វិទ្យុមិត្តភាពកម្ពុជា-ចិន៖ ស្ពានរវាងប្រជាជាតិចិន និងកម្ពុជា

ជាតិ

បទយកការណ៍ / បទសម្ភាសន៍

នយោបាយជាតិ

វិទ្យុមិត្តភាពកម្ពុជា-ចិន៖ ស្ពានរវាងប្រជាជាតិចិន និងកម្ពុជា

08, Feb 2016 , 9:35 am

រូបភាព

ដោយ: លាង ដឺលុច (Leang Delux)

ពលរដ្ឋខ្មែរវ័យចំណាស់អាចចាំបានអំពីវិទ្យុចិនប៉េកាំងដែលផ្តើមផ្សាយជាភាសាខ្មែរតាំងពីឆ្នាំ១៩៥៦ តាមរលកធាតុអាកាសshortwave។ វិទ្យុចិនផ្សាយជាភាសាខ្មែរបានពង្រីកការផ្សាយរបស់ខ្លួន ដោយបានចាប់ផ្តើមដាក់ការិយាល័យនិពន្ធនៅក្នុងប្រទេសកម្ពុជាកាលពីខែធ្នូឆ្នាំ២០០៨ ។ ក្នុងរយៈពេលជិត៧ឆ្នាំមកនេះ ការិយាល័យវិទ្យុមិត្តភាពកម្ពុជា-ចិន បានផលិតកម្មវិធីជាភាសាខ្មែរកាន់តែច្រើន ដើម្បីឆ្លើយតបនឹងសេចក្តីត្រូវការរបស់ប្រិយមិត្តអ្នកស្តាប់របស់ខ្លួន ដែលចង់ដឹងអំពីប្រទេសចិន។ គេស្តាប់វិទ្យុនេះបាននៅភ្នំពេញតាមរយៈហ្វ្រេកង់ FM៩៦.៥ និងនៅសៀមរាប តាមរយៈហ្វ្រេកង់ FM១០៥ ។

អ្នកស្រី Xu Xiao Xia ដែលមានឈ្មោះខ្មែរថា អរុណ គឺជាអគ្គនាយិកានៃវិទ្យុមិត្តភាពកម្ពុជា-ចិន បានពន្យល់ថា វិទ្យុមិត្តភាពកម្ពុជា-ចិន គឺជាស្ពានមួយនៃទំនាក់ទំនងសហប្រតិបត្តិការនៃប្រទេសមហាមិត្តទាំងពីរ។ អ្នកស្រី អរុណ បន្ថែមថា វិទ្យុនេះមិនផ្សព្វផ្សាយតែពីព្រឹត្តិការណ៍ ឬវប្បធម៌ចិនមកកម្ពុជាតែម្ខាងនោះទេ ប៉ុន្តែវិទ្យុចិនអន្តរជាតិដែលមានជាង៦០ភាសាបរទេស ក៏ផ្សាយព័ត៌មាន វប្បធម៌ សិល្បៈ និងព្រឹត្តិការណ៍ធំរបស់កម្ពុជាទៅប្រទេសចិន និងទៅក្នុងពិភពលោកដែរ។

ដើម្បីជ្រាបឲ្យកាន់តែច្បាស់អំពីដំណើរការនៃវិទ្យុមិត្តភាពកម្ពុជា-ចិន សូមលោកអ្នកស្តាប់បទសម្ភាសន៍រវាងលោក លាង ដឺលុច និពន្ធនាយកសារព័ត៌មានថ្មីៗ ជាមួយអ្នកស្រី អរុណ អគ្គនាយិកា វិទ្យុមិត្តភាពកម្ពុជា-ចិន ដូចតទៅ៖