បទយកការណ៍ / បទសម្ភាសន៍
លោក យឹម សុវណ្ណ៖«នៅកម្ពុជា ល្បែងនយោបាយមិនទាន់មានសុចរិតភាព និងគុណធម៌ទេ!»
×![]()
×![]()
មួយរយៈចុងក្រោយនេះ បញ្ហាមូលនិធិទូរទស្សន៍គណបក្សសង្គ្រោះជាតិ បានក្លាយជាប្រធានបទដ៏រសើបមួយក្រោយពីលោកនាយករដ្ឋមន្ត្រី ហ៊ុន សែន ប្រកាសថាមេដឹកនាំគណបក្សសង្គ្រោះជាតិ យកលុយមូលនិធិទូរទូស្សន៍ទៅទ្រទ្រង់ចម្ការម្រេច និងប្រជាពលរដ្ឋមួយចំនួនដែលអះអាងថា ខ្លួនបានផ្តល់វិភាគទានដល់មូលនិធិនេះ ប្រកាសដកលុយវិញ។ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានអះអាងថា រូបលោកបានដឹងពីបញ្ហានេះមុនរួចហើយ ដូច្នេះលោកមិនភ្ញាក់ផ្អើលនៅពេលដែលបញ្ហានេះកើតឡើងនោះទេ។លោកថា គណបក្សសង្គ្រោះជាតិ បានត្រៀមយន្តការការពារបញ្ហានេះយ៉ាងហ្មត់ចត់។ «ពីព្រោះនៅកម្ពុជា ល្បែងនយោបាយមិនទាន់មានសុចរិតភាព និងគុណធម៌ទេ»។ នេះជាការបញ្ជាក់របសលោក យឹម សុវណ្ណ។
សូមស្តាប់បទសម្ភាសន៍រវាងលោក ជា ធីរិទ្ធ ការីនិពន្ធនៃសារព័ត៌មានអេឡិចត្រនិចថ្មីៗ ជាមួយលោក យឹម សុវណ្ណ អ្នកនាំពាក្យគណបក្សសង្គ្រោះជាតិ៖
លោក ជា ធីរិទ្ធ៖ លោក យឹម សុវណ្ណ បញ្ហាមូលនិធិទ្រទ្រង់ទូរទស្សន៍គណបក្សសង្គ្រោះជាតិ កំពុងក្លាយជាបញ្ហារសើបមួយ ក្រោយពីលោកនាយករដ្ឋមន្ត្រី ហ៊ុន សែន ប្រកាសពីភាពមិនប្រក្រតីនៃមូលនិធិនេះ និយាយឲ្យចំគឺលោកចោទ មេដឹកនាំគណបក្សសង្គ្រោះជាតិថា យកលុយនេះទ្រទ្រង់ចម្ការម្រេច គឺលោកទំនងចង់សំដៅលោក កឹម សុខា ដែលមានចំការម្រេចនៅខេត្តកំពង់ចាម។ តើពិតវាពិតដូចអ្វីដែលលោកនាយករដ្ឋមន្ត្រីនិយាយទេ?
លោក យឹម សុវណ្ណ៖ មកដល់ពេលនេះ មូលនិធិនេះ មិនទាន់បានចាយមួយដុល្លារទេ។មូលនិធិដែលប្រមូលបានប៉ុន្មាននៅក្នុងគណនេយ្យធនាគារអេស៊ីលីដា ហើយនិងនៅក្នុងកេសទាំងអស់។
លោក ជា ធីរិទ្ធ៖ ការប្រមូលមូលនិធិទូរទស្សន៍ មកដល់ពេលនេះ ទទួលបានប៉ុន្មានហើយលោក?
លោក យឹម សុវណ្ណ៖ បានប្រមាណជាង ៥០ ម៉ឺនដុល្លារហើយ នៅក្នុងប្រទេស ហើយនៅក្រៅប្រទេសតាមឯកឧត្តមសមរង្ស៊ី លើកឡើងប្រមាណ ២០ ម៉ឺនដុល្លារទៀត ដូច្នេះប្រហាក់ប្រហែល ៧០ ម៉ឺនដុល្លារ។ ខ្ញុំឆ្ងល់ដែរ ព្រោះថាមិនទាន់បានចាយផងបាត់ទៅណា? ហើយយើងមានយន្តការក្នុងការគ្រប់គ្រង ដូចជា អ្នកដែលប្រមូលលុយ កុំថាឡើយមួយដុល្លារ សូម្បីតែមួយរយរៀលលុយខ្មែរ ក៏ខ្ញុំបានណែនាំឲ្យគ្រប់កន្លែងប្រមូលទាំងអស់ សូមឲ្យចេញបង្កាន់ដៃ។ ហេតុអ្វីបានជាចេញបង្កាន់ដៃ? ពីព្រោះខ្ញុំដឹងទុកជាមុនថា ប្រាកដជាមានគូរបដិបក្សណាមួយចង់ធ្វើបាបខ្ញុំតាមរយៈសកម្មភាពនេះហើយ ព្រោះលុយនិងបញ្ហាដើរទៅជាមួយគ្នា។ ខ្ញុំបានមើលឃើញបញ្ហាមុនរួចហើយ។ ខ្ញុំដឹងថា នៅកម្ពុជា ល្បែងនយោបាយមិនទាន់មានសុចរិតភាព និងគុណធម៌ទេ។ នៅមានទុច្ចរិតជាច្រើន យើងត្រូវរៀបចំទុកជាមុន។
.jpg)
លោក ជា ធីរិទ្ធ៖ មូលនិធិបង្កើតទូរទស្សន៍គណបក្សសង្គ្រោះជាតិមកដល់ពេលនេះទើបតែ បាន ៥០ ម៉ឺនដុល្លារទេ បូកផ្សំនឹងថវិកា ២០ ម៉ឺនដុល្លារទៀត ដែលប្រកាសដោយលោក សម រង្ស៊ី សរុបទៅ បានជាង ៧០ ម៉ឺនដុល្លារអាមេរិក។ តែគណបក្សថា ការចំណាយលើទូរទស្សន៍នេះដល់ទៅ ៣ លានដុលា្លរឯណោះ។
លោក យឹម សុវណ្ណ៖ យើងថា មួយលានកន្លះ ទៅ៣ លាន វាអាស្រ័យលើកំលាំងនៃការផ្សាយរបស់រយើង ដូចជាផ្សាយនៅភ្នំពេញឬតាមខេត្ត និងការទិញដីផង។ ដូច្នេះយើងមិនបានកំណត់ថា ទាល់តែ ៣ លាននោះទេ។ យើងនៅតែបន្តប្រមូលមូលនិធិទៀត។
លោក ជា ធីរិទ្ធ៖លោក សម រង្ស៊ី ធ្លាប់ប្រកាសហើយថា ទូរទស្សន៍ព្រះអាទិត្យនេះ នឹងដំណើរការយ៉ាងយូរចុងឆ្នាំ ២០១៥ ។ លោក យឹម សុវណ្ណតើអាចទៅរួចទេ?
លោក យឹម សុវណ្ណ៖ យើងនឹងខិតខំ បើខុសពេលវេលា ខុសតិចតូច។ តាមធម្មតា យើងរៃអង្គាសពីសាធារណជន យើងមិនអាចរំពឹងទុកដូចអ្នកវិនិយោគមានលុយត្រៀមទុកធ្វើទេ៕
សូមស្តាប់បទសម្ភាសន៍រវាងលោក ជា ធីរិទ្ធ ការីនិពន្ធនៃសារព័ត៌មានអេឡិចត្រនិចថ្មីៗ ជាមួយលោក យឹម សុវណ្ណ អ្នកនាំពាក្យគណបក្សសង្គ្រោះជាតិ៖
លោក ជា ធីរិទ្ធ៖ លោក យឹម សុវណ្ណ បញ្ហាមូលនិធិទ្រទ្រង់ទូរទស្សន៍គណបក្សសង្គ្រោះជាតិ កំពុងក្លាយជាបញ្ហារសើបមួយ ក្រោយពីលោកនាយករដ្ឋមន្ត្រី ហ៊ុន សែន ប្រកាសពីភាពមិនប្រក្រតីនៃមូលនិធិនេះ និយាយឲ្យចំគឺលោកចោទ មេដឹកនាំគណបក្សសង្គ្រោះជាតិថា យកលុយនេះទ្រទ្រង់ចម្ការម្រេច គឺលោកទំនងចង់សំដៅលោក កឹម សុខា ដែលមានចំការម្រេចនៅខេត្តកំពង់ចាម។ តើពិតវាពិតដូចអ្វីដែលលោកនាយករដ្ឋមន្ត្រីនិយាយទេ?
លោក យឹម សុវណ្ណ៖ មកដល់ពេលនេះ មូលនិធិនេះ មិនទាន់បានចាយមួយដុល្លារទេ។មូលនិធិដែលប្រមូលបានប៉ុន្មាននៅក្នុងគណនេយ្យធនាគារអេស៊ីលីដា ហើយនិងនៅក្នុងកេសទាំងអស់។
លោក ជា ធីរិទ្ធ៖ ការប្រមូលមូលនិធិទូរទស្សន៍ មកដល់ពេលនេះ ទទួលបានប៉ុន្មានហើយលោក?
លោក យឹម សុវណ្ណ៖ បានប្រមាណជាង ៥០ ម៉ឺនដុល្លារហើយ នៅក្នុងប្រទេស ហើយនៅក្រៅប្រទេសតាមឯកឧត្តមសមរង្ស៊ី លើកឡើងប្រមាណ ២០ ម៉ឺនដុល្លារទៀត ដូច្នេះប្រហាក់ប្រហែល ៧០ ម៉ឺនដុល្លារ។ ខ្ញុំឆ្ងល់ដែរ ព្រោះថាមិនទាន់បានចាយផងបាត់ទៅណា? ហើយយើងមានយន្តការក្នុងការគ្រប់គ្រង ដូចជា អ្នកដែលប្រមូលលុយ កុំថាឡើយមួយដុល្លារ សូម្បីតែមួយរយរៀលលុយខ្មែរ ក៏ខ្ញុំបានណែនាំឲ្យគ្រប់កន្លែងប្រមូលទាំងអស់ សូមឲ្យចេញបង្កាន់ដៃ។ ហេតុអ្វីបានជាចេញបង្កាន់ដៃ? ពីព្រោះខ្ញុំដឹងទុកជាមុនថា ប្រាកដជាមានគូរបដិបក្សណាមួយចង់ធ្វើបាបខ្ញុំតាមរយៈសកម្មភាពនេះហើយ ព្រោះលុយនិងបញ្ហាដើរទៅជាមួយគ្នា។ ខ្ញុំបានមើលឃើញបញ្ហាមុនរួចហើយ។ ខ្ញុំដឹងថា នៅកម្ពុជា ល្បែងនយោបាយមិនទាន់មានសុចរិតភាព និងគុណធម៌ទេ។ នៅមានទុច្ចរិតជាច្រើន យើងត្រូវរៀបចំទុកជាមុន។
លោក ជា ធីរិទ្ធ៖ មូលនិធិបង្កើតទូរទស្សន៍គណបក្សសង្គ្រោះជាតិមកដល់ពេលនេះទើបតែ បាន ៥០ ម៉ឺនដុល្លារទេ បូកផ្សំនឹងថវិកា ២០ ម៉ឺនដុល្លារទៀត ដែលប្រកាសដោយលោក សម រង្ស៊ី សរុបទៅ បានជាង ៧០ ម៉ឺនដុល្លារអាមេរិក។ តែគណបក្សថា ការចំណាយលើទូរទស្សន៍នេះដល់ទៅ ៣ លានដុលា្លរឯណោះ។
លោក យឹម សុវណ្ណ៖ យើងថា មួយលានកន្លះ ទៅ៣ លាន វាអាស្រ័យលើកំលាំងនៃការផ្សាយរបស់រយើង ដូចជាផ្សាយនៅភ្នំពេញឬតាមខេត្ត និងការទិញដីផង។ ដូច្នេះយើងមិនបានកំណត់ថា ទាល់តែ ៣ លាននោះទេ។ យើងនៅតែបន្តប្រមូលមូលនិធិទៀត។
លោក ជា ធីរិទ្ធ៖លោក សម រង្ស៊ី ធ្លាប់ប្រកាសហើយថា ទូរទស្សន៍ព្រះអាទិត្យនេះ នឹងដំណើរការយ៉ាងយូរចុងឆ្នាំ ២០១៥ ។ លោក យឹម សុវណ្ណតើអាចទៅរួចទេ?
លោក យឹម សុវណ្ណ៖ យើងនឹងខិតខំ បើខុសពេលវេលា ខុសតិចតូច។ តាមធម្មតា យើងរៃអង្គាសពីសាធារណជន យើងមិនអាចរំពឹងទុកដូចអ្នកវិនិយោគមានលុយត្រៀមទុកធ្វើទេ៕
© រក្សាសិទ្ធិដោយ thmeythmey.com
