ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
ស្ថានទូតបារាំងបើកទ្វារទទួលសាធារណជនចូលទស្សនាជាលើកដំបូងនៅក្នុងឱកាសទិវាបេតិកភណ្ឌ
20, Sep 2015 ,
9:28 am
រូបភាព
×
ដោយ:
ថ្មីៗ
ជាលើកដំបូងនៅឆ្នាំនេះ ស្ថានទូតបារាំងប្រចាំព្រះរាជាណាចក្រកម្ពុជាបានបើកទ្វារចំហទទួលស្វាគមន៍សាធារណជនចូលទស្សនាដោយសេរីក្នុងឧកាសនៃ«ទិវាបេតិកភណ្ឌអឺរ៉ុប» ដែលត្រូវបានរៀបចំឡើងអស់រយ:ពេលជាង៣០ឆ្នាំមកហើយនៅតាមបណ្តាប្រទេសជាច្រើននៅទ្វីបអឺរ៉ុបក្រោមគំនិតផ្តួចផ្តើមរបស់បារាំង ។ នៅក្នុងទិវាពិសេសនេះ សាធារណជននៅប្រទេសបារាំងអាចចូលទស្សនាអគារ និងទីកន្លែងនានា ដែលជាធម្មតាមិនត្រូវបានបើកអោយសាធារណជនទស្សនាឡើយ។
នៅភ្នំពេញ កាលពីថ្ងៃទី១៩ ខែកញ្ញាកន្លងទៅ សាធារណជនប្រមាណ១៨០នាក់បានចូលទស្សនាស្ថានទូតបារាំង ដែលមានបុគ្គលិកបារាំងនិងកម្ពុជាជាង៦០នាក់កំពុងបំពេញការងារក្នុងការិយាល័យចំនួនផ្សេងៗគ្នា។ ភ្ញៀវទាំងអស់បានដើរទស្សនាអគាររដ្ឋបាល និវេសនដ្ឋានលោកឯកអគ្គរដ្ឋទូត និងសួនឧទ្យាន។ នៅក្នុងឧទ្យាននេះ មានការរក្សាទុកនូវអតីតក្លោងទ្វារម្ខាងរបស់ស្ថានទូតបារាំង ដែលបានឆ្លងកាត់ប្រវត្តិដ៏ជូរចត់ក្នុងរបបខ្មែរក្រហម ហើយដែលត្រូវបានអ្នកនិពន្ធបារាំង ហ្វ្រង់ស៊័រ ប៊ីហ្សូ តាក់តែងជាប្រលោមលោកល្បីមួយមានចំណងជើងថា «ក្លោងទ្វារ»។
នៅក្នុងឱកាសនៃការទស្សនាដែលអមដោយការរៀបរាប់ពន្យល់ជាភាសាបារាំង ខ្មែរ និងអង់គ្លេសពីសំណាក់បុគ្គលិកស្ថានទូត អ្នកទស្សនាក៏បានស្វែងយល់ផងដែរពីការដាក់អោយដំណើរការគម្រោង «ស្ថានទូតបៃតង» នៅតាមបណ្តាស្ថានទូតបារាំងនានា។ ក្នុងក្របខ័ណ្ឌនៃគំនិតផ្តួចផ្តើមនេះ ស្ថានទូតបារាំងនៅភ្នំពេញបានចូលរួមកាត់បន្ថយការបំភាយឧស្ម័នផ្ទះកញ្ចក់១៥%ក្នុងរយ:ពេល៤ឆ្នាំចុងក្រោយនេះតាមរយ:វិធានការនានា ដូចជាការតម្លើងបន្ទះស្រូបកម្តៅព្រះអាទិត្យ ការប្តូរមកប្រើប្រាស់អំពូល LED ស៊ីភ្លើងតិច ការកាត់បន្ថយចំនួនរថយន្តបម្រើការនៅស្ថានទូត ។ល។
ដោយបានឆ្លងកាត់ប្រវត្តិសាស្ត្រជាច្រើនដំណាក់កាលពិសេសចន្លោះឆ្នាំ១៩៧៥ដល់ឆ្នាំ១៩៩១ ស្ថានទូតបារាំងប្រចាំកម្ពុជាបានតាំងនៅកន្លែងដដែលនេះអស់រយ:ពេលជាង៦០ឆ្នាំមកហើយ ហើយក៏ជានិមិត្តរូបនៃភាពរឹងមាំនៃទំនាក់ទំនងមិត្តភាពរវាងប្រទេសទាំងពីរ។ ស្ថានទូតត្រូវបានជួសជុលកែលម្អទាំងស្រុងនៅចន្លោះឆ្នាំ១៩៩៣ដល់ឆ្នាំ១៩៩៥ ហើយស្ថាបត្យកម្មទំនើបរបស់ស្ថានទូតមានលក្ខណ:សមសួនជាមួយទេសភាពនៃឧទ្យានទំហំ៤,៨ហិចតា ដែលជាឧទ្យានបៃតងធំជាងគេមួយនៅរាជធានីភ្នំពេញ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ស្ថានទូតបារាំង
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
1 សប្តាហ៍
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម