អន្តរជាតិ
ក្បាលចំពួយបំពាក់ប្រព័ន្ធរើសអើងពណ៌សម្បុរ បញ្ចេញសាប៊ូឲ្យតែមនុស្សស្បែកស
× គ្លីបវីដេអូមួយបង្ហាញពីភាពរើសអើងពណ៌សម្បុរត្រូវបានគេបង្ហោះនៅលើអ៊ីនធឺណេត។ ក្បាលចំពួយសាប៊ូមួយមិនព្រមបញ្ចេញសាប៊ូដាក់លើបាតដៃមនុស្សគ្រប់គ្នានោះទេ។ វាបញេ្ចញសាប៊ូឲ្យតែអ្នកដែលមានសម្បុរសប៉ុណ្ណោះ។
វីដេអូនេះមានតែអ្នកទស្សនាជិត ៣ សែននាក់ គ្រាន់តែបង្ហោះលើគេហទំព័រ YouTube ត្រឹមតែ ២៤ ម៉ោងប៉ុណ្ណោះ។ មិត្តសម្លាញ់ពីរនាក់បានប្រើប្រាស់ទូរស័ព្ទដៃថតទិដ្ឋភាពនៅក្នុងបន្ទប់សណ្ឋាគារ Marriott Marquis នៅទីក្រុង Atlanta សហរដ្ឋអាមេរិក។
មិត្តម្នាក់ដែលមានសម្បុរខ្មៅបានយកដៃរបស់ខ្លួនដាក់ក្រោមក្បាលចំពួយសាប៊ូ ហើយសាប៊ូមិនចេញមកសោះ ប៉ុន្តែនៅពេលដែលសម្លាញ់សម្បុរសយកបាតដៃដាក់ពីក្រោមក្បាលចំពួយវិញ សាប៊ូក៏ចេញមកតាមសម្រួល។
បុរសទាំងពីរបានសាកល្បងជាថ្មីម្តងទៀត តែលទ្ធផលនៅតែដូចពីមុនដដែល៕
វីដេអូ៖ http://www.mirror.co.uk/news/weird-news/racist-tap-only-give-out-6375873
© រក្សាសិទ្ធិដោយ thmeythmey.com