ជាតិ
សេដ្ឋកិច្ច
សមាជិកសភាអាស៊ាន នឹងជជែកពីការអភិវឌ្ឍ និងអភិរក្សវិស័យទេសចរណ៍ក្នុងតំបន់
×
កម្ពុជានឹងរៀបចំកិច្ចប្រជុំក្រុមអ្នកនយោបាយអាយប៉ាលើកទី៧ (The7 AIPA Caucus) រយៈពេល៥ថ្ងៃចាប់ពីថ្ងៃទី២៦ដល់ថ្ងៃទី៣០ ខែកក្កដាខាងមុខនៅសណ្ឋាគារសុខាអង្គររីសត ខេត្តសៀមរាប។ ព្រឹត្តិការណ៍នេះត្រូវបានប្រកាសដោយអគ្គលេខាធិការដ្ឋានរដ្ឋសភាជាតិកម្ពុជា។
«ទេសចរណ៍អាស៊ាន៖ ជំរុញការអភិរក្សធម្មជាតិនិងការអភិវឌ្ឍទេសចរណ៍ប្រកបដោយចីរភាព» គឺជាប្រធានបទនៃកិច្ចប្រជុំរយៈពេល៥ថ្ងៃនេះ។
រដ្ឋសភាកម្ពុជាបានបញ្ជាក់នៅក្នុងសេចក្តីប្រកាសព័ត៌មានរបស់ខ្លួនថាគណ:ប្រតិភូនៃប្រទេសចំនួន៩ដែលជាសមាជិកអាស៊ាន នឹងមានវត្តមាននៅក្នុងកិច្ចប្រជុំនេះ លើកលែងតែប្រទេសហ្វីលីពីន។ យ៉ាងណាក៏ដោយ រដ្ឋសភាកម្ពុជា មិនបានបញ្ជាក់ពីមូលហេតុនៃអវត្តមានរបស់ប្រទេសហ្វីលីពីននេះទេ។ ក្រៅពីប្រទេសទាំង៩ អគ្គលេខាធិការអាយប៉ា និងតំណាងរបស់អគ្គលេខាធិការដ្ឋានអាស៊ាន ក៏នឹងចូលរួមកិច្ចប្រជុំក្រុមអ្នកនយោបាយ អាយប៉ា លើកទី៧នេះដែរ។
កិច្ចប្រជុំក្រុមអ្នកនយោបាយអាយប៉ា(AIPA Caucus) បង្កើតឡើងក្នុងបំណងពិគ្រោះយោបល់ពីការវិវត្តនយោបាយថ្មីៗដែលកើតឡើងនៅក្នុងតំបន់និងសកលលោកក្នុងក្របខណ្ឌសភានៃប្រទេសជាសមាជិកអាស៊ាន៕
© រក្សាសិទ្ធិដោយ thmeythmey.com