ពីនេះ ពីនោះ
តើពាក្យ «ព្រលឹង, ប្រលឹង» មួយណាត្រូវ?
× មនុស្សមួយចំនួននៅតែស្រពេចស្រពិលក្នុងការប្រើប្រាស់ពាក្យទាំងពីរនេះដោយមិនដឹងថាមួយណាខុសឬមួយណាត្រូវនៅឡើយទេ។ បើតាមវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ថាពាក្យដែលត្រូវ គឺសរសេរ «ព្រលឹង» ជានាមមានន័យថា ដំណើរជីវិត, ស្មារតី, វិញ្ញាណ, ស្រីសួស្តី, សេចក្តីសុខ, សេចក្តីចម្រើន។ ឧទាហរណ៍៖ ព្រលឹងព្រលះ គឺស្មារតីធំតូចឬច្រើនតិច, បាត់ព្រលឹង គឺដូចគ្នានឹងបាត់វិញ្ញាណ ឬបាត់ស្មារតី, មានព្រលឹង គឺធាត់មានសាច់មានឈាម។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com