សង្គមអន្តរជាតិ
អន្តរជាតិ
រុស្ស៊ីត្រៀមគម្រោងអភិវឌ្ឍន៍ និងពង្រឹងកម្លាំងយោធានៅកោះគូរីល ដែលមានជម្លោះជាមួយជប៉ុន
×![]()
នាយករដ្ឋមន្ត្រីរុស្ស៊ី ឌីមីទ្រី មេវេដេវ បានឲ្យដឹងថា រុស្ស៊ីនឹងចាប់ផ្តើមព្រាងគម្រោងអភិវឌ្ឍន៍របស់ពេល ១០ឆ្នាំសម្រាប់ប្រជុំកោះ Kuril(គូរីល) ដែលជាប់ជម្លោះជាមួយជប៉ុនផងនោះ។គម្រោងអភិវឌ្ឍន៍កោះជម្លោះរយៈពេល១០ឆ្នាំរបស់រុស្ស៊ី ក្រៅពីផ្តោតលើហេដ្ឋរចនាសម្ព័ន្ធស៊ីវិល គម្រោងនេះក៏ផ្តោតលើការកសាងកម្លាំងយោធាលើកោះដែរ។ សកម្មភាពនេះអាចក្លាយជារឿងចម្រូងចម្រាស និងអាចបណ្តាលឲ្យមានការប្រឈមមុខគ្នាជាមួយជប៉ុនផងដែរ។
ប្រមុខរដ្ឋាភិបាលរុស្ស៊ីលោក ឌីមីទ្រី មេវេដេវ បានឲ្យដឹងកាលពីថ្ងៃព្រហស្បតិ៍កន្លងទៅក្នុងកិច្ចប្រជុំគណរដ្ឋមន្ត្រីថា លោកបានស្នើឲ្យរដ្ឋាភិបាលរៀបចំសេចក្តីព្រៀងគម្រោងអភិវឌ្ឍន៍កោះគូរីលដែលជាប់ជម្លោះជាមួយជប៉ុនរយៈពេល១០ឆ្នាំ ចាប់ផ្តើមពីឆ្នាំ ២០១៦ដល់ឆ្នាំ ២០២៥ឯណោះ។ គម្រោងថ្មីជាគម្រោងរបស់សហព័ន្ធ ហើយវាកំពុងស្ថិតក្រោមការសិក្សានៅឡើយ។
នាយករដ្ឋមន្ត្រីរុស្ស៊ីរូបនេះបានបញ្ជាក់ថា ប្រជុំកោះគូរីល ជាកន្លែងដែលអស្ចារ្យបំផុតមួយសម្រាប់រុស្ស៊ី នោះក៏ដោយសារទីតាំងភូមិសាស្ត្រ ធនធានធម្មជាតិ និងសក្តានុពលសេដ្ឋកិច្ចផង។ លោក មេវេដេវ បានសង្កត់ធ្ងន់ថា រុស្ស៊ីប្រហែលជាត្រូវចំណាយថវិកាសរុបរហូតដល់ ១.២២ពាន់លានដុលា្លរដើម្បីសម្រេចគម្រោងរយៈពេល១០ឆ្នាំ។ គេមិនទាន់ដឹងច្បាស់នៅឡើយទេ ថាផែនការរយៈពេល១០ឆ្នាំរបស់រុស្ស៊ីដើម្បីអភិវឌ្ឍប្រជុំកោះនេះ មានអ្វីខ្លះទេ ប៉ុន្តែវាមិនមានអ្វីក្រៅពីការសាងសង់សំណង់ និងហេដ្ឋារចនាសម្ព័ន្ធជាដើមផង។ ប៉ុន្តែបើតាមសម្តីរបស់លោក នាយករដ្ឋមន្ត្រីរុស្ស៊ី គោលបំណងរបស់រដ្ឋាភិបាលគឺធ្វើយ៉ាងណាជួយលើកកម្ពស់ជីវភាពរស់នៅរបស់ប្រជាជនដែលរស់នៅលើកោះ និងធ្វើយ៉ាងណាអភិវឌ្ឍន៍កោះឲ្យប្រសើរដើម្បីទាក់ទាញប្រជាជនមករស់នៅ និងអ្នកវិនិយោគ។
ជុំវិញបញ្ហានេះ ប្រមុខរដ្ឋាភិបាលរុស្ស៊ីនេះ អាចនឹងទៅទស្សនកិច្ចនៅលើកោះនេះដែរនៅពេលខាងមុខ ប៉ុន្តែគេរំពឹងថា ទស្សនកិច្ចមេដឹកនាំកំពូលរុស្ស៊ីនឹងបង្កភាពតានតឹងជាមួយជប៉ុនថែមទៀតផង។ កន្លងមកដោយសារតែជម្លោះដែនកោះនេះបានធ្វើឲ្យជប៉ុននិងរុស្ស៊ីប្រឈមមុខដាក់គ្នា ហើយជម្លោះនេះទៀតសោតរារាំងភាគីទាំងពីរមិនឲ្យបង្កើតកិច្ចព្រមព្រៀងសន្តិភាពតាំងពីក្រោយសង្គ្រាមលោកលើកទីពីរមកម្ល៉េះនោះ។
ក្រៅពីផ្តោតលើការអភិវឌ្ឍន៍កោះ ដោយសាងសង់សំណង់ ហេដ្ឋារចនាសម្ព័ន្ធ រដ្ឋាភិបាលក្រុងម៉ូស្គូក៏ព្យាយាមបង្កើនសមត្ថភាពយោធារបស់កងទ័ពដែលកំពុងកាន់កាប់កោះជម្លោះនេះ។ ជាពិសេសក្រោយរុស្ស៊ីក្រសោបយកឧបទ្វីប Crimea ពីអ៊ុយក្រែន រុស្ស៊ីចាប់ផ្តើមធ្វើទំនើបកម្មកងទ័ពនៅកោះ និង បញ្ជូនសព្វាវុធច្រើនសន្ធឹកសន្ធាប់ទៅកាន់កោះនេះផងដែរ។ តាមពិតទៅ រុស្ស៊ីខឹងជប៉ុន ដែលហ៊ានដាក់ទណ្ឌកម្មប្រឆាំងខ្លួន ក្រោយជម្លោះអ៊ុយក្រែនកើតឡើងក្នុងពីខែមិនាឆ្នាំ២០១៤ កន្លងទៅ។
សូមបញ្ជាក់ថាប្រទេសទាំងពីរកន្លងមកធ្លាប់ព្យាយាមស្តារចំណងការទូត កិច្ចសហប្រតិបត្តិការផ្នែកសន្តិសុខ នយោបាយ និងសេដ្ឋកិច្ចផងដែរ។ ឆន្ទៈស្តារទំនាក់ទំនងប្រទេសទាំងពីរ ស្តែងឡើងតាមដំណើរទស្សនកិច្ចរបស់លោកស៊ីនហ្សូ អាបេ កាលពីឆ្នាំ ២០១៣ ទៅកាន់ប្រទេសរុស្ស៊ី៕
ប្រមុខរដ្ឋាភិបាលរុស្ស៊ីលោក ឌីមីទ្រី មេវេដេវ បានឲ្យដឹងកាលពីថ្ងៃព្រហស្បតិ៍កន្លងទៅក្នុងកិច្ចប្រជុំគណរដ្ឋមន្ត្រីថា លោកបានស្នើឲ្យរដ្ឋាភិបាលរៀបចំសេចក្តីព្រៀងគម្រោងអភិវឌ្ឍន៍កោះគូរីលដែលជាប់ជម្លោះជាមួយជប៉ុនរយៈពេល១០ឆ្នាំ ចាប់ផ្តើមពីឆ្នាំ ២០១៦ដល់ឆ្នាំ ២០២៥ឯណោះ។ គម្រោងថ្មីជាគម្រោងរបស់សហព័ន្ធ ហើយវាកំពុងស្ថិតក្រោមការសិក្សានៅឡើយ។
នាយករដ្ឋមន្ត្រីរុស្ស៊ីរូបនេះបានបញ្ជាក់ថា ប្រជុំកោះគូរីល ជាកន្លែងដែលអស្ចារ្យបំផុតមួយសម្រាប់រុស្ស៊ី នោះក៏ដោយសារទីតាំងភូមិសាស្ត្រ ធនធានធម្មជាតិ និងសក្តានុពលសេដ្ឋកិច្ចផង។ លោក មេវេដេវ បានសង្កត់ធ្ងន់ថា រុស្ស៊ីប្រហែលជាត្រូវចំណាយថវិកាសរុបរហូតដល់ ១.២២ពាន់លានដុលា្លរដើម្បីសម្រេចគម្រោងរយៈពេល១០ឆ្នាំ។ គេមិនទាន់ដឹងច្បាស់នៅឡើយទេ ថាផែនការរយៈពេល១០ឆ្នាំរបស់រុស្ស៊ីដើម្បីអភិវឌ្ឍប្រជុំកោះនេះ មានអ្វីខ្លះទេ ប៉ុន្តែវាមិនមានអ្វីក្រៅពីការសាងសង់សំណង់ និងហេដ្ឋារចនាសម្ព័ន្ធជាដើមផង។ ប៉ុន្តែបើតាមសម្តីរបស់លោក នាយករដ្ឋមន្ត្រីរុស្ស៊ី គោលបំណងរបស់រដ្ឋាភិបាលគឺធ្វើយ៉ាងណាជួយលើកកម្ពស់ជីវភាពរស់នៅរបស់ប្រជាជនដែលរស់នៅលើកោះ និងធ្វើយ៉ាងណាអភិវឌ្ឍន៍កោះឲ្យប្រសើរដើម្បីទាក់ទាញប្រជាជនមករស់នៅ និងអ្នកវិនិយោគ។
ជុំវិញបញ្ហានេះ ប្រមុខរដ្ឋាភិបាលរុស្ស៊ីនេះ អាចនឹងទៅទស្សនកិច្ចនៅលើកោះនេះដែរនៅពេលខាងមុខ ប៉ុន្តែគេរំពឹងថា ទស្សនកិច្ចមេដឹកនាំកំពូលរុស្ស៊ីនឹងបង្កភាពតានតឹងជាមួយជប៉ុនថែមទៀតផង។ កន្លងមកដោយសារតែជម្លោះដែនកោះនេះបានធ្វើឲ្យជប៉ុននិងរុស្ស៊ីប្រឈមមុខដាក់គ្នា ហើយជម្លោះនេះទៀតសោតរារាំងភាគីទាំងពីរមិនឲ្យបង្កើតកិច្ចព្រមព្រៀងសន្តិភាពតាំងពីក្រោយសង្គ្រាមលោកលើកទីពីរមកម្ល៉េះនោះ។
ក្រៅពីផ្តោតលើការអភិវឌ្ឍន៍កោះ ដោយសាងសង់សំណង់ ហេដ្ឋារចនាសម្ព័ន្ធ រដ្ឋាភិបាលក្រុងម៉ូស្គូក៏ព្យាយាមបង្កើនសមត្ថភាពយោធារបស់កងទ័ពដែលកំពុងកាន់កាប់កោះជម្លោះនេះ។ ជាពិសេសក្រោយរុស្ស៊ីក្រសោបយកឧបទ្វីប Crimea ពីអ៊ុយក្រែន រុស្ស៊ីចាប់ផ្តើមធ្វើទំនើបកម្មកងទ័ពនៅកោះ និង បញ្ជូនសព្វាវុធច្រើនសន្ធឹកសន្ធាប់ទៅកាន់កោះនេះផងដែរ។ តាមពិតទៅ រុស្ស៊ីខឹងជប៉ុន ដែលហ៊ានដាក់ទណ្ឌកម្មប្រឆាំងខ្លួន ក្រោយជម្លោះអ៊ុយក្រែនកើតឡើងក្នុងពីខែមិនាឆ្នាំ២០១៤ កន្លងទៅ។
សូមបញ្ជាក់ថាប្រទេសទាំងពីរកន្លងមកធ្លាប់ព្យាយាមស្តារចំណងការទូត កិច្ចសហប្រតិបត្តិការផ្នែកសន្តិសុខ នយោបាយ និងសេដ្ឋកិច្ចផងដែរ។ ឆន្ទៈស្តារទំនាក់ទំនងប្រទេសទាំងពីរ ស្តែងឡើងតាមដំណើរទស្សនកិច្ចរបស់លោកស៊ីនហ្សូ អាបេ កាលពីឆ្នាំ ២០១៣ ទៅកាន់ប្រទេសរុស្ស៊ី៕
Tag:
កោះគូរីល
ជប៉ុន
រុស្ស៊ី
© រក្សាសិទ្ធិដោយ thmeythmey.com
