អន្តរជាតិ
×![]()
ដោយ: ថ្មីៗ
កញ្ញា ខន ចំប៉ា អ្នកយកព័ត៌មានរបស់សារព័ត៌មានថ្មីៗ បានផ្តិតរូបភាពនៅទីកន្លែងដែលមានការបំផ្ទុះគ្រាប់បែកនៅទីសក្ការៈសាសនាហិណ្ឌូ Erawan ក្នុងតំបន់ទេសចរណ៍ និងពាណិជ្ជកម្ម Ratchaprason កណ្តាលទីក្រុងបាងកក កាលពីល្ងាចថ្ងៃទី១៧ ខែសីហា ឆ្នាំ២០១៥ ។
ចំប៉ា ស្ថិតក្នុងចំណោមអ្នកកាសែត១៩នាក់មកពីប្រទេសនានាក្នុងតំបន់អាស៊ានដែលកំពុងចូលរួមក្នុងដំណើរទស្សនកិច្ចស្វែងយល់ពីប្រព័ន្ធផ្សាយអាស៊ានក្នុងទីក្រុងបាងកក ដោយនៅសណ្ឋាគារក្បែរតំបន់កើតហេតុ។ នាអំឡុងនៃការផ្ទុះ អ្នករៀបចំកម្មវិធីមិនបានអនុញ្ញាតឲ្យអ្នកកាសែតទាំងនោះ ចេញទៅក្រៅឡើយដោយព្រួយបារម្ភពីសុវត្ថិភាព។
នៅព្រឹកថ្ងៃអង្គារនេះ អ្នកយកព័ត៌មានថ្មីៗ បានទៅផ្តិតយករូបភាពនៅតំបន់កើតហេតុ និងបានសាកសួរព័ត៌មានមួយចំនួនពីមន្ត្រីប៉ូលិស។ មន្ត្រីប៉ូលិសបានអះអាងថា ចំនួនអ្នកស្លាប់អាចមានការកើនឡើងដោយសារតែស្ថានភាពរបស់អ្នករងរបួសមានលក្ខណៈធ្ងន់ធ្ងរកាន់តែច្រើន។
យោងតាមតុល្យការចុងក្រោយ អ្នកស្លាប់មានចំនួន២២នាក់ និងអ្នករបួស១០០នាក់។ ក្រសួងការបរទេសកម្ពុជា បានអះអាង មកដល់ពេលមិនទាន់មានការបញ្ជាក់ថា ជនជាតិខ្មែរស្ថិតក្នុងចំណោមជនរងគ្រោះនោះឡើយ៕
Tag:
ផ្ទុះគ្រាប់បែកនៅបាងកក
© រក្សាសិទ្ធិដោយ thmeythmey.com
