អន្តរជាតិ
ឥណ្ឌូនេស៊ីសុំជំនួយពីសិង្ហបុរី រុស្ស៊ី ម៉ាឡេស៊ី និងជប៉ុន ជួយពន្លត់ភ្លើងឆេះព្រៃ
×![]()
នៅថ្ងៃព្រហស្បតិ៍នេះ លោកប្រធានាធិបតីឥណ្ឌូនេស៊ី ចូកូ វីដូដូ បានសម្រេចស្នើរសុំជំនួយពីអន្តរជាតិ ដើម្បីចាត់វិធានការទៅនឹងភ្លើងឆេះព្រៃដ៏សន្ធោសន្ធៅនៅកោះមួយចំនួនរបស់ឥណ្ឌូនេស៊ី ដែលកំពុងតែបង្កឲ្យមានអព្ទ័ពាសពេញលំហនៅក្នុងរដ្ឋនៅអាស៊ីអាគ្នេយ៍។
មកទល់ពេលនេះ ភ្លើងឆេះព្រៃនៅឥណ្ឌូនេស៊ីនៅតែបន្តកើតមានឡើង។ ការឆាបឆេះនេះបានបណ្តាលឲ្យមានអព្ទ័ពាសពេញលំហឥណ្ឌូនេស៊ី ម៉ាឡេស៊ី និង សិង្ហបុរី ដែលបានបណ្តាលឲ្យប្រជាជនរាប់ពាន់នាក់ ប្រឈមនឹងបញ្ហាធ្ងន់ធ្ងរផ្លូវដង្ហើម។
តាមពិតទៅប្រភពដែលធ្វើឲ្យមានអព្ទ័ ផុសឡើងពេញលំហ គឺបណ្តាលមកពីភ្លើងឆេះព្រៃនៅកោះស៊ូម៉ាត្រា និង កាលីម៉ាន់ម៉ាន់តាន់នៃប្រទេសឥណ្ឌូនេស៊ី។ ការឆាបឆេះដ៏សន្ធោសន្ធៅនេះ តែងតែកើតឡើងនៅក្នុងរដូវប្រាំងដោយសារក្រុមហ៊ុនដែលទទួលបានសម្បទានពីរដ្ឋាភិបាលឥណ្ឌូនេស៊ីមួយចំនួន មិនមានការគ្រប់គ្រងឲ្យបានត្រឹមត្រូវ។ ជាពិសេសនោះ ក្រុមហ៊ុនទាំងនោះ បានដុតព្រៃ និង កាប់ព្រៃ ខុសទៅនឹងបទបញ្ជារបស់រដ្ឋាភិបាលឥណ្ឌូនេស៊ី។
កន្លងមក រដ្ឋាភិបាលឥណ្ឌូនេស៊ី បានពិន័យក្រុមហ៊ុនទាំងនោះ តែប្រឈមនឹងបញ្ហាមួយចំនួន ដ្បិត អ្នកបង្កហេតុការណ៍ ជាសែស្រឡាយរដ្ឋាភិបាលដែលបានចាក់ឬសជាយូរ និងមួយចំនួន គឺពាណិជ្ជករបរទេសដូចជាសិង្ហបុរី និង ម៉ាឡេស៊ី។
ដើម្បីឆ្លើយតបបញ្ហានេះ រដ្ឋាភិបាលឥណ្ឌូនេស៊ី បានបញ្ជូនកងកម្លាំងប្រមាណជាងពីរម៉ឺននាក់ ដើម្បីពន្លត់ភ្លើងឆេះនេះ ដែលរាប់បញ្ចូលទាំងការពន្លត់តាមទ័ពអាកាសផងដែរ។ យ៉ាងណាមិញ ដោយសារតែការឆាបឆេះនេះ មានលក្ខណៈធ្ងន់ធ្ងរពេក ទើបធ្វើអគ្គិភ័យនៅបន្តកើតមានឡើង ដែលធ្វើឲ្យមានអព្ទ័គ្របដណ្តប់លំហ អាកាសឥណ្ឌូនេស៊ី និង រដ្ឋអាស៊ានជិតខាងផងដែរ។
យ៉ាងណាក៏ដោយ ចុងក្រោយនេះ លោក ប្រធានាធិបតីឥណ្ឌូនេស៊ី ចូកូ វីដូដូ បានសម្រេចដាក់សំណើទៅកាន់អន្តរជាតិដើម្បីជាជំនួយក្នុងការទប់ស្កាត់បញ្ហានេះ។ ក្នុងនោះមន្ត្រីរដ្ឋាភិបាលឥណ្ឌូនេស៊ី បានអះអាងថា រដ្ឋដែលអាចជួយឥណ្ឌូនេស៊ីបាន រួមមាន សិង្ហបុរី រុស្ស៊ី ម៉ាឡេស៊ី និងជប៉ុន។ ក៏ប៉ុន្តែ សំណើ ទាំងនេះ មិនទាន់ទទួលបានការព្រមព្រៀងគ្នានៅឡើយនោះទេ។
សូមបញ្ជាក់ផងដែរថា ភ្លើងឆេះព្រៃ និង អព្ទ័ មិនមែនទើបតែកើតឡើងនោះទេ ពោលគឺបញ្ហានេះ បានចាប់ផ្តើមតាំងពីឆ្នាំ១៩៩៧មកម្ល៉េះ។ បញ្ហានេះ បានមិនត្រឹមតែប៉ះពាល់ដល់សុខភាពប្រជាជនប៉ុណ្ណោះទេ តែវាថែមទាំងប៉ះពាល់ដល់សេដ្ឋកិច្ចរដ្ឋអាស៊ានមួយចំនួន ដ្បិតក្រុមហ៊ុន សាលារៀន និង កិច្ចការពាណិជ្ជកម្មផ្សេងៗមិនអាចដំណើរការបានដោយសារមានកម្រិតអព្ទ័ក្រាស់ពេក៕
មកទល់ពេលនេះ ភ្លើងឆេះព្រៃនៅឥណ្ឌូនេស៊ីនៅតែបន្តកើតមានឡើង។ ការឆាបឆេះនេះបានបណ្តាលឲ្យមានអព្ទ័ពាសពេញលំហឥណ្ឌូនេស៊ី ម៉ាឡេស៊ី និង សិង្ហបុរី ដែលបានបណ្តាលឲ្យប្រជាជនរាប់ពាន់នាក់ ប្រឈមនឹងបញ្ហាធ្ងន់ធ្ងរផ្លូវដង្ហើម។
តាមពិតទៅប្រភពដែលធ្វើឲ្យមានអព្ទ័ ផុសឡើងពេញលំហ គឺបណ្តាលមកពីភ្លើងឆេះព្រៃនៅកោះស៊ូម៉ាត្រា និង កាលីម៉ាន់ម៉ាន់តាន់នៃប្រទេសឥណ្ឌូនេស៊ី។ ការឆាបឆេះដ៏សន្ធោសន្ធៅនេះ តែងតែកើតឡើងនៅក្នុងរដូវប្រាំងដោយសារក្រុមហ៊ុនដែលទទួលបានសម្បទានពីរដ្ឋាភិបាលឥណ្ឌូនេស៊ីមួយចំនួន មិនមានការគ្រប់គ្រងឲ្យបានត្រឹមត្រូវ។ ជាពិសេសនោះ ក្រុមហ៊ុនទាំងនោះ បានដុតព្រៃ និង កាប់ព្រៃ ខុសទៅនឹងបទបញ្ជារបស់រដ្ឋាភិបាលឥណ្ឌូនេស៊ី។
កន្លងមក រដ្ឋាភិបាលឥណ្ឌូនេស៊ី បានពិន័យក្រុមហ៊ុនទាំងនោះ តែប្រឈមនឹងបញ្ហាមួយចំនួន ដ្បិត អ្នកបង្កហេតុការណ៍ ជាសែស្រឡាយរដ្ឋាភិបាលដែលបានចាក់ឬសជាយូរ និងមួយចំនួន គឺពាណិជ្ជករបរទេសដូចជាសិង្ហបុរី និង ម៉ាឡេស៊ី។
ដើម្បីឆ្លើយតបបញ្ហានេះ រដ្ឋាភិបាលឥណ្ឌូនេស៊ី បានបញ្ជូនកងកម្លាំងប្រមាណជាងពីរម៉ឺននាក់ ដើម្បីពន្លត់ភ្លើងឆេះនេះ ដែលរាប់បញ្ចូលទាំងការពន្លត់តាមទ័ពអាកាសផងដែរ។ យ៉ាងណាមិញ ដោយសារតែការឆាបឆេះនេះ មានលក្ខណៈធ្ងន់ធ្ងរពេក ទើបធ្វើអគ្គិភ័យនៅបន្តកើតមានឡើង ដែលធ្វើឲ្យមានអព្ទ័គ្របដណ្តប់លំហ អាកាសឥណ្ឌូនេស៊ី និង រដ្ឋអាស៊ានជិតខាងផងដែរ។
យ៉ាងណាក៏ដោយ ចុងក្រោយនេះ លោក ប្រធានាធិបតីឥណ្ឌូនេស៊ី ចូកូ វីដូដូ បានសម្រេចដាក់សំណើទៅកាន់អន្តរជាតិដើម្បីជាជំនួយក្នុងការទប់ស្កាត់បញ្ហានេះ។ ក្នុងនោះមន្ត្រីរដ្ឋាភិបាលឥណ្ឌូនេស៊ី បានអះអាងថា រដ្ឋដែលអាចជួយឥណ្ឌូនេស៊ីបាន រួមមាន សិង្ហបុរី រុស្ស៊ី ម៉ាឡេស៊ី និងជប៉ុន។ ក៏ប៉ុន្តែ សំណើ ទាំងនេះ មិនទាន់ទទួលបានការព្រមព្រៀងគ្នានៅឡើយនោះទេ។
សូមបញ្ជាក់ផងដែរថា ភ្លើងឆេះព្រៃ និង អព្ទ័ មិនមែនទើបតែកើតឡើងនោះទេ ពោលគឺបញ្ហានេះ បានចាប់ផ្តើមតាំងពីឆ្នាំ១៩៩៧មកម្ល៉េះ។ បញ្ហានេះ បានមិនត្រឹមតែប៉ះពាល់ដល់សុខភាពប្រជាជនប៉ុណ្ណោះទេ តែវាថែមទាំងប៉ះពាល់ដល់សេដ្ឋកិច្ចរដ្ឋអាស៊ានមួយចំនួន ដ្បិតក្រុមហ៊ុន សាលារៀន និង កិច្ចការពាណិជ្ជកម្មផ្សេងៗមិនអាចដំណើរការបានដោយសារមានកម្រិតអព្ទ័ក្រាស់ពេក៕
Tag:
ឥណ្ឌូនេស៊ី
ភ្លើងឆេះព្រៃ
© រក្សាសិទ្ធិដោយ thmeythmey.com
