រូបត្លុក
សុវត្តិភាព ចរាចរណ៍
×![]()
ពួកគេភាគច្រើនមានអាយុមិនដល់៣០ឆ្នាំឡើយ។ ពួកគេមិនបានរៀនបើកបររថយន្តធុនធ្ងន់ឲ្យបានម៉ត់ចត់ឡើយ។ ពួកគេគ្មានបណ្ណបើកបរ មិនបានរៀនសូត្រអំពីសញ្ញាចរាចរណ៍ ពួកគេជាយុវជនឈាមរាវ ចិត្តស្រាល ចិត្តក្តៅ គ្មានអារម្មណ៍អត់ធ្មត់ឡើយ។ កំពុងតែបើកបររថយន្តកុងតឺន័រធំៗ ហើយវែងសណ្តូកពេញផ្លូវដែលចង្អៀត ប៉ុន្តែអ្នកបើកបរវ័យក្មេងកំពុងនិយាយទូរសព្ទបណ្តើរ។ ដៃម្ខាងកាន់ទូរសព្ទ និងដៃម្ខាងកាន់ចង្កូត ហើយភ្នែកមើលតែទៅមុខធម្មតា។
ប៉ូលីសចរាចរណ៍គួរត្រូវបន្ថែមវិន័យ ឬបញ្ញត្តិតឹងរឹងសម្រាប់អ្នកបើកបររថយន្តកុងតឺន័រ ឬរថយន្តដឹកទំនិញធុនធ្ងន់។ មិនត្រឹមតែសមត្ថភាពនៃការបើកបរដែលត្រូវទទួលស្គាល់ដោយក្រសួង ឬមន្ទីរឡើយ ប៉ុន្តែអាយុដែលអាចបញ្ជាក់អំពីភាពចាស់ទុំជាធម្មជាតិរបស់មនុស្សក៏ត្រូវដាក់បញ្ចូលជាចំនុចវិនិច្ឆ័យសម្រាប់អ្នកបើកបររថយន្តធុនធ្ងន់ដែរ។ រថយន្តធុនធ្ងន់បង្កវិនាសកម្មក៏ធ្ងន់ធ្ងរដែរនៅលើដងផ្លូវ៕
© រក្សាសិទ្ធិដោយ thmeythmey.com
