×![]()
ដោយ: ថ្មីៗ
ភ្នំពេញ ៖នៅព្រឹកថ្ងៃ អង្គារទី៨កញ្ញានេះ ស្ថានភាពជំងឺរបស់តារាចម្រៀង លោក សួស សងវាចា មានសភាពភាពធូរស្បើយបន្ដិច ក្រោយពីបានបញ្ជូនទៅសម្រាកព្យាបាលនៅប្រទេសវៀតណាម។ នេះបើតាមការបញ្ជាក់ ពីលោក សុះ ម៉ាច ប្រធានសមាគមសិល្បករខ្មែរ។
លោក សុះ ម៉ាច ដែលបានដឹងព័ត៌មាននេះតាមរយៈ មិត្តភក្តិដែលមានទំនាក់ទំនងយ៉ាងជិតដិតនឹងគ្រូសារលោក សួស សងវាចា បានបន្ថែមថា ក្រោយពីបានទៅសម្រាកព្យាបាលនៅប្រទេសវៀតណាមនោះ ស្ថានភាពជំងឺលោក សួស សងវាចា កំពុងមានភាពធូស្បើយបន្តិចបន្តួចនៅឡើយទេ ពោលគឺអាចស្គាល់ប្រពន្ធនិងកូនបានខ្លះៗហើយ ។
ប្រធានសមាគមសិល្បករខ្មែររូបនេះ បង្ហាញការសោកសង្វេគ ដោយការជូនពរអោយ លោក សួស សងវាចា ឆាប់ជាសោះស្បើយឡើងវិញ និងបានបន្តអាជីព ជាអ្នកសិល្បរួមគ្នាបន្តទៅទៀត។
លោក សួស សងវាចា មានជំងឺដាច់សសៃឈាមក្នុងខួក្បាល នៅពេលដែលលោកបានរត់ហាត់ប្រាណដួលនៅមុខផ្ទះ កាលពីល្ងាច ថ្ងៃទី៥ ខែកញ្ញា កន្លងទៅនេះ។ កាលពីព្រឹកថ្ងៃចន្ទទី៧ ម្សិលមិញ លោក សួស សងវាចា ត្រូវបានបញ្ជូនទៅព្យាបាល នៅមន្ទីរពេទ្យនៃប្រទេសវៀតណាមបន្តទៀត ក្រោយពីសម្រាកព្យាបាលនៅមន្ទីរពេទ្យ ជោរី ក្នុងរាជធានីភ្នំពេញ តែស្ថានភាពជំងឺនៅមិនទាន់មានភាពល្អប្រសើរ៕
© រក្សាសិទ្ធិដោយ thmeythmey.com
