ជាតិ
CNRP ប្រមូលវិភាគទានបានជាង ២៦ម៉ឺនដុល្លារ ត្រឹមថ្ងៃទី៦ កក្កដា
× គណបក្សសង្គ្រោះជាតិ ប្រមូលបានថវិកាវិភាគទាន និងទុនវិនិយោគសរុប ប្រមាណ ២៦ ម៉ឺន ដុល្លារ អាមេរិក ដោយគិតត្រឹមថ្ងៃទី ៦ កក្កដា។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានបង្ហោះលើទំព័រហ្វេសប៊ុក ពី របាយការណ៍ប្រមូលវិភាគទាន និងទុនវិនិយោគទូរទស្សន៍ព្រះអាទិត្យ បានបង្ហាញថា ថវិកា ដែលគណបក្សសង្គ្រោះជាតិប្រមូលបាន ត្រឹមថ្ងៃទី ៦ ខែកក្កដា មាន ២៥៤,៧១០ ដុល្លារអាមេរិក លុយខ្មែរ ៦០, ០៧៥,៣០០ រៀលនិងប្រាក់ដុល្លាសិង្ហបូរី អូស្ត្រាលី កាណដា មួយចំនួនទៀត ដែលសរុបទាំងអស់ជាលុយដុល្លារអាមេរិកជាង ២៦ ម៉ឺន។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិ ធ្លាប់បានបញ្ជាក់ថា គណបក្សលោកនឹងប្រមូលវិភាគទាន និងទុនវិនិយោគឲ្យបានគ្រប់៣លានដុល្លារ ដើម្បីសម្រេចគោលដៅដែលបានកំណត់ថាបុស្តិ៍ទូរទស្សន៍ថ្មីនេះ នឹងដំណើរការនៅចុងឆ្នាំ២០១៥ ។ លោកថា គណបក្សសង្គ្រោះជាតិ ក៏កំពុងពិចារណាអំពីការប្រមូលវិភាគទានពីសប្បុរជន និងអ្នកគាំទ្រនៅតាមបណ្តាខេត្តផងដែរ និងធ្វើយ៉ាងណាធានាថាវិភាគទានរបស់ពួកគាត់ បានចូលរួមចំណែកក្នុងការបង្កើតប៉ុស្តិ៍ទូរទស្សន៍ថ្មីនេះ។
គណបក្សសង្គ្រោះជាតិបានចាប់ផ្តើមប្រមូលវិភាគទានដើម្បីបង្កើត ទូរទស្សន៍ព្រះអាទិត្យ ចាប់ពីថ្ងៃទី២៥ ខែមិថុនា ឆ្នាំ២០១៥ មក៕
© រក្សាសិទ្ធិដោយ thmeythmey.com