ពីនេះ ពីនោះ
×![]()
ដោយ: ថ្មីៗ
នៅក្នុងសង្គមប្រជាធិបតេយ្យ សេរីជឿនលឿន សម្បូរសប្បាយ អ្នកចង់ហក់ចូលក្នុងឆាកនយោបាយភាគច្រើន មានគោលបំណងចង់កែប្រែសង្គម ឬចង់កែទម្រង់សង្គមពីចំណុចអាក្រក់ឲ្យទៅរកចំណុចល្អ។ អ្នកប៉ងធ្វើនយោបាយនៅស្រុកគេ ភាគច្រើន មានថវិកាគ្រប់គ្រាន់ មានជំនួញច្រើន និងមានស្នាដៃល្អក្នុងសង្គមច្រើនរាប់មិនអស់។ ពួកគេធ្វើនយោបាយ គឺក្នុងន័យទទួលបានកិត្តិយស និងបង្កើតស្នាដៃបន្ថែមសម្រាប់សង្គមគេផ្ទាល់ និងសង្គមជាតិទាំងមូលនៅលើឆាកអន្តរជាតិ។ ពួកគេគ្មានខ្វល់នឹងប្រាក់ចំណូលចិញ្ចឹមជីវិតប្រចាំថ្ងៃឡើយ។
ងាកមកមើលអ្នកចង់ធ្វើនយោបាយនៅក្នុងប្រទេសរំដួលវិញ។ អ្នកមួយចំនួនមានគំនិតស្នេហាជាតិពិតប្រាកដមែន។ ប៉ុន្តែមួយចំនួនទៀត ប៉ងធ្វើនយោបាយដែរ តែដើម្បីបុព្វហេតុតែមួយគត់ គឺបានប្រាក់កាសមកវិញ នៅពេលដែលគណបក្សខ្លួនឈ្នះឆ្នោត។ ឈ្នះឆ្នោត អាចទទួលបានតំណែង ហើយយកតំណែងទៅរកលុយ។ នេះគឺជាកំហុស ប៉ុន្តែអ្នកនយោបាយមួយចំនួននៅក្នុងប្រទេសរំដួលគិតយ៉ាងដូច្នេះ។ មិនត្រឹមតែគិតទេ តែថែមទាំងអនុវត្តទៀតផង៕
Tag:
រំដួល
© រក្សាសិទ្ធិដោយ thmeythmey.com
