ព័ត៍មានសុខភាព
គួរតែប្រយ័ត្នពីអ្វីខ្លះ ចំពោះទារកដែលទើបនឹងកើត?
×
អ្នកម្តាយទាំងអស់ សុទ្ធតែប្រុងប្រយ័ត្នណាស់ នៅពេលដែលមានផ្ទៃពោះ ព្រោះខ្លាចកូនមានរឿង ហើយនៅពេលដែលកើតចេញមក អ្នកក៏ត្រូវតែប្រុងប្រយ័ត្នដែរ។ តើគួរប្រុងប្រយ័ត្ន ពីចំណុចអ្វីខ្លះ?
1. អ្នកមិនត្រូវឱ្យកូន គេងនៅពូកដែលទន់ពេកទេ នៅពេលដែលទើបនឹងកើត ព្រោះកូនអាចលេចខ្លួន ចូលទៅពាក់កណ្តាលពូកបាន ជាហេតុដែលអាចធ្វើឱ្យ កូនដកដង្ហើមមិនរួច ដូចនេះ អ្នកគួរតែឱ្យកូន គេងនៅពូកដែលរឹងទើបល្អ។
2. នៅពេលដែលអ្នក ងូតទឹកឱ្យកូន អ្នកមិនត្រូវឃ្លាតឆ្ងាយពីគេ សូម្បីតែមួយវិនាទីឡើយ ព្រោះវាអាចមានគ្រោះថ្នាក់ ចំពោះកូនណាស់ គឺអាចធ្វើឱ្យកូន លេចចូលទឹក ឬដួលបាន។
3. របស់ធ្ងន់ៗ ឬរបស់ដែលឆាប់បែក អ្នកមិនត្រូវដាក់ជិត គ្រែគេងរបស់កូនឡើយ ព្រោះវាអាចធ្លាក់ មកលើខ្លួនកូន បានគ្រប់ពេល ដូចនេះ របស់ដែលមានគ្រោះថ្នាក់ទាំងអស់ អ្នកគួរតែដាក់ ឱ្យឆ្ងាយពីកូន។
4. គ្រែគេងរបស់កូន អ្នកមិនត្រូវដាក់នៅក្បែរបង្អួច ដាក់ក្បែរវាំងនន ឬក្បែរទូរស័ព្ទមានខ្សែទេ ព្រោះវាសុទ្ធតែអាច បង្កើតឱ្យមានគ្រោះថ្នាក់ ដល់កូនទាំងអស់។
5. អ្នកមិនត្រូវរៀបចំ ទុកដាក់របស់របរប្រើប្រាស់ នៅកន្លែងដែលខ្ពស់ៗពេកទេ ព្រោះជួនកាល របស់ទាំងអស់នេះ អាចធ្លាក់ត្រូវកូនបាន។
6. អ្នកត្រូវតែរៀបចំ ផ្ទះអ្នកឱ្យទូលាយ ព្រោះជួនកាល នៅពេលដែលអ្នកពរ កូនដើរក្នុងផ្ទះ អ្នកអាចមិនប្រយ័ត្ន ហើយទាត់ត្រូវរបស់ទាំងនោះ ធ្វើឱ្យជ្រុះកូន ចេញពីដៃអ្នកបាន៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com