ជាតិ
×![]()
ភ្នំពេញ៖តារាសំដែងដែលមានទេពកោសល្យខាងធ្វើចរិតឆ្កួតឡប់ៗ លោក ប៉ែន ចំរ៉ុង ត្រូវបានគេកត់សម្គាល់ថា ជាតារាដែលកំពុងមមាញឹកជាមួយនឹងការងារសិល្បៈស្ទើរតែរកពេលសម្រាកមិនបាន ដែលនេះគឺជាឱកាសមួយសម្រាប់ឈោងចាប់យកភាពល្បីល្បាញ ក៏ដូចជាឱកាសប្រមូលប្រាក់ដាក់ចូលហោប៉ៅធ្វើជាអ្នកមានផងនោះ។
ប៉ុន្មានឆ្នាំចុងក្រោយនេះ តារាសម្តែងលោក ប៉ែន ចំរ៉ុង កំពុងមានយីអ៊ុនឡើងស្រឺតៗតែម្ដង ព្រមទាំងក្ដោបក្តាប់បានឱកាសទីផ្សារការងារថតខ្សែភាពយន្តខ្នាតធំ និងខ្សែវីដេអូភាគឲ្យបណ្ដាផលិតកម្មក្នុងស្រុកមួយចំនួនយ៉ាងមមាញឹក ហើយបើប្រៀបធៀបជាមួយនឹងតារាសំដែងមួយចំនួនទៀត ឃើញថា តារាសិល្បៈរូបនេះមានភាពលេចធ្លោ និងបានបោះជំហានឈានឡើងលំដាប់តារាកំពូលថែមទៀតផង។
ដោយឡែក សម្រាប់អ្នកដែលចូលចិត្តតាមដាននូវរាល់សកម្មភាពរបស់តារាសិល្បៈខ្មែរវិញ បាននិយាយថា ប៉ែន ចំរ៉ុង គឺជាតារាសំដែងម្នាក់ដែលមានទេពកោសល្យសិល្បៈ និងមានសមត្ថភាពអាចដើរតួបាន ទាំងធ្វើឆ្កួត បែបកំប្លែង បែបមនោសញ្ចេតនា...បានល្អឥតខ្ចោះ។ រាល់ខ្សែភាពយន្តដែលលោក ប៉ែន ចំរ៉ុង សំដែង តែងតែទទួលបាននូវការគាំទ្រយ៉ាងច្រើនពីសំណាក់ទស្សនិកជនអ្នកទស្សនា ដូច្នេះហើយ ទើបប៉ុន្មានឆ្នាំចុងក្រោយនេះ តារាសំដែងក្រមិចក្រមើមលោក ប៉ែន ចំរ៉ុង ក្រសោបបានតំណែងជាតួឯកស្ទើរគ្រប់រឿង។
ជំនួបផ្ទាល់ជាមួយតារាសំដែងលោក ប៉ែន ចំរ៉ុង កាលពីពេលកន្លងទៅថ្មីៗនេះ លោកបានបញ្ជាក់ប្រាប់ថា លោកពិតជាទទួលស្គាល់ថា ការងារសិល្បៈរយៈពេលមួយឆ្នាំចុងក្រោយនេះ ហាក់ដូចជាមានសន្ទុះខ្លាំងគួរឲ្យកត់សម្គាល់ ពោលគឺទាំងការងារថតភាពយន្តឲ្យបណ្ដាផលិតកម្មនានា ទាំងថតកម្មវិធីទូរទស្សន៍ជាដើម។
ប៉ែន ចំរ៉ុង បញ្ជាក់ទៀតថា ជាក់ស្ដែងនៅពេលនេះ លោកកំពុងជាប់ដៃថតសំដែងដើរជាតួឯកបែបឡប់ៗ គឺរឿង «អាមោកលក់មុំា» របស់ផលិតកម្មមហាហង្ស ដែលមានដៃគូសំដែងស្រីគឺកញ្ញា ជីជី និងកំពុងចុះកុងត្រាថតរឿងជាបន្តបន្ទាប់ទៀតផងដែរ។
លោក ប៉ែន ចំរ៉ុង បានសន្យាថា រូបលោកនឹងមិនឃ្លាតទៅណាឆ្ងាយពីសង្វៀនសិល្បៈនោះទេ ហើយនឹងខំប្រឹងសំដែងឲ្យអស់ពីសមត្ថភាព ដើម្បីបម្រើអារម្មណ៍ទស្សនិកជនទូទៅ៕
ប៉ុន្មានឆ្នាំចុងក្រោយនេះ តារាសម្តែងលោក ប៉ែន ចំរ៉ុង កំពុងមានយីអ៊ុនឡើងស្រឺតៗតែម្ដង ព្រមទាំងក្ដោបក្តាប់បានឱកាសទីផ្សារការងារថតខ្សែភាពយន្តខ្នាតធំ និងខ្សែវីដេអូភាគឲ្យបណ្ដាផលិតកម្មក្នុងស្រុកមួយចំនួនយ៉ាងមមាញឹក ហើយបើប្រៀបធៀបជាមួយនឹងតារាសំដែងមួយចំនួនទៀត ឃើញថា តារាសិល្បៈរូបនេះមានភាពលេចធ្លោ និងបានបោះជំហានឈានឡើងលំដាប់តារាកំពូលថែមទៀតផង។
ដោយឡែក សម្រាប់អ្នកដែលចូលចិត្តតាមដាននូវរាល់សកម្មភាពរបស់តារាសិល្បៈខ្មែរវិញ បាននិយាយថា ប៉ែន ចំរ៉ុង គឺជាតារាសំដែងម្នាក់ដែលមានទេពកោសល្យសិល្បៈ និងមានសមត្ថភាពអាចដើរតួបាន ទាំងធ្វើឆ្កួត បែបកំប្លែង បែបមនោសញ្ចេតនា...បានល្អឥតខ្ចោះ។ រាល់ខ្សែភាពយន្តដែលលោក ប៉ែន ចំរ៉ុង សំដែង តែងតែទទួលបាននូវការគាំទ្រយ៉ាងច្រើនពីសំណាក់ទស្សនិកជនអ្នកទស្សនា ដូច្នេះហើយ ទើបប៉ុន្មានឆ្នាំចុងក្រោយនេះ តារាសំដែងក្រមិចក្រមើមលោក ប៉ែន ចំរ៉ុង ក្រសោបបានតំណែងជាតួឯកស្ទើរគ្រប់រឿង។
ជំនួបផ្ទាល់ជាមួយតារាសំដែងលោក ប៉ែន ចំរ៉ុង កាលពីពេលកន្លងទៅថ្មីៗនេះ លោកបានបញ្ជាក់ប្រាប់ថា លោកពិតជាទទួលស្គាល់ថា ការងារសិល្បៈរយៈពេលមួយឆ្នាំចុងក្រោយនេះ ហាក់ដូចជាមានសន្ទុះខ្លាំងគួរឲ្យកត់សម្គាល់ ពោលគឺទាំងការងារថតភាពយន្តឲ្យបណ្ដាផលិតកម្មនានា ទាំងថតកម្មវិធីទូរទស្សន៍ជាដើម។
ប៉ែន ចំរ៉ុង បញ្ជាក់ទៀតថា ជាក់ស្ដែងនៅពេលនេះ លោកកំពុងជាប់ដៃថតសំដែងដើរជាតួឯកបែបឡប់ៗ គឺរឿង «អាមោកលក់មុំា» របស់ផលិតកម្មមហាហង្ស ដែលមានដៃគូសំដែងស្រីគឺកញ្ញា ជីជី និងកំពុងចុះកុងត្រាថតរឿងជាបន្តបន្ទាប់ទៀតផងដែរ។
លោក ប៉ែន ចំរ៉ុង បានសន្យាថា រូបលោកនឹងមិនឃ្លាតទៅណាឆ្ងាយពីសង្វៀនសិល្បៈនោះទេ ហើយនឹងខំប្រឹងសំដែងឲ្យអស់ពីសមត្ថភាព ដើម្បីបម្រើអារម្មណ៍ទស្សនិកជនទូទៅ៕
Tag:
ប៉ែន ចំរ៉ុង
តារា
© រក្សាសិទ្ធិដោយ thmeythmey.com
