្លៀតផលិតអាវុធនុយក្លេអ៊ែរចៀសមិនរួចឡើយ៕
លោក ជាវ សំណាង លម្អិតព័ត៌មាននេះ
ការចរចាដើម្បីឈានទៅសម្រេចកិច្ចព្រមព្រៀងនុយក្លេអ៊ែរអ៊ីរ៉ង កំពុងតែបន្តយ៉ាងសស្រាក់សស្រាំ ព្រោះថ្ងៃកំណត់ចុងក្រោយកាន់តែកៀកណាស់ទៅហើយ។ តែទោះជាពេលកាន់តែខើចយ៉ាងណាក៏ដោយ ភាគីអ៊ីរ៉ង់ និងមហាអំណាចប្រាំបូកអាល្លឺម៉ង់ មិនបានរារែកក្នុងការបន្តចរចាឡើយ។ បញ្ហាជាច្រើនដែលភាគីចរចាមិនទាន់អាចដោះស្រាយ និងរកចំណុចរួមគ្នាបានដើម្បីឈានទៅបង្កើត កិច្ចព្រមព្រៀងមួយដែលល្អប្រសើរ និងគ្រប់ជ្រុងជ្រោយ។
រដ្ឋមន្ត្រីការបរទេសអាមេរិកលោក ចន ឃឺរី បានអះអាងថា កិច្ចពិភាក្សាមានភាពវិជ្ជមាន ប៉ុន្តែលោកព្រមានថា ប្រសិនជាអ៊ីរ៉ង់ និងភាគីមហាអំណាចពាក់ព័ន្ធ អលទ្ធភាពបង្កើតកិច្ចព្រមព្រៀងល្អមួយទាន់ថ្ងៃកំណត់ រដ្ឋាភិបាលអាមេរិករក្សាជំហរដើរចេញពីតុចរចា។ ប្រមុខការទូតអាមេរិករូបនេះ ទោះជាមានបញ្ហាជើងក៏ដោយ ក៏លោកបន្តជួបជជែកឥតឈប់ ដោយគ្មានខ្លាចនឿយហត់ជាមួយសមភាគីលោក រដ្ឋមន្ត្រីការបរទេសអ៊ីរ៉ង់លោក Mohammad Javad Zarif នៅទីក្រុងវ្យ៉ែនប្រទេសអូទ្រីស។ យ៉ាងណាក៏ដោយ ភាគីអ៊ីរ៉ង់លោក Mohammad Javad Zarif នៅតែយល់ឃើញអវិជ្ជមានចំពោះលទ្ធភាពនៃការឈានទៅបង្កើតកិច្ចព្រមព្រៀងនៅពេលដ៏ខ្លីខាងមុខ។
រដ្ឋមន្ត្រីការបរទេសសាធារណរដ្ឋឥស្លាមអ៊ីរ៉ង់នេះ សង្កត់ធ្ងន់ថា បញ្ហាទាស់ទែងខ្វែងគំនិតគ្នាច្រើនណាស់លើសំណុំរឿងកម្មវិធីនុយក្លេអ៊ែរអ៊ីរ៉ង់ ដែលភាគីមិនទាន់អាចដោះស្រាយ និងរកចំណុចរួមគ្នាបានពេលបច្ចុប្បន្ន។ លោកបន្ថែមថា ប្រសិនបើមហាអំណាចទាំង ៦មិនគោរពចំណុចក្រហម ដោយទាមទារលើសអ្វីដែលអ៊ីរ៉ង់ធ្វើបាន វាប្រាកដណាស់ថា លោកនឹងត្រលប់ទៅប្រទេសលោកវិញដោយដៃទទេ។ ប៉ុន្តែលោកសង្ឃឹមយ៉ាងមុតមាំថា មុនថ្ងៃ៧ កក្កដា មកដល់ អ៊ីរ៉ង់និងមហាអំណាចប្រាំបូកមួយនឹងរកចំណុចឯកភាពគ្នា ព្រោះឥឡូវគ្រប់គ្នាប្រឹងប្រែងខ្លាំងមិនហ៊ានសម្រាកដើម្បីដោះស្រាយបញ្ហានេះ។
បញ្ហាធំដែលរារាំងភាគីចរចាមិនឲ្យឯកភាពគ្នា គឺមានការទាមទារឲ្យដកទណ្ឌកម្មអ៊ីរ៉ង់ជាថ្នូរជាមួយការកាត់បន្ថយសកម្មភាពផលិតថាមពលនុយក្លេអ៊ែរមួយទសវត្ស និងចំណុចមួយទៀតការអនុញ្ញាតឲ្យភ្នាក់ងារថាមពលបរមាណូអន្តរជាតិ ធ្វើអធិការកិច្ចស្ថានីយ៍ផលិតថាមពលនុយក្លេអ៊ែរ។
បើតាមការអះអាង ការទាមទារឲ្យអ៊ីរ៉ង់បន្ថយការផលិតនិងចម្រាញ់សារធាតុនានាដើម្បីផលិតថាមពលបរមាណូនេះ ជាវិធីសាស្ត្រពន្យឺតអ៊ីរ៉ង់មិនឲ្យឈានទៅផលិតអាវុធបាន។ ប៉ុន្តែជានិច្ចជាកាលអ៊ីរ៉ង់ ទាត់ចោលការចោទប្រកាន់ ដោយប្រកាសថាខ្លួនស្អាតស្អំ គ្មានមហិច្ឆតាផលិតអាវុធប្រល័យលោកឡើយ។ ខ្លួនគ្រាន់តែចង់ផលិតថាមពលនុយក្លេអ៊ែរបម្រើប្រយោជន៍ស៊ីវិលតែប៉ុណ្ណោះ។ យ៉ាងក៏ដោយមហាអំណាចទាំង ៦ ហាក់ខ្វះការជឿជាក់លើអ៊ីរ៉ង់ ដោយយល់ថាប្រសិនបើបន្ធូរបន្ថយ អ៊ីរ៉ង់នឹងអាចឆ្លៀតផលិតអាវុធនុយក្លេអ៊ែរចៀសមិនរួចឡើយ៕
© រក្សាសិទ្ធិដោយ thmeythmey.com
