ជាតិ
នយោបាយអន្តរជាតិ
កម្ពុជានឹងបង្ហាញពីស្ថានភាពសារព័ត៌មានកម្ពុជាដល់យុវជន១ ពាន់នាក់មកពីជុំវិញពិភពលោក
× ក្រុមអ្នកសារព័ត៌មានរបស់កម្ពុជា ចំនួន ៦ រូប នឹងធ្វើបទបង្ហាញក្តីអំពីស្ថានភាពសារព័ត៌មាននៅក្នុងប្រទេសកម្ពុជា ដល់អ្នកកាសែត និងយុវជនដែលមកពីជុំវិញពិភពលោកប្រមាណ ១ ពាន់នាក់នៅក្នុងកម្មវិធីបោះជុំរំអន្តរជាតិពិភពនៃគំនិតរបស់អ្នកកាសែតវ័យក្មេងនៅក្នុងប្រទេសរុស្ស៊ី។
មុននឹងអ្នកកាសែតរបស់កម្ពុជាធ្វើបទបង្ហាញស្តីពីស្ថានភាពសារព័ត៌មាននៅកម្ពុជា ក៏មានការចាក់ផ្សាយវីដេអូខ្លីរបស់ក្រសួងទេសចរណ៍ស្តីពីតំបន់ទេសចរណ៍នៅកម្ពុជា និងវីដេអូនៃព្រឹត្តិការណ៍អង្គសង្គ្រាន្តបង្ហាញដល់អ្នកកាសែត និងយុវជនបរទសទាំង ១ ពាន់នាក់នោះផងដែរ។ បទបង្ហាញនេះ ដឹកនាំដោយលោក សោម រតនា ប្រធានដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមននៃសកលវិទ្យាល័យភូមិន្ទភ្នំពេញ។
លោក សោម រតនា ដែលជាអ្នកសារព័ត៌មាន និងជាអ្នកដឹកនាំអ្នកកាសែតកម្ពុជា មកចូលរួមកម្មវិធីបោះជំរំអន្តរជាតិនៅរុស្ស៊ីនេះ និយាយថា រូបលោកមានអារម្មណ៍រំភើបណាស់ ដែលកម្ពុជាមានឱកាសចែកបទពិសោធន៍ដល់បរទេស។ « ខ្ញុំមានមោទកភាពណាស់។ កម្ពុជា ក៏មានសមត្ថភាពចែកបទពិសោធន៍ដល់បរទេស។ យើងចង់បង្ហាញពីកម្ពុជា ដល់បរទេសថា កម្ពុជា មិនមែនអន់ឡើយ» ។ នេះជាពំនោលដោយក្តីសោមនស្សរបស់លោក សាស្រ្តាចារ្យ សោម រតនា។
សូមបញ្ជាក់ថា បទបង្ហាញនេះ នឹងចាប់ផ្តើមនៅម៉ោង ២០ យប់ម៉ោងនៅរុស្ស៊ី ថ្ងៃទី ០១ ខែសីហា ត្រូវនឹងម៉ោង១ រំលងអធ្រាត្រ ម៉ោងនៅកម្ពុជា ថ្ងៃទី ០២ ខែសីហា ឆ្នាំ ២០១៥ ៕ © រក្សាសិទ្ធិដោយ thmeythmey.com