កីឡាជាតិ
ជាតិ
AFF U16៖ គ្រូកម្ពុជា សុំទោសអ្នកគាំទ្រ គ្រូអូស្ត្រាលី ថាពិបាករកគ្រាប់បាល់
×![]()
ក្រុមខ្លាំងអូស្ត្រាលី បានយកឈ្នះក្រុមម្ចាស់ផ្ទះកម្ពុជា ៤ ទល់ ០ ក្នុងវគ្គជម្រុះពូល B នៃពានរង្វាន់បាល់ទាត់ AFF BIDC U16 Championship 2015 នៅល្ងាចថ្ងៃទី ៣០ ខែ កក្កដា ម្សិលមិញលើទីលានបាល់ទាត់ពហុកីឡដ្ឋានជាតិ ក្នុងរាជធានីភ្នំពេញ។ ចប់ការប្រកួតគ្រូបង្វឹកកម្ពុជា បានសុំទោសចំពោះអ្នកគាំទ្រដែលមិនរក៣ ពិន្ទុបាន ខណៈក្រុមអូស្ត្រាលី ថាពិបាករកគ្រាប់បាល់បញ្ជូលទីក្រុមកម្ពុជា។ 
លោក Iki Yusuke គ្រូបង្វឹកក្រុម U16 កម្ពុជា បានលើកឡើងក្នុងសន្និសិតកាសែតក្រោយចប់ការប្រកួតថា៖ «ខ្ញុំសូមអរគុណដល់អ្នកគាំទ្រទាំងអស់ដែលអញ្ជើញមកតាមដាន ហើយរង់ចាំទស្សនារហូតដល់ចប់ការប្រកួត។ ខ្ញុំសោកស្ដាយណាស់ដែលមិនអាចរកជ័យជម្នះ ដើម្បីតបស្នងនឹងការអញ្ជើញមកគាំទ្រដល់ទីលានរបស់អ្នកទាំងអស់គ្នា» ។
លោកគ្រូបង្វឹកជនជាតិជប៉ុនរូបនេះបន្ថែមថា អូស្ត្រាលី ជាក្រុមខ្លាំងមួយដែលល្អទាំងបច្ចេកទេស កម្លាំង និង មាឌ។ លោកបានព្យាយាមសាកល្បងទម្រង់ប្រកួតបែប ៥-៤-១ ដែលធ្លាប់ប្រើបានជោគជ័យនៅប្រទេសជប៉ុន កន្លងទៅនៅក្នុងតង់ទី១ ហើយនៅតង់ទី២ លោកប្រើទម្រង់វាយបកវិញ។
បរាជ័យលើកនេះ U16 កម្ពុជា មិនទាន់អស់សង្ឃឹមនៅឡើយនោះទេ ព្រោះនៅសល់ ២ ប្រកួតក្នុងដៃជាបន្តទៀតដោយត្រូវជួបក្រុមសិង្ហបុរី នៅថ្ងៃទី១ ខែ សីហា និង ជួបក្រុមមីយ៉ាន់ម៉ា នៅថ្ងៃទី ៣ ខែ សីហា ឆ្នាំ ២០១៥ ។ លោក Iki សន្យាថានឹងព្យាយាមដឹកនាំកូនក្រុមធ្វើឱ្យបានល្អនៅប្រកួតបន្ទាប់ៗ ។
ចំណែកលោក UFUK TALAY គ្រូបង្វឹករបស់ក្រុមអូស្ត្រាលី វិញបានលើកឡើងថា លោករីករាយដែលបានប្រកួតជាមួយក្រុមកម្ពុជា ដែលជាក្រុមម្ចាស់ផ្ទះ។ លោកពេញចិត្តនឹងទម្រង់លេងរបស់កម្ពុជា តែទាស់តែម្យ៉ាងទេ ត្រង់ថាសមាជិកក្រុមភាពច្រើនមានមាឌតូចៗ ។
លោកបន្ថែមថា ក្រុមលោកពិបាករកគ្រាប់បាល់ទាត់បញ្ចូលទីណាស់ក្នុងការប្រកួតនេះ ព្រោះកម្ពុជាប្រើទម្រង់វាយបកនៅតង់ទី ២ បានល្អ ធ្វើឱ្យលោកពិបាកស្មាន។ តែយ៉ាងណាក៏ដោយក្រុមលោកអាចយកឈ្នះម្ចាស់ផ្ទះដោយលទ្ធផល ៤ ទល់ ០ ។ ៤ គ្រាប់របស់អូស្ត្រាលី រកបានដោយកីឡាករ Lachlan Brook រកគ្រាប់បាល់ឱ្យអូស្ត្រាលី បាន ២ គ្រាប់ម្នាក់ឯង ពោលគឺនៅនាទី ២ និង នាទី ៤ ខណៈកីឡាករ Jacob Italiano និង កីឡាករ Ahmed Sweedan រកគ្រាប់បាល់បាន ១ គ្រាប់។
លទ្ធផលវគ្គជម្រុះពូល B ដូចគ្នានេះដែរក្រុមសិង្ហបុរី បានយកឈ្នះក្រុមហ្វីលីពីន ដោយលទ្ធផល ៤ ទល់ ១ នៅទីលានកីឡដ្ឋានជាតិ ក្នុងរាជធានីភ្នំពេញ ប្រទេសកម្ពុជា ដូចគ្នា។
សហព័ន្ធកីឡាបាល់ទាត់អាស៊ីអាគ្នេយ៍ បានផ្ដល់សិទ្ធិឱ្យសហព័ន្ធកីឡាបាល់ទាត់កម្ពុជា ធ្វើជាម្ចាស់ផ្ទះក្នុងការប្រកួតកីឡាបាល់ទាត់ក្រោមអាយុ១៦ឆ្នាំប្រចាំតំបន់នេះ ចាប់ពីថ្ងៃទី ២៧ ខែ កក្កដា ដល់ ៩ ខែ សីហា ឆ្នាំ ២០១៥ ខាងមុខ ដោយមានក្រុមចូលរួមចំនួន ១១ ចែកជា ២ ពូល។ ចំពោះពូល A មាន ម៉ាឡេស៊ី, វៀតណាម, ឡាវ, ទីម័រខាងកើត, ប្រ៊ុយណេ និង ថៃ ហើយពូល B មាន អូស្ត្រាលី, សិង្ហបុរី, ហ្វីលីពីន, មីយ៉ាន់ម៉ា និងម្ចាស់ផ្ទះកម្ពុជា ប្រកួតជម្រុះនៅពហុកីឡដ្ឋានជាតិ និង កីឡដ្ឋានកងយោធពលខេមរភូមិន្ទ (ស្ដាតចាស់) ៕
លោក Iki Yusuke គ្រូបង្វឹកក្រុម U16 កម្ពុជា បានលើកឡើងក្នុងសន្និសិតកាសែតក្រោយចប់ការប្រកួតថា៖ «ខ្ញុំសូមអរគុណដល់អ្នកគាំទ្រទាំងអស់ដែលអញ្ជើញមកតាមដាន ហើយរង់ចាំទស្សនារហូតដល់ចប់ការប្រកួត។ ខ្ញុំសោកស្ដាយណាស់ដែលមិនអាចរកជ័យជម្នះ ដើម្បីតបស្នងនឹងការអញ្ជើញមកគាំទ្រដល់ទីលានរបស់អ្នកទាំងអស់គ្នា» ។
លោកគ្រូបង្វឹកជនជាតិជប៉ុនរូបនេះបន្ថែមថា អូស្ត្រាលី ជាក្រុមខ្លាំងមួយដែលល្អទាំងបច្ចេកទេស កម្លាំង និង មាឌ។ លោកបានព្យាយាមសាកល្បងទម្រង់ប្រកួតបែប ៥-៤-១ ដែលធ្លាប់ប្រើបានជោគជ័យនៅប្រទេសជប៉ុន កន្លងទៅនៅក្នុងតង់ទី១ ហើយនៅតង់ទី២ លោកប្រើទម្រង់វាយបកវិញ។
បរាជ័យលើកនេះ U16 កម្ពុជា មិនទាន់អស់សង្ឃឹមនៅឡើយនោះទេ ព្រោះនៅសល់ ២ ប្រកួតក្នុងដៃជាបន្តទៀតដោយត្រូវជួបក្រុមសិង្ហបុរី នៅថ្ងៃទី១ ខែ សីហា និង ជួបក្រុមមីយ៉ាន់ម៉ា នៅថ្ងៃទី ៣ ខែ សីហា ឆ្នាំ ២០១៥ ។ លោក Iki សន្យាថានឹងព្យាយាមដឹកនាំកូនក្រុមធ្វើឱ្យបានល្អនៅប្រកួតបន្ទាប់ៗ ។
ចំណែកលោក UFUK TALAY គ្រូបង្វឹករបស់ក្រុមអូស្ត្រាលី វិញបានលើកឡើងថា លោករីករាយដែលបានប្រកួតជាមួយក្រុមកម្ពុជា ដែលជាក្រុមម្ចាស់ផ្ទះ។ លោកពេញចិត្តនឹងទម្រង់លេងរបស់កម្ពុជា តែទាស់តែម្យ៉ាងទេ ត្រង់ថាសមាជិកក្រុមភាពច្រើនមានមាឌតូចៗ ។
លោកបន្ថែមថា ក្រុមលោកពិបាករកគ្រាប់បាល់ទាត់បញ្ចូលទីណាស់ក្នុងការប្រកួតនេះ ព្រោះកម្ពុជាប្រើទម្រង់វាយបកនៅតង់ទី ២ បានល្អ ធ្វើឱ្យលោកពិបាកស្មាន។ តែយ៉ាងណាក៏ដោយក្រុមលោកអាចយកឈ្នះម្ចាស់ផ្ទះដោយលទ្ធផល ៤ ទល់ ០ ។ ៤ គ្រាប់របស់អូស្ត្រាលី រកបានដោយកីឡាករ Lachlan Brook រកគ្រាប់បាល់ឱ្យអូស្ត្រាលី បាន ២ គ្រាប់ម្នាក់ឯង ពោលគឺនៅនាទី ២ និង នាទី ៤ ខណៈកីឡាករ Jacob Italiano និង កីឡាករ Ahmed Sweedan រកគ្រាប់បាល់បាន ១ គ្រាប់។
លទ្ធផលវគ្គជម្រុះពូល B ដូចគ្នានេះដែរក្រុមសិង្ហបុរី បានយកឈ្នះក្រុមហ្វីលីពីន ដោយលទ្ធផល ៤ ទល់ ១ នៅទីលានកីឡដ្ឋានជាតិ ក្នុងរាជធានីភ្នំពេញ ប្រទេសកម្ពុជា ដូចគ្នា។
សហព័ន្ធកីឡាបាល់ទាត់អាស៊ីអាគ្នេយ៍ បានផ្ដល់សិទ្ធិឱ្យសហព័ន្ធកីឡាបាល់ទាត់កម្ពុជា ធ្វើជាម្ចាស់ផ្ទះក្នុងការប្រកួតកីឡាបាល់ទាត់ក្រោមអាយុ១៦ឆ្នាំប្រចាំតំបន់នេះ ចាប់ពីថ្ងៃទី ២៧ ខែ កក្កដា ដល់ ៩ ខែ សីហា ឆ្នាំ ២០១៥ ខាងមុខ ដោយមានក្រុមចូលរួមចំនួន ១១ ចែកជា ២ ពូល។ ចំពោះពូល A មាន ម៉ាឡេស៊ី, វៀតណាម, ឡាវ, ទីម័រខាងកើត, ប្រ៊ុយណេ និង ថៃ ហើយពូល B មាន អូស្ត្រាលី, សិង្ហបុរី, ហ្វីលីពីន, មីយ៉ាន់ម៉ា និងម្ចាស់ផ្ទះកម្ពុជា ប្រកួតជម្រុះនៅពហុកីឡដ្ឋានជាតិ និង កីឡដ្ឋានកងយោធពលខេមរភូមិន្ទ (ស្ដាតចាស់) ៕
Tag:
កីឡាជាតិ
AFF U16
© រក្សាសិទ្ធិដោយ thmeythmey.com
