ជាតិ
សេដ្ឋកិច្ច
ចំណូលពីលក់សំបុត្រ និងចូលទស្សនាអង្គរបានជាង ៣លានដុល្លារនៅក្នុងខែមិថុនា
× អាជ្ញាធរជាតិអប្សរារកចំណូលបានពីលក់សំបុត្រ និងអ្នកចូលទស្សនាអង្គរវត្ត គិតជាទឹកប្រាក់ទទួលបានជាង ៣លានដុល្លារក្នុងខែមិថុនាកន្លងទៅ គឺកើនឡើងជាង១៣ភាគរយ បើធៀបនឹងខែមិថុនាឆ្នាំ២០១៤ ។ តួរលេខទឹកប្រាក់នេះ បានបង្ហាញនៅក្នុងសេចក្តីប្រកាសព័ត៌មានរបស់អាជ្ញាធរជាតិអប្សរាកាលពីថ្ងៃទី៦ កក្តដា។
សេចក្តីប្រកាសព័ត៌មានរបស់អាជ្ញាធរជាតិអប្សរាស្តីពី ស្ថិតិភ្ញៀវទេសចរ បរទេសនៅរមណីយដ្ឋានអង្គរប្រចាំខែមិថុនា និងឆមាសទី១ ឆ្នាំ២០១៥ បានបង្ហាញថា ភ្ញៀវទេសចរចបរទេសដែលទិញប័ណ្ណចូលទស្សនារមណីដ្ឋានអង្គរក្នុងខែមិថុនា ឆ្នាំ២០១៥ មានចំនួន ១១៤, ០៦៦នាក់ កើនលើស ១៣.១៩ភាគរយ បើធៀបទៅនឹងខែមិថុនា ឆ្នាំ២០១៤ ។ គិតជាទឹកប្រាក់ទទួលបានចំណូលចំនួន ៣, ១១២, ៦៦០ដុល្លារ កើនលើសខែមិថុនា ឆ្នាំ២០១៤ ចំនួន ១០.៧៨ភាគរយ។
ដោយឡែកនៅក្នុងឆមាសទី១ ឆ្នាំ២០១៥នេះ ភ្ញៀវទេសចរបរទេសចូលទស្សនារមណីយដ្ឋានអង្គរមានចំនួន ១, ០៨៤, ៤២៧នាក់ កើនលើស ១.៦១ភាគរយ បើធៀបនឹងឆមាសទី១ ឆ្នាំ២០១៤ ។ គិតជាទឹកប្រាក់ទទួលបានចំណូលចំនួន ៣០, ៩៤៨, ២៤០ដុល្លារ បើធៀបនឹងឆមាសទី១ ឆ្នាំ២០១៤ គឺថយចុះ ០.៦៩ភាគរយ៕
© រក្សាសិទ្ធិដោយ thmeythmey.com