ពីនេះ ពីនោះ
×![]()
ដោយ: ថ្មីៗ
១/ ចៀសវាងការគិតដដែល៖ វាស្ទើរតែជារឿងមិនអាចទៅរួចទៅហើយ ដែលអ្នកអាចគេចវេសចេញពីការគិតទៅលើអ្នកចាស់បាន។ ប៉ុន្តែ អ្នកមិនត្រូវភ្ជាប់នូវអារម្មណ៍ឲ្យគិតពីរឿងទាំងអស់នោះឡើយ។ ចូរចាំថា អ្នកប្រហែលជាបានរីករាយនឹងពេលវេលារបស់អ្នកជាមួយមនុស្សម្នាក់នេះមែន ប៉ុន្តែដោយសារតែអ្នកទាំងពីរមិនចង់រស់បានជាមួយគ្នាទៀត យកល្អគួរតែឲ្យវាបញ្ចប់វិញទៅ។ ស្ថានភាពជីវិតមួយនេះនឹងផ្តល់ឲ្យអ្នកនូវឱកាសដើម្បីសម្គាល់នូវអ្វី ដែលអ្នកត្រូវការដើម្បីចៀសវាង នៅពេលរៀបគម្រោងដើម្បីទទួលបានទំនាក់ទំនងស្នេហាមួយបាន។
២/ ពេលវេលាជារឿងសំខាន់៖ ពេលវេលាអាចជួយឲ្យសះរបួសអ្វីៗបានទាំងអស់ ហើយវាក៏ជារឿងពិតចំពោះទំនាក់ទំនងស្នេហាដែរ។ ចូរសម្លឹងទៅមុខ ដើម្បីទទួលបានពេលវេលាដ៏អស្ចារ្យមួយ ក្រោយពីការឈឺចាប់ត្រូវបានកន្លងផុតហើយ។ វានឹងកើតឡើងដោយមិនដឹងខ្លួនតែម្តង។
៣/ និយាយគ្នា៖ ចូរប្រាប់មិត្តភក្តិ និងសាច់ញាតិអ្នកថា ពួកគេអាចធ្វើឲ្យអ្នកមានអារម្មណ៍ល្អចំពោះខ្លួនឯង។ ការធ្វើឲ្យអារម្មណ៍ផ្លូវចិត្តស្រឡះល្អជាមួយមិត្តភក្តិម្នាក់ ឬសាច់ញាតិក្នុងគ្រួសារ ប្រហែលជាអាចជាថ្នាំបន្សាបដ៏ល្អបំផុត ដើម្បីសម្រួលដល់ផលវិបាកក្រោយបែកបាក់ស្នេហា។
៤/ កត់ត្រាអារម្មណ៍អ្នកឲ្យបានរហ័ស៖ ប្រសិនជាអ្នកយល់ថា ខ្លួនឯងមានអារម្មណ៍បែបជា ចូរអារម្មណ៍បែបនោះសរសេរដាក់ក្រដាស់មួយទៅ។ ការសរសេរអំពីសកម្មភាពប្រចាំថ្ងៃនៅក្នុងសៀវភៅ អាចមានប្រសិទ្ធភាពយ៉ាងល្អបំផុត។ អ្នកប្រហែលជាអាចទន្ទេញចាំនូវទម្លាប់វិជ្ជមានសម្រាប់ជីវិតរស់នៅផងដែរ។ រឿងដ៏ល្អបំផុតអំពីការសរសេរនេះគឺថា ពេលវេលានឹងធ្វើឲ្យអ្នកមានការផ្លាស់ប្តូរអ្វីៗស្ទើរតែទាំងអស់តែម្តង។
៥/ ចៀសវាងការរំលឹកដល់មនុស្សចាស់របស់អ្នក៖ កន្លែង ឬរបស់របរដែលធ្វើឲ្យអ្នករំលឹកដល់អ្នកចាស់គួរតែយកទៅបោះចោល ឬកុំទៅរកកន្លែងនោះទៀតអី។ វាអាចជាអ្វីៗដូចជា ក្លិន ទីកន្លែង រូបភាព ចម្រៀង ឬអ្វីគ្រប់យ៉ាងតែម្តង។ ការដែលនៅតែរក្សាទំនាក់ទំនងជាមួយនឹងរឿងអស់ទាំងនេះទៀតវា នឹងធ្វើឲ្យអ្នករំលឹកដល់អនុសាវរីយ៍ចាស់ៗបាន ហើយវាគ្មានអ្វីក្រៅពីធ្វើអោយឈឺចាប់ទៀតនោះទេ៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com
