អន្តរជាតិ
នយោបាយអន្តរជាតិ
×![]()
ឧត្តមសេនីយ៍យោធាអាមេរិកលោក Mark Milley បានព្រមានថា សមត្ថភាពនុយក្លេអ៊ែររុស្ស៊ីបច្ចុប្បន្នអាចកម្ទេចអាមេរិក ហើយមានតែរុស្ស៊ីមួយប៉ុណ្ណោះដែលអាចធ្វើបែបនេះបាន។ លោកបានបន្ថែមថា បច្ចុប្បន្ន សត្រូវអាមេរិកផ្សេងទៀតមានដូចជានុយក្លេអ៊ែរកូរ៉េខាងជើង និង ចិន ក៏អាចគំរាមកំហែងអាមេរិក ប៉ុន្តែមិនគ្រោះថ្នាក់ដូចជារុស្ស៊ីឡើយ។ លោកបានស្នើឲ្យរដ្ឋាភិបាលក្រុងវ៉ាស៊ីនតោនពិចារណាបញ្ជូនអាវុធទៅអ៊ុយក្រែននិងសាងអំណាចយោធានៅអឺរ៉ុបជុំវិញព្រំដែនរុស្ស៊ី។ នេះបើយោងតាមសារព័ត៌មានអ៊ីរ៉ង់ PressTv។
មន្ត្រីយោធាជាន់ខ្ពស់របស់ក្រុងវ៉ាស៊ីនតោនលោកឧត្តមសេនីយ៍ Mark Milley ទទួលស្គាល់ថា អាវុធនុយក្លេអ៊ែររបស់រុស្ស៊ីពិតជាគំរាមកំហែងសន្តិសុខអាមេរិកពិតមែន ហើយអាវុធប្រល័យលោកនេះអាចកម្ទេចអាមេរិកយ៉ាងងាយថែមទៀត។ ក្រៅពីរុស្ស៊ី ប្រទេសមួយចំនួនដូចជាចិន និងកូរ៉េខាងជើងក៏ត្រូវបានមន្ត្រីយោធាម្នាក់ចាត់ទុកថាជាប្រភពនៃគ្រោះថ្នាក់ដល់សន្តិសុខរបស់អាមេរិកផងដែរ។ លោកបានថ្លែងដូច្នេះ ក្នុងពេលប្រជុំជាមួយសមាជិកគណកម្មាធិការកិច្ចការយោធាព្រឹទ្ធសភាអាមេរិកតាំងពីថ្ងៃអង្គារកន្លងទៅ។
លោកបានអះអាងថា យោងតាមស្ថានភាពបច្ចុប្បន្ន រុស្ស៊ីជាប្រទេសតែមួយគត់នៅលើពិភលោក ដែលមានសមត្ថភាពយោធាជាពិសេសសមត្ថភាពអាវុធនុយក្លេអ៊ែរដែលអាចម្ទេចអាមេរិកបានបើសិនមានករណីប្រទូស្តរ៉ាយគ្នាកើតឡើងដោយអាវុធ។ នេះមិនមែនជារឿងសាមញ្ញទេដែលឧត្តមសេនីយ៍យោធា និងជាអនាគតអគ្គសេនាធិការកងទ័ពអាមេរិក ថ្លែងដូច្នះព្រោះវាបញ្ជាក់យ៉ាងច្បាស់ថា សហរដ្ឋអាមេរិកក៏ខ្លាចរអារុស្ស៊ីដែរ។ រុស្ស៊ីទើបបំពាក់មីស៊ីលឆ្លងទ្វីបដោយក្បាលគ្រាប់នុយក្លេអ៊ែរជាដើមគ្រាប់កន្លងមក និងបញ្ចូលអាវុធទាំងនេះក្នុងវិស័យការពារជាតិដើម្បីត្រៀមប្រើប្រាស់ផង។
បើតាមសម្តីមន្ត្រីយោធាអាមេរិកនេះ រុស្ស៊ីប្រឹងបង្កើនឥទ្ធិពលអាវុធនុយក្លេអ៊ែររបស់ខ្លួនកាន់តែខ្លាំងឡើងចាប់ពីឆ្នាំ ២០០៨មក ហើយរុស្ស៊ីកាន់តែកោងកាចខ្លាំងឡើងៗឥតឈប់ដែរ។ ក្រៅពីបង្ហាញក្តីបារម្ភចំពោះអំណាចយោធារុស្ស៊ី លោកក៏បានស្នើជាប្រយោលឲ្យរដ្ឋាភិបាលអាមេរិកពិចារណាបញ្ជូនសព្វាវុធធុនធ្ងន់ ដែលអាចសម្លាប់មនុស្សបានទៅកាន់ប្រទេសអ៊ុយក្រែនដើម្បីបង្កើនសមត្ថភាពការពារជាតិផង។
សហរដ្ឋអាមេរិកនៅស្ទាក់ស្ទើររឿងបញ្ជូនអាវុធអាចសម្លាប់មនុស្សបានទៅអ៊ុយក្រែន ព្រោះបណ្តាសម្ព័ន្ធមិត្តនៅអឺរ៉ុបព្រមានទុកមុនហើយថា បើហ៊ានបញ្ជូនអាវុធធុនធ្ងន់ទៅ កុំរំពឹងថា សន្តិភាពអាចចេញជារូបរាងនៅអ៊ុយក្រែនឲ្យសោះ។ ក្រោយមកមិនឃើញមានការសម្រេចចិត្តបញ្ជូនអាវុធសម្លាប់មនុស្សបានទៅអ៊ុយក្រែនឡើយ ប៉ុន្តែក្រុងវ៉ាស៊ីនតោនស្រាប់តែពង្រាយអាវុធធុនធ្ងន់ទៅអឺរ៉ុបខាងកើតនិងរដ្ឋបាល់ទិកជំនួសវិញ ដើម្បីកំញើញរុស្ស៊ី។ លោកខាងលិចបន្តចោទប្រកាន់រុស្ស៊ី ថាជាអ្នកដែលនៅពីក្រោយដោយឧបត្ថម្ភគាំទ្រក្រុមឧទ្ទាមនៅភាគខាងកើតប្រទេសអ៊ុយក្រែន ប៉ុន្តែរុស្ស៊ីបន្តទាត់ចោលការចោទប្រកាន់ដោយអះអាងថាខ្លួនមិនជាប់ពាក់ព័ន្ធនោះឡើយ៕
មន្ត្រីយោធាជាន់ខ្ពស់របស់ក្រុងវ៉ាស៊ីនតោនលោកឧត្តមសេនីយ៍ Mark Milley ទទួលស្គាល់ថា អាវុធនុយក្លេអ៊ែររបស់រុស្ស៊ីពិតជាគំរាមកំហែងសន្តិសុខអាមេរិកពិតមែន ហើយអាវុធប្រល័យលោកនេះអាចកម្ទេចអាមេរិកយ៉ាងងាយថែមទៀត។ ក្រៅពីរុស្ស៊ី ប្រទេសមួយចំនួនដូចជាចិន និងកូរ៉េខាងជើងក៏ត្រូវបានមន្ត្រីយោធាម្នាក់ចាត់ទុកថាជាប្រភពនៃគ្រោះថ្នាក់ដល់សន្តិសុខរបស់អាមេរិកផងដែរ។ លោកបានថ្លែងដូច្នេះ ក្នុងពេលប្រជុំជាមួយសមាជិកគណកម្មាធិការកិច្ចការយោធាព្រឹទ្ធសភាអាមេរិកតាំងពីថ្ងៃអង្គារកន្លងទៅ។
លោកបានអះអាងថា យោងតាមស្ថានភាពបច្ចុប្បន្ន រុស្ស៊ីជាប្រទេសតែមួយគត់នៅលើពិភលោក ដែលមានសមត្ថភាពយោធាជាពិសេសសមត្ថភាពអាវុធនុយក្លេអ៊ែរដែលអាចម្ទេចអាមេរិកបានបើសិនមានករណីប្រទូស្តរ៉ាយគ្នាកើតឡើងដោយអាវុធ។ នេះមិនមែនជារឿងសាមញ្ញទេដែលឧត្តមសេនីយ៍យោធា និងជាអនាគតអគ្គសេនាធិការកងទ័ពអាមេរិក ថ្លែងដូច្នះព្រោះវាបញ្ជាក់យ៉ាងច្បាស់ថា សហរដ្ឋអាមេរិកក៏ខ្លាចរអារុស្ស៊ីដែរ។ រុស្ស៊ីទើបបំពាក់មីស៊ីលឆ្លងទ្វីបដោយក្បាលគ្រាប់នុយក្លេអ៊ែរជាដើមគ្រាប់កន្លងមក និងបញ្ចូលអាវុធទាំងនេះក្នុងវិស័យការពារជាតិដើម្បីត្រៀមប្រើប្រាស់ផង។
បើតាមសម្តីមន្ត្រីយោធាអាមេរិកនេះ រុស្ស៊ីប្រឹងបង្កើនឥទ្ធិពលអាវុធនុយក្លេអ៊ែររបស់ខ្លួនកាន់តែខ្លាំងឡើងចាប់ពីឆ្នាំ ២០០៨មក ហើយរុស្ស៊ីកាន់តែកោងកាចខ្លាំងឡើងៗឥតឈប់ដែរ។ ក្រៅពីបង្ហាញក្តីបារម្ភចំពោះអំណាចយោធារុស្ស៊ី លោកក៏បានស្នើជាប្រយោលឲ្យរដ្ឋាភិបាលអាមេរិកពិចារណាបញ្ជូនសព្វាវុធធុនធ្ងន់ ដែលអាចសម្លាប់មនុស្សបានទៅកាន់ប្រទេសអ៊ុយក្រែនដើម្បីបង្កើនសមត្ថភាពការពារជាតិផង។
សហរដ្ឋអាមេរិកនៅស្ទាក់ស្ទើររឿងបញ្ជូនអាវុធអាចសម្លាប់មនុស្សបានទៅអ៊ុយក្រែន ព្រោះបណ្តាសម្ព័ន្ធមិត្តនៅអឺរ៉ុបព្រមានទុកមុនហើយថា បើហ៊ានបញ្ជូនអាវុធធុនធ្ងន់ទៅ កុំរំពឹងថា សន្តិភាពអាចចេញជារូបរាងនៅអ៊ុយក្រែនឲ្យសោះ។ ក្រោយមកមិនឃើញមានការសម្រេចចិត្តបញ្ជូនអាវុធសម្លាប់មនុស្សបានទៅអ៊ុយក្រែនឡើយ ប៉ុន្តែក្រុងវ៉ាស៊ីនតោនស្រាប់តែពង្រាយអាវុធធុនធ្ងន់ទៅអឺរ៉ុបខាងកើតនិងរដ្ឋបាល់ទិកជំនួសវិញ ដើម្បីកំញើញរុស្ស៊ី។ លោកខាងលិចបន្តចោទប្រកាន់រុស្ស៊ី ថាជាអ្នកដែលនៅពីក្រោយដោយឧបត្ថម្ភគាំទ្រក្រុមឧទ្ទាមនៅភាគខាងកើតប្រទេសអ៊ុយក្រែន ប៉ុន្តែរុស្ស៊ីបន្តទាត់ចោលការចោទប្រកាន់ដោយអះអាងថាខ្លួនមិនជាប់ពាក់ព័ន្ធនោះឡើយ៕
Tag:
នុយក្លេអ៊ែរ
រុស្ស៊ី
អាមេរិក
© រក្សាសិទ្ធិដោយ thmeythmey.com
