អត្ថបទពាណិជ្ជកម្ម
ទូរស័ព្ទត្រកូលGalaxy Note ចូលរួមចំណែកធ្វើអោយSamsung ក្លាយជាក្រុមហ៊ុន ទូរស័ព្ធលេខ 1 ក្នុងពិភពលោក
×![]()
ដោយ: ថ្មីៗ
ក្រុមហ៊ុន សាមសុង បាននឹងកំពុងពង្រឹងខ្លួនជាអ្នកនាំមុខគេលើទីផ្សាទូរស័ព្ទជាលំដាប់ ដែលមានជាប្រភេទទូរស័ព្ទធម្មតា និងប្រភេទទូរស័ព្ទទំនើប ឈានមុខគេផ្នែកបច្ចេកវិទ្យា។ ជាពិសេស ក្រុមហ៊ុននៅតែឈរលើលំដាប់លេខមួយ នៃចំណែកទីផ្សាទូទាំងពិភពលោក តាមរយៈភាពជោគជ័យរបស់ទូរស័ព្ទដៃទំនើបស្មាតហ្វូន ប្រភេទ Galaxy S series និង Galaxy Note series ។
ទូរស័ព្ទGalaxy Note គឺជាប្រភេទស្មាតហ្វូនល្អបំផុត ថ្លៃថ្នូរឈានមុខគេដែលបានចេញលក់កាលពីឆ្នាំ 2011 គិតមកដល់ពេលនេះ ក្រុមហ៊ុនបានចេញលក់ដល់Galaxy Note ជំនាន់ទី4។ វាមានលក្ខណៈពិសេសសំខាន់ៗ ខុសប្លែកពីទូរស័ព្ទដៃដទៃដូចខាងក្រោមនេះ៖
1. អេក្រង់ច្បាស់បំផុត៖ រូបភាព និងអត្ថបទបង្ហាញនៅលើអេក្រង់ប្រភេទSuper AMOLEDមានភាពច្បាស់ ជាមួយនឹងអេក្រង់ដ៏ធំ នៃ Samsung GALAXY Note បានបង្កើនផលិតភាពអាជីវកម្មនិងតម្រូវការរបស់អ្នកប្រើ ឲ្យកាន់តែប្រសើរជាងមុន។2. បង្កើនប្រសិទ្ធិភាពនៃការកត់ត្រាលើរូបភាព៖ជាមួយនឹងការកត់ត្រាលើរូបថត អ្នកអាចបង្កើនផលិតភាពក្នុងការធ្វើការរបស់អ្នក ដោយអាចកាត់បន្ថយពេលវេលាក្នុងការធ្វើកំណត់ហេតុ និងឯកសារផ្សេង។ នៅពេលដែលអ្នកថតរូបជាមួយនឹងPhoto Note វានឹងជួយកែសម្រួលនូវកម្រិតពណ៌រូបភាពដោយស្វ័យប្រវត្តិ ដើម្បីបង្កើននូវភាពច្បាស់ និងគុណភាពរបស់រូបភាព។ អ្នកអាចគូរ ឬសរសេរនៅលើរូបថត ឬអត្ថបទជាមួយS Pen និងចែករំលែកការកត់ត្រាទាំងនោះ ផ្ទេរទៅក្នុងថែបប្លែត ឬកុំព្យូទ័បានយ៉ាងងាយស្រួល។
3. ភាពវៃឆ្លាត ប៊ិចS Pen ដ៏អស្ចារ្យ៖មានភាពងាយស្រួល ក្នុងការប្រមូលព័ត៌មាន មិនថាវាជាប្រភេទអត្ថបទ ឬរូបភាពឬនៅទីតាំងណា។វាអាចជួយបង្កើនសមត្ថភាព ក្នុងការទទួលស្គាល់អត្ថបទរូបភាព ហើយវាក៏ស្គាល់តួអក្សរប្រភេទអុបទិច(OCR) បានផងដែរ។S Pen ក៏អាចផ្តល់នូវភាពងាយស្រួលក្នុង ការហៅចេញការរក្សាទុកតារាងពេលវេលាធ្វើការ កត់ត្រាអាស័យដ្ឋានផ្ញើអ៊ីម៉ែលរក្សាទុកនូវលេខទូរស័ព្ទសម្រាប់ទំនាក់ទំនង ឬការមើលគេហទំព័រផ្សេង។
4. សាកថ្មបានលឿន៖អ្នកនៅតែអាចធ្វើការបន្ត ពេលដែលកំពុងសាកថ្មដែលមានល្បឿនលឿនព្រោះថាលក្ខណៈពិសេសនៃការសាកថ្មនេះ វាជួយបង្កើនល្បឿនរហូតដល់ 31% បើធៀបទៅនឹងល្បឿននៃការសាកថ្មធម្មតា អ្នកអាចសាកថ្មពេញបានយ៉ាងលឿនក្នុងពេលដ៏ឆាប់រហ័សបំផុត។
5. ការសន្សំថាមពលជាមួយUltra Power ៖ អ្នកអាចពង្រីកអាយុកាលរបស់ថ្មបានយ៉ាងយូរនៅពេលដែលអ្នកនៅឆ្ងាយពីកន្លែងសាកថ្មហើយអ្នកអាចនៅតែបន្តការងាររបស់អ្នកបានជាធម្មតា។ សូម្បីតែនៅពេលដែលថ្មរបស់អ្នកនៅសល់តែ 10% អ្នកនៅតែអាចបន្ដប្រតិបត្ដិការការងាររបស់អ្នកបានពេញមួយថ្ងៃ។
6. ប្រព័ន្ធសុវត្ថិភាព Samsung KNOX៖លក្ខណៈពិសេសរបស់វា គឺផ្តល់នូវផលប្រយោជន៍ពីរយ៉ាងរួមមាន ការផ្ទៀងផ្ទាត់នូវភាពត្រឹមត្រូវរបស់ម៉ាស៊ីន និងការពារសុវត្ថភាពទិន្នន័យរបស់អ្នក។
អត្ថប្រយោជន៍ដ៏លើសលុបរបស់ Samsung GALAXY Note ស៊េរីនេះ បានធ្វើឲ្យអតិថិជាច្រើន ជាពិសេសអ្នកដែលធ្វើការខាងមុខជំនួញ មានការពេញចិត្តយ៉ាងខ្លាំងទៅលើ មុខងារពិសេសៗ របស់ Galaxy Note ជំនាន់ថ្មី។ស្របជាមួយគ្នានេះ ដោយសារតែមានពាក្យចចាមរ៉ាមជាច្រើន ពាក់ព័ន្ធនឹងទូរស័ព្ទ Samsung Galaxy Note5 ដែលនាំគ្នាទស្សន៍ទាយ រូបរាង ក៏ដូចជាលក្ខណៈពិសេសរបស់វា ធ្វើឲ្យបណ្តាញសារព័ត៌មានទូទាំងពិភពលោក ភ្ញាក់ផ្អើល ចង់ដឹងចង់ឃើញ ចង់ប្រើ ទូរស័ព្ទដៃទំនើប ស្មាតហ្វូនត្រកូល Galaxy Note ជំនាន់ទី 5 នេះ ថាវាអស្ចារ្យកម្រិតណា។ព័ត៌មានពិតយ៉ាងណា ដែលពាក់ព័ន្ធជាមួយនឹងSamsung Galaxy Note 5 សូមរង់ចាំមើលទាំងអស់គ្នា ដោយសាមសុងបានបញ្ជាក់ពីកាលបរិច្ឆេទ នៃការបង្ហាញរូបរាងថ្មី របស់ទូរស័ព្ទ Samsung Galaxy Note 5 ហើយថានឹងធ្វើឡើងនៅថ្ងៃទី 13សីហាខាងមុខនេះ។
អំពីក្រុមហ៊ុន Samsung Electronics co., Ltd
គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្តល់លទ្ធភាពថ្មីៗជូនមនុស្សគ្រប់រូបគ្រប់ទីកន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរឲ្យកាន់តែប្រសើរឡើងនូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គិសនី និងដំណោះស្រាយផ្សេងៗប្រើប្រព័ន្ធ LED។ យើង មានបុគ្គលិកចំនួន 307.000 នាក់ នៅទូទាំង 84 ប្រទេសដោយមានបរិមាណលក់ប្រចាំឆ្នាំ ចំនួន 196 ពាន់លានដុល្លារអាមេរិក។ ព័ត៌មានបន្ថែម សូមមើលគេហទំព័រ www.samsung.comនិង global.samsungtomorrow.com
© រក្សាសិទ្ធិដោយ thmeythmey.com
