ជាតិ
សេដ្ឋកិច្ច
×![]()
ភ្នំពេញ៖ របាយការណ៍របស់ធនាគារពិភពលោកបានបង្ហាញថា កំណើនសេដ្ឋកិច្ចនៅក្នុង តំបន់អាស៊ីបូព៌ា និងប៉ាស៊ីហ្វិកទំនងជាមានល្បឿនមធ្យម ក៏ប៉ុន្តែនៅតែមានភាពរឹងមាំ។ របាយការណ៏នេះ ជំរុញឲ្យបន្តធ្វើកំណែទម្រង់រចនាសម្ព័ន្ធ និងការគ្រប់គ្រងម៉ាក្រូសេដ្ឋកិច្ច។ រីឯ កំណើនសេដ្ឋកិច្ចរបស់កម្ពុជា ធនាគារពិភពលោក (World Bank) បានប៉ាន់ប្រមាណថា នឹងថយចុះមកនៅត្រឹម ៦,៩ ភាគរយនៅឆ្នាំ ២០១៥ ។
យោងតាមរបាយការណ៍របស់ធនាគារពិភពលោកដែលទើបចេញផ្សាយ តំបន់អាស៊ីបូព៌ា នៅតែជាតំបន់នាំមុខគេមួយក្នុង ចំណោមតំបន់នានាសម្រាប់ជំរុញឲ្យមានកំណើនសេដ្ឋកិច្ចរបស់ពិភពលោក ដែលស្មើនឹងជិតពីរភាគប្រាំនៃកំណើនសេដ្ឋកិច្ចពិភពលោក។ និយាយជារួម សេដ្ឋកិច្ច នៅក្នុងតំបន់នេះ ត្រូវបានគេរំពឹងថានឹងមានកំណើនត្រឹម ៦,៥ ភាគរយ ក្នុងឆ្នាំ ២០១៥ គឺបានថយចុះបន្តិច បើធៀបនឹងឆ្នាំមុន ដែលមាន ៦,៨ភាគរយ។
លោក អាកសែល វ៉ាន់ ត្រុតសេនប៊ើគ អនុប្រធានធនាគារពិភពលោកប្រចាំតំបន់អាស៊ីបូព៌ា និងប៉ាស៊ីហ្វិក បានមានប្រសាសន៍តាមរយៈសេចក្តីប្រកាសព័ត៌មាន World Bank ថា កំណើន សេដ្ឋកិច្ចនៅក្នុងបណ្តាប្រទេសកំពុងអភិវឌ្ឍន៍ក្នុងតំបន់អាស៊ីបូព៌ា និងប៉ាស៊ីហ្វិកនៅបន្តមាន ភាពរឹងមាំ ប៉ុន្តែនិន្នាការនៃការថយចុះនេះ បានប្រាប់ដល់អ្នកតាក់តែងគោលនយោបាយនានា នៅក្នុងតំបន់នេះឲ្យបន្តផ្តោតការយកចិត្ត ទុកដាក់លើការធ្វើកំណែទម្រង់រចនាសម្ព័ន្ធដែលជា មូលដ្ឋានគ្រឹះសម្រាប់កំណើនសេដ្ឋកិច្ចរយៈពេលវែងនិងលើគ្រប់វិស័យប្រកបដោយចីរភាព។ លោកបន្តថា កំណែទម្រង់ទាំងនេះ រួមមាន ការកែលម្អលិខិតបទដ្ឋាន លើផ្នែកហិរញ្ញវត្ថុ ទីផ្សារការងារនិងផលិតផល ព្រមទាំង វិធានការនានាដែលលើកកម្ពស់ តម្លាភាព និងគណនេយ្យភាព។
លោកថា៖«គោលនយោបាយទាំងនេះ នឹងជួយកសាងទំនុកចិត្តដល់ អ្នកវិនិយោគ និងគាំទ្រ ដល់ទីផ្សារ ហើយនឹងជួយទ្រទ្រង់ដល់កំណើនសេដ្ឋកិច្ចដែលអាចជួយ ប្រជាពលរដ្ឋឲ្យរួចចាក ផុតពីភាពក្រីក្របាន»។
របាយការណ៍បច្ចុប្បន្នភាពសេដ្ឋកិច្ចនៅអាស៊ីបូព៌ា និងប៉ាស៊ីហ្វិក ចេញផ្សាយថ្ងៃនេះ បានសម្លឹងមើលតំបន់នេះដែលកំពុងតែប្រឈមទៅនឹងបរិយាកាសប្រកួតប្រជែងជាលក្ខណៈសកល។ សេដ្ឋកិច្ចរបស់បណ្តាប្រទេសដែលមានប្រាក់ចំណូលខ្ពស់នៅតែបន្តវិលមករកភាពដើមវិញបន្តិចម្តងៗ ពាណិជ្ជកម្មពិភពលោកកំពុងតែងើបឡើងក្នុងល្បឿនយឺតបំផុត ចាប់តាំងពីឆ្នាំ ២០០៩មក និងសេដ្ឋកិច្ចនៅក្នុងបណ្តាប្រទេសកំពុងអភិវឌ្ឍន៍កំពុង តែថយចុះ ជាពិសេស ប្រទេសអ្នកផលិតទំនិញបានទទួលរងផលប៉ះពាល់ ដោយសារតម្លៃទំនិញបន្តធ្លាក់ថ្លៃកាន់តែទាបទៅៗ ។
និន្នាការនៃកំណើនសេដ្ឋកិច្ចនៅទូទាំងតំបន់អាស៊ីបូព៌ាមានភាពចម្រុះ។ សេដ្ឋកិច្ចរបស់ ប្រទេសចិន ត្រូវបានគេរំពឹងថា នឹងកើនឡើងបានប្រហែល ៧ភាគរយនៅឆ្នាំនេះ និងធ្លាក់ ចុះវិញ នៅឆ្នាំបន្ទាប់ ដោយសារសេដ្ឋកិច្ចរបស់ចិននៅបន្តផ្លាស់ប្តូរទៅជាប្រភេទមួយ ដែលមានលក្ខណៈដឹកមុខដោយតម្រូវការប្រើប្រាស់និងសេវាកម្មក្នុងស្រុកច្រើនជាង ដែលជាហេតុនាំឲ្យកំណើនសេដ្ឋកិច្ចរបស់ចិនមានការធ្លាក់ចុះបន្តិចម្តងៗ ។
សេដ្ឋកិច្ចរបស់បណ្តាប្រទេសកំពុងអភិវឌ្ឍន៍ដទៃទៀតនៅតំបន់អាស៊ីបូព៌ា ត្រូវបានគេ រំពឹងថានឹងកើនឡើងបាន ៤.៦ភាគរយនៅឆ្នាំ២០១៥ ដែលវាប្រហាក់ប្រហែលឆ្នាំកន្លងទៅ។
ប្រទេសនាំចេញទំនិញជាច្រើន ដូចជា ឥណ្ឌូណេស៊ី ម៉ាឡេស៊ី និងម៉ុងហ្គោលី នឹងមានកំណើនសេដ្ឋកិច្ចយឺតជាងមុន និងមានប្រាក់ចំណូលសាធារណៈ ទាបជាងមុនសម្រាប់ឆ្នាំនេះ ដែលឆ្លុះបញ្ចាំងឲ្យឃើញអំពីតម្លៃទំនិញនៅលើពិភពលោក កាន់តែធ្លាក់ទាបទៅៗ ។ ប៉ុន្តែប្រទេសអ្នកនាំចូលទំនិញនឹងរក្សាបាននូវកំណើនសេដ្ឋកិច្ច ថេរឬអាចរឹងមាំ។ ជាឧទាហរណ៍ សេដ្ឋកិច្ចរបស់ប្រទេសវៀតណាម ត្រូវបានគេរំពឹងថា នឹងកើនឡើង ៦,២ភាគរយនៅក្នុងឆ្នាំ ២០១៥ និង ៦,៣ភាគរយ នៅក្នុងឆ្នាំ ២០១៦ ។ ក៏ប៉ុន្តែ កំណើននេះ នឹងថយចុះនៅក្នុងបណ្តាប្រទេសដែលមានទំហំសេដ្ឋកិច្ចតូចៗ ។ នៅកម្ពុជា ទិន្នផលកសិកម្មដែលចុះទាបជាងមុន កំពុងតែធ្វើឲ្យប៉ះពាល់ដល់សេដ្ឋកិច្ចរបស់ខ្លួន ទោះបីជា កំណើននេះនៅរក្សាបានក្នុងកម្រិត ៦,៩ភាគរយដដែលក៏ដោយក្នុងឆ្នាំនេះ។ នៅប្រទេស មីយ៉ានម៉ាគ្រោះទឹកជំនន់ដ៏ធ្ងន់ធ្ងរដែលបានកើតឡើងកាលពីខែកក្កដា នឹងទំនងជាធ្វើឲ្យ កំណើនសេដ្ឋកិច្ចរបស់ប្រទេសនេះថយចុះមកនៅត្រឹម ៦,៥ភាគរយ ពី ៨,៥ភាគរយក្នុងឆ្នាំ ២០១៤ ។ ប្រទេសនៅកោះប៉ាស៊ីហ្វិក នឹងមានកំណើនមធ្យម។
ប្រធានក្រុមអ្នកសេដ្ឋកិច្ចរបស់ធនាគារពិភពលោកប្រចាំបតំបន់អាស៊ីបូព៌ា និងប៉ាស៊ីហ្វិក លោក ស៊ូឌៀរ សេតទី មានប្រសាសន៍ថា កំណើនសេដ្ឋកិច្ចរបស់បណ្តាប្រទេសកំពុងអភិវឌ្ឍន៍ នៅក្នុងតំបន់អាស៊ីបូព៌ា បានគេរំពឹងថា ថយចុះបន្ថែមទៀត ដោយសារតែឥទិ្ធពលមកពី ប្រទេសចិនដែលកំពុងធ្វើឲ្យមានតុល្យភាពឡើងវិញដល់សេដ្ឋកិច្ចរបស់ខ្លួន និងឥទិ្ធពលនៃការគ្រោងធ្វើបទដ្ឋានីយកម្មលើគោលនយោបាយស្តីពីអត្រាការប្រាក់របស់សហរដ្ឋអាមេរិក។ លោកថា៖«កត្តាទាំងនេះអាចបង្កឲ្យមានអស្ថេរភាពផ្នែកហរិញ្ញវត្ថុក្នុងរយៈពេលខ្លី ក៏ប៉ុន្តែចាំបាច់តម្រូវឲ្យមានការកែតម្រូវដើម្បីទទួលបាននូវកំណើនសេដ្ឋកិច្ចដែលមាន ចីរភាពក្នុងរយៈពេលវែង»។
របាយការណ៍នេះ បានធ្វើការសន្មត់លើការធ្លាក់ចុះបន្តិចម្តងៗនៃសេដ្ឋកិច្ចរបស់ចិននៅក្នុងឆ្នាំ ២០១៦-២០១៧ ។ ទិដ្ឋភាពនេះទំនងជាដោយសារប្រទេសចិនមានគោលនយោបាយ គ្រប់គ្រាន់ ដើម្បីឆ្លើយតបទៅនឹងហានិភ័យនៃការថយចុះកាន់តែច្រើនឡើងដែលគួរ ឲ្យកត់សម្គាល់ រួមទាំងកម្រិតនៃបំណុលសាធារណៈដែលមានចំនួនតិច បទបញ្ញាត្តិជាច្រើន ដែលរឹតបន្តឹង ដល់ការសន្សំប្រាក់ក្រៅប្រព័ន្ធធនាគារ និងតួនាទីសំខាន់របស់រដ្ឋនៅក្នុង ប្រព័ន្ធហិរញ្ញវត្ថុ។ ប្រសិនបើកំណើនសេដ្ឋកិច្ចរបស់ចិនបន្តថយចុះបន្ថែមទៀត វានឹងនាំឲ្យមានផលប៉ះពាល់ដល់បណ្តាប្រទេសដទៃទៀតនៅក្នុងតំបន់នេះ ជាពិសេស ប្រទេសទាំងឡាយណា ដែលមានទំនាក់ទំនងពាណិជ្ជកម្ម វិនិយោគ និងទេសចរណ៍ ជាមួយប្រទេសចិន។
របាយការណ៍នេះ ក៏បានធ្វើការសន្មត់ផងដែរ អំពីការកើនឡើងបន្តិចម្តងៗនៃអត្រាការប្រាក់ របស់សហរដ្ឋអាមេរិក នឹងចាប់ផ្តើមឡើងនៅក្នុងរយៈពេលប៉ុន្មានខែខាងមុខនេះ។ ខណៈ ដែលកំណើនលើអត្រាការប្រាក់នេះត្រូវបានគេរំពឹងទុក និងទំនងជាមានលក្ខណៈជាប្រព័ន្ធ នៅមានហានិភ័យមួយដែលទីផ្សារនានាអាចមានប្រតិកម្មខ្លាំងទៅលើការរឹតបន្តឹង ការធ្វើឲ្យ តម្លៃរូបិយប័ណ្ណធ្លាក់ចុះ ការលក់បុនដ៍ (ប័ណ្ណបំណុល)កើនឡើង លំហូរមូលធនធ្លាក់ចុះ និងការរឹតបន្តឹងលើវិលីនភាពហិរញ្ញវត្ថុ (វត្ថុដែលអាចទូទាត់ជាសាច់ប្រាក់បានភ្លាម)។
នៅចំពោះមុខបញ្ហាប្រឈមទាំងនេះ របាយការណ៍នេះ បានគូសបញ្ជាក់នូវអាទិភាពសំខាន់ៗ ចំនួនពីរសម្រាប់តំបន់នេះ ទីមួយគឺ ការគ្រប់គ្រងម៉ាក្រូសេដ្ឋកិច្ចប្រកបដោយភាពវ័យឆ្លាត ក្នុងគោលបំណងដើម្បីទប់ទល់ដល់ភាពងាយរងគ្រោះពីកត្តាខាងក្រៅនិងពីផ្នែកសារពើពន្ធ និងទីពីរគឺ កំណែទម្រង់រចនាសម្ព័ន្ធដែលមានលក្ខណៈកាន់តែស៊ីជម្រៅជាងមុន ដោយផ្តោយការយកចិត្តទុកដាក់លើការលើកទឹកចិត្តដល់វិនិយោគទុនឯកជន។
ចំពោះកំណើនសេដ្ឋកិច្ចរបស់កម្ពុជា
កំណើនសេដ្ឋកិច្ចរបស់កម្ពុជា នៅតែត្រូវបាននាំមុខដោយវិស័យសំណង់ ការនាំចេញ សម្លៀកបំពាក់ និងវិស័យទេសចរណ៍។ វិស័យសំណង់ បានក្លាយជាក្បាលម៉ាស៊ីនដ៏សំខាន់ បំផុតនៃកំណើនសេដ្ឋកិច្ច ដោយសារតែកម្ពុជាមានស្ថេរភាពនយោបាយល្អប្រសើរឡើងវិញ និងកើនឡើងនូវតម្រូវការប្រើប្រាស់ឡើងវិញ។ ក៏ប៉ុន្តែ គេសង្កេតឃើញមានសញ្ញាណ មួយចំនួននៃការបន្តធ្លាក់ចុះ ជាពិសេស លើវិស័យទេសចរណ៍ និងវិស័យកសិកម្ម ដែលវាផ្អែកទៅលើតម្រូវការពីខាងក្រៅ និងតម្លៃផលិតផលអន្តរជាតិ។ ជាលទ្ធផល កំណើនសេដ្ឋកិច្ចរបស់កម្ពុជា ត្រូវបានគេប៉ាន់ប្រមាណថានឹងថយចុះបន្តិចមកនៅត្រឹម ៦.៩ភាគរយ នៅក្នុងឆ្នាំ២០១។
លោក សូដេត លី អ្នកសេដ្ឋកិច្ចរបស់ធនាគារពិភពលោកប្រចាំកម្ពុជា មានប្រសាសន៍ថា៖«កំណើននៃការនាំចេញសម្លៀកបំពាក់បានថយចុះក្នុងអំឡុងពេលឆមាសទីមួយនៃឆ្នាំនេះ។ ដូច្នេះ ការកែខៃអត្ថប្រយោជន៍ប្រកួតប្រជែងរបស់កម្ពុជា គឺជាអាទិភាពមួយ»។
កំណើនសេដ្ឋកិច្ចជាបន្តបន្ទាប់នៅក្នុងរយៈពេលពីរបីឆ្នាំកន្លងទៅនោះ បានធ្វើឲ្យ សុខមាលភាពរបស់ប្រជាពលរដ្ឋនៅកម្ពុជាមានការកើនឡើង ធ្វើឲ្យកម្រិតជីវភាពរបស់ ពលរដ្ឋកម្ពុជាមានភាពល្អបង្គួរ។ និន្នាការនេះនឹងបន្តនៅក្នុងឆ្នាំ២០១៥ និង ២០១៦ ជាពិសេស នៅតំបន់ទីប្រជុំជន ដែលវិស័យសំណង់និងវិស័យសេវាកម្មមានភាពរឹងមាំ។
គួរបញ្ជាក់ថា របាយការណ៍បច្ចុប្បន្នភាពសេដ្ឋកិច្ចនៅតំបន់អាស៊ីបូព៌ានិងប៉ាស៊ីហ្វិក គឺជាការត្រួតពិនិត្យមើលឡើងវិញដែលមានលក្ខណៈពិស្តាររបស់ធនាគារពិភពលោក លើសេដ្ឋកិច្ចរបស់តំបន់នេះ។ របាយការណ៍នេះ ត្រូវបានបោះពុម្ពផ្សាយពីរដងក្នុងមួយឆ្នាំ និងមានដាក់ផ្សាយដោយឥតគិតថ្លៃនៅលើវេបសាយត៍របស់ធនាគារពិភពលោក តាមអាសយដ្ឋាន http://www.worldbank.org/eapupdate។
យោងតាមរបាយការណ៍របស់ធនាគារពិភពលោកដែលទើបចេញផ្សាយ តំបន់អាស៊ីបូព៌ា នៅតែជាតំបន់នាំមុខគេមួយក្នុង ចំណោមតំបន់នានាសម្រាប់ជំរុញឲ្យមានកំណើនសេដ្ឋកិច្ចរបស់ពិភពលោក ដែលស្មើនឹងជិតពីរភាគប្រាំនៃកំណើនសេដ្ឋកិច្ចពិភពលោក។ និយាយជារួម សេដ្ឋកិច្ច នៅក្នុងតំបន់នេះ ត្រូវបានគេរំពឹងថានឹងមានកំណើនត្រឹម ៦,៥ ភាគរយ ក្នុងឆ្នាំ ២០១៥ គឺបានថយចុះបន្តិច បើធៀបនឹងឆ្នាំមុន ដែលមាន ៦,៨ភាគរយ។
លោក អាកសែល វ៉ាន់ ត្រុតសេនប៊ើគ អនុប្រធានធនាគារពិភពលោកប្រចាំតំបន់អាស៊ីបូព៌ា និងប៉ាស៊ីហ្វិក បានមានប្រសាសន៍តាមរយៈសេចក្តីប្រកាសព័ត៌មាន World Bank ថា កំណើន សេដ្ឋកិច្ចនៅក្នុងបណ្តាប្រទេសកំពុងអភិវឌ្ឍន៍ក្នុងតំបន់អាស៊ីបូព៌ា និងប៉ាស៊ីហ្វិកនៅបន្តមាន ភាពរឹងមាំ ប៉ុន្តែនិន្នាការនៃការថយចុះនេះ បានប្រាប់ដល់អ្នកតាក់តែងគោលនយោបាយនានា នៅក្នុងតំបន់នេះឲ្យបន្តផ្តោតការយកចិត្ត ទុកដាក់លើការធ្វើកំណែទម្រង់រចនាសម្ព័ន្ធដែលជា មូលដ្ឋានគ្រឹះសម្រាប់កំណើនសេដ្ឋកិច្ចរយៈពេលវែងនិងលើគ្រប់វិស័យប្រកបដោយចីរភាព។ លោកបន្តថា កំណែទម្រង់ទាំងនេះ រួមមាន ការកែលម្អលិខិតបទដ្ឋាន លើផ្នែកហិរញ្ញវត្ថុ ទីផ្សារការងារនិងផលិតផល ព្រមទាំង វិធានការនានាដែលលើកកម្ពស់ តម្លាភាព និងគណនេយ្យភាព។
លោកថា៖«គោលនយោបាយទាំងនេះ នឹងជួយកសាងទំនុកចិត្តដល់ អ្នកវិនិយោគ និងគាំទ្រ ដល់ទីផ្សារ ហើយនឹងជួយទ្រទ្រង់ដល់កំណើនសេដ្ឋកិច្ចដែលអាចជួយ ប្រជាពលរដ្ឋឲ្យរួចចាក ផុតពីភាពក្រីក្របាន»។
របាយការណ៍បច្ចុប្បន្នភាពសេដ្ឋកិច្ចនៅអាស៊ីបូព៌ា និងប៉ាស៊ីហ្វិក ចេញផ្សាយថ្ងៃនេះ បានសម្លឹងមើលតំបន់នេះដែលកំពុងតែប្រឈមទៅនឹងបរិយាកាសប្រកួតប្រជែងជាលក្ខណៈសកល។ សេដ្ឋកិច្ចរបស់បណ្តាប្រទេសដែលមានប្រាក់ចំណូលខ្ពស់នៅតែបន្តវិលមករកភាពដើមវិញបន្តិចម្តងៗ ពាណិជ្ជកម្មពិភពលោកកំពុងតែងើបឡើងក្នុងល្បឿនយឺតបំផុត ចាប់តាំងពីឆ្នាំ ២០០៩មក និងសេដ្ឋកិច្ចនៅក្នុងបណ្តាប្រទេសកំពុងអភិវឌ្ឍន៍កំពុង តែថយចុះ ជាពិសេស ប្រទេសអ្នកផលិតទំនិញបានទទួលរងផលប៉ះពាល់ ដោយសារតម្លៃទំនិញបន្តធ្លាក់ថ្លៃកាន់តែទាបទៅៗ ។
និន្នាការនៃកំណើនសេដ្ឋកិច្ចនៅទូទាំងតំបន់អាស៊ីបូព៌ាមានភាពចម្រុះ។ សេដ្ឋកិច្ចរបស់ ប្រទេសចិន ត្រូវបានគេរំពឹងថា នឹងកើនឡើងបានប្រហែល ៧ភាគរយនៅឆ្នាំនេះ និងធ្លាក់ ចុះវិញ នៅឆ្នាំបន្ទាប់ ដោយសារសេដ្ឋកិច្ចរបស់ចិននៅបន្តផ្លាស់ប្តូរទៅជាប្រភេទមួយ ដែលមានលក្ខណៈដឹកមុខដោយតម្រូវការប្រើប្រាស់និងសេវាកម្មក្នុងស្រុកច្រើនជាង ដែលជាហេតុនាំឲ្យកំណើនសេដ្ឋកិច្ចរបស់ចិនមានការធ្លាក់ចុះបន្តិចម្តងៗ ។
សេដ្ឋកិច្ចរបស់បណ្តាប្រទេសកំពុងអភិវឌ្ឍន៍ដទៃទៀតនៅតំបន់អាស៊ីបូព៌ា ត្រូវបានគេ រំពឹងថានឹងកើនឡើងបាន ៤.៦ភាគរយនៅឆ្នាំ២០១៥ ដែលវាប្រហាក់ប្រហែលឆ្នាំកន្លងទៅ។
ប្រទេសនាំចេញទំនិញជាច្រើន ដូចជា ឥណ្ឌូណេស៊ី ម៉ាឡេស៊ី និងម៉ុងហ្គោលី នឹងមានកំណើនសេដ្ឋកិច្ចយឺតជាងមុន និងមានប្រាក់ចំណូលសាធារណៈ ទាបជាងមុនសម្រាប់ឆ្នាំនេះ ដែលឆ្លុះបញ្ចាំងឲ្យឃើញអំពីតម្លៃទំនិញនៅលើពិភពលោក កាន់តែធ្លាក់ទាបទៅៗ ។ ប៉ុន្តែប្រទេសអ្នកនាំចូលទំនិញនឹងរក្សាបាននូវកំណើនសេដ្ឋកិច្ច ថេរឬអាចរឹងមាំ។ ជាឧទាហរណ៍ សេដ្ឋកិច្ចរបស់ប្រទេសវៀតណាម ត្រូវបានគេរំពឹងថា នឹងកើនឡើង ៦,២ភាគរយនៅក្នុងឆ្នាំ ២០១៥ និង ៦,៣ភាគរយ នៅក្នុងឆ្នាំ ២០១៦ ។ ក៏ប៉ុន្តែ កំណើននេះ នឹងថយចុះនៅក្នុងបណ្តាប្រទេសដែលមានទំហំសេដ្ឋកិច្ចតូចៗ ។ នៅកម្ពុជា ទិន្នផលកសិកម្មដែលចុះទាបជាងមុន កំពុងតែធ្វើឲ្យប៉ះពាល់ដល់សេដ្ឋកិច្ចរបស់ខ្លួន ទោះបីជា កំណើននេះនៅរក្សាបានក្នុងកម្រិត ៦,៩ភាគរយដដែលក៏ដោយក្នុងឆ្នាំនេះ។ នៅប្រទេស មីយ៉ានម៉ាគ្រោះទឹកជំនន់ដ៏ធ្ងន់ធ្ងរដែលបានកើតឡើងកាលពីខែកក្កដា នឹងទំនងជាធ្វើឲ្យ កំណើនសេដ្ឋកិច្ចរបស់ប្រទេសនេះថយចុះមកនៅត្រឹម ៦,៥ភាគរយ ពី ៨,៥ភាគរយក្នុងឆ្នាំ ២០១៤ ។ ប្រទេសនៅកោះប៉ាស៊ីហ្វិក នឹងមានកំណើនមធ្យម។
ប្រធានក្រុមអ្នកសេដ្ឋកិច្ចរបស់ធនាគារពិភពលោកប្រចាំបតំបន់អាស៊ីបូព៌ា និងប៉ាស៊ីហ្វិក លោក ស៊ូឌៀរ សេតទី មានប្រសាសន៍ថា កំណើនសេដ្ឋកិច្ចរបស់បណ្តាប្រទេសកំពុងអភិវឌ្ឍន៍ នៅក្នុងតំបន់អាស៊ីបូព៌ា បានគេរំពឹងថា ថយចុះបន្ថែមទៀត ដោយសារតែឥទិ្ធពលមកពី ប្រទេសចិនដែលកំពុងធ្វើឲ្យមានតុល្យភាពឡើងវិញដល់សេដ្ឋកិច្ចរបស់ខ្លួន និងឥទិ្ធពលនៃការគ្រោងធ្វើបទដ្ឋានីយកម្មលើគោលនយោបាយស្តីពីអត្រាការប្រាក់របស់សហរដ្ឋអាមេរិក។ លោកថា៖«កត្តាទាំងនេះអាចបង្កឲ្យមានអស្ថេរភាពផ្នែកហរិញ្ញវត្ថុក្នុងរយៈពេលខ្លី ក៏ប៉ុន្តែចាំបាច់តម្រូវឲ្យមានការកែតម្រូវដើម្បីទទួលបាននូវកំណើនសេដ្ឋកិច្ចដែលមាន ចីរភាពក្នុងរយៈពេលវែង»។
របាយការណ៍នេះ បានធ្វើការសន្មត់លើការធ្លាក់ចុះបន្តិចម្តងៗនៃសេដ្ឋកិច្ចរបស់ចិននៅក្នុងឆ្នាំ ២០១៦-២០១៧ ។ ទិដ្ឋភាពនេះទំនងជាដោយសារប្រទេសចិនមានគោលនយោបាយ គ្រប់គ្រាន់ ដើម្បីឆ្លើយតបទៅនឹងហានិភ័យនៃការថយចុះកាន់តែច្រើនឡើងដែលគួរ ឲ្យកត់សម្គាល់ រួមទាំងកម្រិតនៃបំណុលសាធារណៈដែលមានចំនួនតិច បទបញ្ញាត្តិជាច្រើន ដែលរឹតបន្តឹង ដល់ការសន្សំប្រាក់ក្រៅប្រព័ន្ធធនាគារ និងតួនាទីសំខាន់របស់រដ្ឋនៅក្នុង ប្រព័ន្ធហិរញ្ញវត្ថុ។ ប្រសិនបើកំណើនសេដ្ឋកិច្ចរបស់ចិនបន្តថយចុះបន្ថែមទៀត វានឹងនាំឲ្យមានផលប៉ះពាល់ដល់បណ្តាប្រទេសដទៃទៀតនៅក្នុងតំបន់នេះ ជាពិសេស ប្រទេសទាំងឡាយណា ដែលមានទំនាក់ទំនងពាណិជ្ជកម្ម វិនិយោគ និងទេសចរណ៍ ជាមួយប្រទេសចិន។
របាយការណ៍នេះ ក៏បានធ្វើការសន្មត់ផងដែរ អំពីការកើនឡើងបន្តិចម្តងៗនៃអត្រាការប្រាក់ របស់សហរដ្ឋអាមេរិក នឹងចាប់ផ្តើមឡើងនៅក្នុងរយៈពេលប៉ុន្មានខែខាងមុខនេះ។ ខណៈ ដែលកំណើនលើអត្រាការប្រាក់នេះត្រូវបានគេរំពឹងទុក និងទំនងជាមានលក្ខណៈជាប្រព័ន្ធ នៅមានហានិភ័យមួយដែលទីផ្សារនានាអាចមានប្រតិកម្មខ្លាំងទៅលើការរឹតបន្តឹង ការធ្វើឲ្យ តម្លៃរូបិយប័ណ្ណធ្លាក់ចុះ ការលក់បុនដ៍ (ប័ណ្ណបំណុល)កើនឡើង លំហូរមូលធនធ្លាក់ចុះ និងការរឹតបន្តឹងលើវិលីនភាពហិរញ្ញវត្ថុ (វត្ថុដែលអាចទូទាត់ជាសាច់ប្រាក់បានភ្លាម)។
នៅចំពោះមុខបញ្ហាប្រឈមទាំងនេះ របាយការណ៍នេះ បានគូសបញ្ជាក់នូវអាទិភាពសំខាន់ៗ ចំនួនពីរសម្រាប់តំបន់នេះ ទីមួយគឺ ការគ្រប់គ្រងម៉ាក្រូសេដ្ឋកិច្ចប្រកបដោយភាពវ័យឆ្លាត ក្នុងគោលបំណងដើម្បីទប់ទល់ដល់ភាពងាយរងគ្រោះពីកត្តាខាងក្រៅនិងពីផ្នែកសារពើពន្ធ និងទីពីរគឺ កំណែទម្រង់រចនាសម្ព័ន្ធដែលមានលក្ខណៈកាន់តែស៊ីជម្រៅជាងមុន ដោយផ្តោយការយកចិត្តទុកដាក់លើការលើកទឹកចិត្តដល់វិនិយោគទុនឯកជន។
ចំពោះកំណើនសេដ្ឋកិច្ចរបស់កម្ពុជា
កំណើនសេដ្ឋកិច្ចរបស់កម្ពុជា នៅតែត្រូវបាននាំមុខដោយវិស័យសំណង់ ការនាំចេញ សម្លៀកបំពាក់ និងវិស័យទេសចរណ៍។ វិស័យសំណង់ បានក្លាយជាក្បាលម៉ាស៊ីនដ៏សំខាន់ បំផុតនៃកំណើនសេដ្ឋកិច្ច ដោយសារតែកម្ពុជាមានស្ថេរភាពនយោបាយល្អប្រសើរឡើងវិញ និងកើនឡើងនូវតម្រូវការប្រើប្រាស់ឡើងវិញ។ ក៏ប៉ុន្តែ គេសង្កេតឃើញមានសញ្ញាណ មួយចំនួននៃការបន្តធ្លាក់ចុះ ជាពិសេស លើវិស័យទេសចរណ៍ និងវិស័យកសិកម្ម ដែលវាផ្អែកទៅលើតម្រូវការពីខាងក្រៅ និងតម្លៃផលិតផលអន្តរជាតិ។ ជាលទ្ធផល កំណើនសេដ្ឋកិច្ចរបស់កម្ពុជា ត្រូវបានគេប៉ាន់ប្រមាណថានឹងថយចុះបន្តិចមកនៅត្រឹម ៦.៩ភាគរយ នៅក្នុងឆ្នាំ២០១។
លោក សូដេត លី អ្នកសេដ្ឋកិច្ចរបស់ធនាគារពិភពលោកប្រចាំកម្ពុជា មានប្រសាសន៍ថា៖«កំណើននៃការនាំចេញសម្លៀកបំពាក់បានថយចុះក្នុងអំឡុងពេលឆមាសទីមួយនៃឆ្នាំនេះ។ ដូច្នេះ ការកែខៃអត្ថប្រយោជន៍ប្រកួតប្រជែងរបស់កម្ពុជា គឺជាអាទិភាពមួយ»។
កំណើនសេដ្ឋកិច្ចជាបន្តបន្ទាប់នៅក្នុងរយៈពេលពីរបីឆ្នាំកន្លងទៅនោះ បានធ្វើឲ្យ សុខមាលភាពរបស់ប្រជាពលរដ្ឋនៅកម្ពុជាមានការកើនឡើង ធ្វើឲ្យកម្រិតជីវភាពរបស់ ពលរដ្ឋកម្ពុជាមានភាពល្អបង្គួរ។ និន្នាការនេះនឹងបន្តនៅក្នុងឆ្នាំ២០១៥ និង ២០១៦ ជាពិសេស នៅតំបន់ទីប្រជុំជន ដែលវិស័យសំណង់និងវិស័យសេវាកម្មមានភាពរឹងមាំ។
គួរបញ្ជាក់ថា របាយការណ៍បច្ចុប្បន្នភាពសេដ្ឋកិច្ចនៅតំបន់អាស៊ីបូព៌ានិងប៉ាស៊ីហ្វិក គឺជាការត្រួតពិនិត្យមើលឡើងវិញដែលមានលក្ខណៈពិស្តាររបស់ធនាគារពិភពលោក លើសេដ្ឋកិច្ចរបស់តំបន់នេះ។ របាយការណ៍នេះ ត្រូវបានបោះពុម្ពផ្សាយពីរដងក្នុងមួយឆ្នាំ និងមានដាក់ផ្សាយដោយឥតគិតថ្លៃនៅលើវេបសាយត៍របស់ធនាគារពិភពលោក តាមអាសយដ្ឋាន http://www.worldbank.org/eapupdate។
Tag:
World Bank
© រក្សាសិទ្ធិដោយ thmeythmey.com
