អន្តរជាតិ
×![]()
មេបញ្ជាការកងទ័ពកំពូលរបស់សហរដ្ឋអាមេរិក បានទទួលខុសត្រូវលើការវាយប្រហារចំលើមន្ទីរពេទ្យរបស់អង្គការគ្រូពេទ្យគ្មានព្រំដែន ដោយនិយាយថាវាជាកំហុសអចេតនា។ ហេតុការណ៏នេះបានកើតឡើងក្នុងខេត្តKunduzប្រទេសអាហ្វហ្គានីស្ថាន ខណៈកងទ័ពអាមេរិកកំពុងធ្វើប្រតិបត្តិការបណ្ដេញក្រុមតាលីបង់ចេញពីតំបន់។
កាលពីថ្ងៃម្សិលមិញ លោកឧត្ដមសេនីយ៍ John Campbell ប្រមុខកងទ័ពអាមេរិកនិង ណាតូប្រចាំអាហ្វហ្គានីស្ថាន បាននិយាយ ខ្លួនពិតជាបានវាយប្រហារលើមន្ទីរពេទ្យរបស់អង្គការគ្រូពេទ្យគ្មានព្រំដែនមែន តែវាជារឿងកំហុសអចេតនានោះទេ។ ការអះអាងនេះ ធ្វើឡើងក្នុងពេលដែលលោកផ្ដល់សក្ខីកម្មទៅឱ្យគណៈកម្មាការយោធារបស់ព្រឺទ្ធសភាអាមេរិក។
ការស៊ើបអង្កេតចំនួនបីដាច់ដោយឡែកពីគ្នាកំពុងតែធ្វើឡើង ដើម្បីកំណត់មូលហេតុពិតប្រាកដក្នុងហេតុការណ៏ដ៍អាក្រក់នេះ។ ហេតុការណ៍នោះគឺ ការវាយប្រហារតាមអាកាសកាលពីថ្ងៃអាទិត្យ ដែលបានសម្លាប់មនុស្ស២២នាក់ ដែលជនរងគ្រោះភាគច្រើនជាបុគ្គលិករបស់អង្គការគ្រូពេទ្យគ្មានព្រំដែន។
ក្នុងពេលផ្ដល់សក្ខីកម្មដល់គណៈកម្មាការព្រឹទ្ធសភាអាមេរិក លោកឧត្ដមសេនីយ៍Campbellបានបញ្ជាក់ថា ប្រតិបត្តិការនេះគឺធ្វើឡើងដោយមានការស្នើសុំពីអាហ្វហ្គានីស្ថាន ហើយ កងទ័ពពិសេសរបស់អាមេរិកកំពុងប្រយុទ្ធនៅក្បែរនោះ មុនពេលមានអន្តរាគមន៍។ លោកបន្តថា ក្រុមមន្ត្រីអាមេរិកកំពុងធ្វើការជាមួយអង្គការគ្រូពេទ្យគ្មានព្រំដែនលើរឿងនេះដើម្បីទទួលបានព័ត៌មានឱ្យគ្រប់ជ្រុងជ្រោយ។
ជុំវិញបញ្ហានេះ រដ្ឋមន្ត្រីការពារជាតិអាមេរិកលោកAshton Carter ក៏បានសម្តែងការសោកស្ដាយចំពោះរឿងដែលបានកើតឡើង។ លោក Carter បានលើកឡើងថា អង្គការគ្រូពេទ្យគ្មានព្រំដែន បានដើរតួយ៉ាងសំខាន់នៅជុំវិញពិភពលោក ហើយក្រសួងការពារជាតិអាមេរិកមានការសោកស្ដាយជាខ្លាំងចំពោះការបាត់បង់ជីវិតជនស្លូតត្រង់ក្នុងហេតុការណ៏នេះ។
ដោយឡែកប្រធានអង្គការគ្រូពេទ្យគ្មានព្រំដែន លោកស្រីJoanne Liuបាននិយាយថា វាជារឿងមិនអាចទទួលយកបាននោះទេ ហើយ លោកស្រី បានចាត់ទុកការវាយប្រហារនេះ គឺជាឧក្រិដ្ឋកម្មសង្គ្រាម។ ចុងក្រោយ អង្គការនេះ បានសម្រេចដកប្រតិបត្តិការចេញពីខេត្តKunduz បន្ទាប់ពីមានការវាយប្រហារលើមន្ទីរពេទ្យរបស់ខ្លួន៕
កាលពីថ្ងៃម្សិលមិញ លោកឧត្ដមសេនីយ៍ John Campbell ប្រមុខកងទ័ពអាមេរិកនិង ណាតូប្រចាំអាហ្វហ្គានីស្ថាន បាននិយាយ ខ្លួនពិតជាបានវាយប្រហារលើមន្ទីរពេទ្យរបស់អង្គការគ្រូពេទ្យគ្មានព្រំដែនមែន តែវាជារឿងកំហុសអចេតនានោះទេ។ ការអះអាងនេះ ធ្វើឡើងក្នុងពេលដែលលោកផ្ដល់សក្ខីកម្មទៅឱ្យគណៈកម្មាការយោធារបស់ព្រឺទ្ធសភាអាមេរិក។
ការស៊ើបអង្កេតចំនួនបីដាច់ដោយឡែកពីគ្នាកំពុងតែធ្វើឡើង ដើម្បីកំណត់មូលហេតុពិតប្រាកដក្នុងហេតុការណ៏ដ៍អាក្រក់នេះ។ ហេតុការណ៍នោះគឺ ការវាយប្រហារតាមអាកាសកាលពីថ្ងៃអាទិត្យ ដែលបានសម្លាប់មនុស្ស២២នាក់ ដែលជនរងគ្រោះភាគច្រើនជាបុគ្គលិករបស់អង្គការគ្រូពេទ្យគ្មានព្រំដែន។
ក្នុងពេលផ្ដល់សក្ខីកម្មដល់គណៈកម្មាការព្រឹទ្ធសភាអាមេរិក លោកឧត្ដមសេនីយ៍Campbellបានបញ្ជាក់ថា ប្រតិបត្តិការនេះគឺធ្វើឡើងដោយមានការស្នើសុំពីអាហ្វហ្គានីស្ថាន ហើយ កងទ័ពពិសេសរបស់អាមេរិកកំពុងប្រយុទ្ធនៅក្បែរនោះ មុនពេលមានអន្តរាគមន៍។ លោកបន្តថា ក្រុមមន្ត្រីអាមេរិកកំពុងធ្វើការជាមួយអង្គការគ្រូពេទ្យគ្មានព្រំដែនលើរឿងនេះដើម្បីទទួលបានព័ត៌មានឱ្យគ្រប់ជ្រុងជ្រោយ។
ជុំវិញបញ្ហានេះ រដ្ឋមន្ត្រីការពារជាតិអាមេរិកលោកAshton Carter ក៏បានសម្តែងការសោកស្ដាយចំពោះរឿងដែលបានកើតឡើង។ លោក Carter បានលើកឡើងថា អង្គការគ្រូពេទ្យគ្មានព្រំដែន បានដើរតួយ៉ាងសំខាន់នៅជុំវិញពិភពលោក ហើយក្រសួងការពារជាតិអាមេរិកមានការសោកស្ដាយជាខ្លាំងចំពោះការបាត់បង់ជីវិតជនស្លូតត្រង់ក្នុងហេតុការណ៏នេះ។
ដោយឡែកប្រធានអង្គការគ្រូពេទ្យគ្មានព្រំដែន លោកស្រីJoanne Liuបាននិយាយថា វាជារឿងមិនអាចទទួលយកបាននោះទេ ហើយ លោកស្រី បានចាត់ទុកការវាយប្រហារនេះ គឺជាឧក្រិដ្ឋកម្មសង្គ្រាម។ ចុងក្រោយ អង្គការនេះ បានសម្រេចដកប្រតិបត្តិការចេញពីខេត្តKunduz បន្ទាប់ពីមានការវាយប្រហារលើមន្ទីរពេទ្យរបស់ខ្លួន៕
Tag:
អាមេរិក
© រក្សាសិទ្ធិដោយ thmeythmey.com
