ជាតិ
ACU បដិសេធមិនចូលរួមសង្កេតការណ៍ការប្រឡងជ្រើសរើសសិស្សចៅក្រម
× ភ្នំពេញ៖ អង្គភាពប្រឆាំងអំពើពុករលួយបានប្រកាសបដិសេធមិនចូលរួមសង្កេតការណ៍ការប្រឡងប្រជែងជ្រើសរើសសិស្សចៅក្រមជំនាន់ទី៧នៃរាជបណ្ឌិតសភាវិជ្ជាជីវៈតុលារទេ។ នេះគឺជាការប្រកាសជាសាធារណៈនៅលើគេហទំព័ររបស់អង្គភាពប្រឆាំងអំពើពុករលួយ។
អង្គភាពប្រឆាំងអំពើពុករលួយដែលមានលោក ឱម យិនទៀង ជាប្រធាន បានប្រកាសបដិសេធមិនចូលរួមសង្កេតការណ៍ការប្រឡងប្រជែងជ្រើសរើសសិស្សចៅក្រមជំនាន់ទី៧នៃរាជបណ្ឌិតសភាវិជ្ជាជីវៈតុលារទេ។ មូលហេត គឺដោយសា រាជបណ្ឌិតសភាវិជ្ជាជីវៈតុលារគ្មានឆន្ទៈ និងមិនមានការសហការល្អជាមួយអង្គភាពប្រឆាំងអំពើពុករលួយ។ នេះគឺជាខ្លឹមសារលិខិតរបស់លោក ឱម យិនទៀត ផ្ញើជូនលោក ឈន ព្រលឹង បណ្ឌិតរដ្ឋនៃរាជបណ្ឌិតសភាវិជ្ជាជីវៈតុលារ។
ខ្លឹមសារលិខិតមិនបានលម្អិតឲ្យច្បាស់ថា តើហេតុអ្វីបានរាជបណ្ឌិតសភាវិជ្ជាជីវៈតុលារគ្មានឆន្ទៈ និងមិនមានការសហការល្អជាមួយអង្គភាពប្រឆាំងអំពើពុករលួយ។ ការប្រឡងនានាកាលពីពេលកន្លងមក ស្ថាប័នផ្សេងៗតែងតែសហការជាមួយអង្គភាពប្រឆាំងអំពើពុករលួយដើម្បីលុបបំបាត់ការស៊ីសំណូកសូកប៉ាន់ ដូចជា ការប្រឡងសិក្សាបាក់ឌុបជាដើម។ ងាកមកការប្រឡងប្រជែងជ្រើសរើសសិស្សចៅក្រមជំនាន់ទី៧នៃរាជបណ្ឌិតសភាវិជ្ជាជីវៈតុលារវិញ បែរជាគ្មានការសហការល្អទៅវិញជាមួយអង្គភាពប្រឆាំងអំពើពុករលួយ។
រហូតមកដល់ពេលនេះ គេនៅមិនទាន់មានការអត្ថាធិប្បាយយ៉ាងណានោះទេ ពីសំណាក់ រាជបណ្ឌិតសភាវិជ្ជាជីវៈតុលារ៕
© រក្សាសិទ្ធិដោយ thmeythmey.com