ពីនេះ ពីនោះ
×![]()
ដោយ: ថ្មីៗ
ខុងជឺ៖ មនុស្សរស់នៅក្នុងសង្គម តែងស្វែងរករបស់ពីរយ៉ាងផ្សេងគ្នាគឺយី «យុត្តិធម៌» និងលី «គុណប្រយោជន៍»។ បណ្ឌិតចេះលះបង់គុណប្រយោជន៍ ហើយស្វែងរកយុត្តិធម៌ ដើម្បីបណ្តុះកិត្តិសព្ទរបស់ខ្លួន ឯចំណែកមនុស្សសាមញ្ញ សុខចិត្តលះបង់យុត្តិធម៌ ដើម្បីស្វែងរកគុណប្រយោជន៍។
បុគ្គលដែលមានឧត្ដមគតិ និងស្មារតីជាបណ្ឌិត គឺហ៊ានលះបង់អ្វីគ្រប់យ៉ាងដែលមិនមែនជាប្រយោជន៍សម្រាប់មនុស្សទូទៅ និងសង្គមជាតិទាំងមូល ហើយប្រកាន់ភ្ជាប់គោលការណ៍តម្លៃនៃយុត្តិធម៌ សច្ចភាព ។ គេមិនព្រមលះបង់មាគ៌ាត្រឹមត្រូវព្រោះតែប្រយោជន៍ផ្ទាល់ខ្លួនឡើយ គេសុខចិត្តធ្វើអ្វីទៅតាមសមត្ថភាព និងលទ្ធភាពរបស់ខ្លួនដែលអាចធ្វើបាន។
ផ្ទុយទៅវិញ ជនសាមញ្ញ មើលឃើញតែអ្វីដែលជាប្រយោជន៍ចំពោះមុខ បើទោះបីជាទង្វើរបស់ខ្លួនត្រូវបង្កសេចក្ដីវិនាសទៅលើអ្នកដទៃក៏ដោយ សំខាន់អ្វីដែលខ្លួនធ្វើ គឺបានផ្ដល់ប្រយោជន៍ដល់ខ្លួន។
ការពិតទៅទស្សនៈរបស់អ្នកប្រាជ្ញារូបនេះបានលើកឡើងនេះ មិនមែនមានន័យដាច់ខាតថាបណ្ឌិតចាំបាច់ត្រូវតែលះបង់គុណប្រយោជន៍ទាំងស្រុងនោះទេ តែចង់សំដៅដល់គោលការណ៍របស់បណ្ឌិត គឺយកវិថី យុត្តិធម៌ ជាមូលដ្ឋានដើម្បីឆ្ពោះទៅរកគុណប្រយោជន៍ និងកិត្តិសព្ទល្អសម្រាប់ជីវិត៕
បុគ្គលដែលមានឧត្ដមគតិ និងស្មារតីជាបណ្ឌិត គឺហ៊ានលះបង់អ្វីគ្រប់យ៉ាងដែលមិនមែនជាប្រយោជន៍សម្រាប់មនុស្សទូទៅ និងសង្គមជាតិទាំងមូល ហើយប្រកាន់ភ្ជាប់គោលការណ៍តម្លៃនៃយុត្តិធម៌ សច្ចភាព ។ គេមិនព្រមលះបង់មាគ៌ាត្រឹមត្រូវព្រោះតែប្រយោជន៍ផ្ទាល់ខ្លួនឡើយ គេសុខចិត្តធ្វើអ្វីទៅតាមសមត្ថភាព និងលទ្ធភាពរបស់ខ្លួនដែលអាចធ្វើបាន។
ផ្ទុយទៅវិញ ជនសាមញ្ញ មើលឃើញតែអ្វីដែលជាប្រយោជន៍ចំពោះមុខ បើទោះបីជាទង្វើរបស់ខ្លួនត្រូវបង្កសេចក្ដីវិនាសទៅលើអ្នកដទៃក៏ដោយ សំខាន់អ្វីដែលខ្លួនធ្វើ គឺបានផ្ដល់ប្រយោជន៍ដល់ខ្លួន។
ការពិតទៅទស្សនៈរបស់អ្នកប្រាជ្ញារូបនេះបានលើកឡើងនេះ មិនមែនមានន័យដាច់ខាតថាបណ្ឌិតចាំបាច់ត្រូវតែលះបង់គុណប្រយោជន៍ទាំងស្រុងនោះទេ តែចង់សំដៅដល់គោលការណ៍របស់បណ្ឌិត គឺយកវិថី យុត្តិធម៌ ជាមូលដ្ឋានដើម្បីឆ្ពោះទៅរកគុណប្រយោជន៍ និងកិត្តិសព្ទល្អសម្រាប់ជីវិត៕
© រក្សាសិទ្ធិដោយ thmeythmey.com
