ជាតិ
រូបថតហ្វេសប៊ុុក Watanak Bee
×![]()
ដោយ: ថ្មីៗ
រថភ្លើងដឹកអ្នកដំណើរពីទីក្រុងភ្នំពេញទៅខេត្តព្រះសីហនុ បានចាប់ផ្តើមធ្វើចរាចរណ៍ឡើងវិញនៅខែមករា ឆ្នាំ២០១៦នេះហើយ ក្រោយពីបានផ្អាកដំណើរការអស់រយៈពេលជាច្រើនឆ្នាំកន្លងមក។ ការបើកឲ្យដំណើរការឡើងវិញនេះ ផ្តោតសំខាន់លើភ្ញៀវទេសចរ និងកាត់បន្ថយការកកស្ទះចរាចរតាមផ្លូវជាតិទៀតផង។
មន្ត្រីផ្នែកសេវាកម្មអតិថិជនរបស់ក្រុមហ៊ុនរ៉ូយ៉ាល់រេលវេលោក RUSSEL TIZON បានបញ្ជាក់ កាលពីព្រឹកថ្ងៃទី០៨ ខែមករាម្សិលមិញ ពីរាជាយស្ម័យយានភ្នំពេញទៅដល់ស្ថានីយរថភ្លើងអូដឹមចម្ងាយ ១២គីឡូម៉ែត្រ ថា ក្រុមហ៊ុនរ៉ូយ៉ាល់រេលវេបានធ្វើការសាកល្បងដឹកភ្ញៀវទេសចរតាមរថភ្លើងចំនួន៣ទូ អាចផ្ទុកមនុស្សចំនួន ១៥០នាក់។ នេះបើតាមការផ្សាយរបស់ AKP។
ការចេញដំណើរពីភ្នំពេញទៅកាន់ក្រុងព្រះសីហនុ និងពីខេត្តព្រះសីហនុមកកាន់ភ្នំពេញប្រើរយៈពេល៨ម៉ោង លើផ្លូវដែកមានចម្ងាយ២៦០គីឡូម៉ែត្រ ដែលបើកក្នុងល្បឿន ៣៥គីឡូម៉ែត្រក្នុង១ម៉ោង។ លោកបានបញ្ជាក់ទៀតថា ពេលដំណើរការបានល្អហើយក្រុមហ៊ុនគ្រោងបើកការដឹកជញ្ជូនប្រជាពលរដ្ឋធ្វើដំណើរតាមផ្លូវរថភ្លើងពីភ្នំពេញទៅកាន់ខេត្តព្រះសីហនុ ដោយកាត់តាមខេត្តតាកែវ និងខេត្តកំពត៕
© រក្សាសិទ្ធិដោយ thmeythmey.com
