កីឡាជាតិ
ជាតិ
×![]()
ក្លិបកីឡាបាល់ទាត់ក្រសួងការពារជាតិ កំពុងបង្ហាញថា ពួកគេគឺជាក្រុមខ្លាំងមួយនៅក្នុងក្របខណ្ឌកំពួលរបស់កម្ពុជា។ នៅមុនការបើករដូវកាលថ្មី ក្លិបដែលគេនិយមហៅថា «ទ័ព» បង្ហាញចំណូលថ្មីចំនួន៥នាក់ ដែលក្នុងនោះមានកីឡាករកូរ៉េខាងជើងពីរនាក់ ជប៉ុន១នាក់ និងអតីតកីឡាករបៀលប្រាយយូណាយធីត ២នាក់។
ក្នុងចំណោមកីឡាករថ្មី៥រូបរបស់ក្រសួងការពារជាតិ វត្តមានរបស់ខ្សែបម្រើកូរ៉េខាងជើង Choe Myong-ho គឺជារឿងដ៏គួរឲ្យភ្ញាក់ផ្អើល។ Choe គឺជាអតីតកីឡាករឆ្នើមរបស់ឈុត U-17 កូរ៉េខាងជើង ដោយបានស៊ុតបាល់បញ្ចូលទី៣គ្រាប់នាការបង្ហាញខ្លួន៤លើកក្នុងព្រឹត្តិការណ៍ FIFA U-17 World Championship ឆ្នាំ២០០៥ និងនាំក្រុមឈ្នះជើងឯករងក្នុងព្រឹត្តិការណ៍ AFC U-17 Championship ឆ្នាំ២០០៦។ នៅឆ្នាំ២០០៥ គេបានជាប់ជាកីឡាករវ័យក្មេងឆ្នើមប្រចាំឆ្នាំរបស់សហព័ន្ធកីឡាបាល់ទាត់ទ្វីបអាស៊ី (AFC Youth Player of the Year)។
Choe ដែលធ្លាប់មានរហស្សនាមថា «Ronaldo កូរ៉េខាងជើង» ធ្លាប់ស៊ុតបាល់បញ្ចូលទីផងដែរសម្រាប់ក្រុមជម្រើសជាតិ នាការបង្ហាញខ្លួន១២លើក ពីឆ្នាំ២០០៨ ដល់ឆ្នាំ២០១២។ Choe ចាប់ផ្តើមអាជីពជាមួយក្លិប Kyonggongop នៅប្រទេសរបស់ខ្លួន ហើយបើតាមកាសែត Daily NK គេក្លាយជាកីឡាករកូរ៉េខាងជើងទីមួយដែលលេងនៅក្របខណ្ឌរុស្ស៊ី Russian Premier League ជាមួយក្លិប Krylia Sovetoy Samara ប៉ុន្តែបង្ហាញខ្លួនតែមួយលើកប៉ុណ្ណោះចន្លោះពីឆ្នាំ២០០៦ ដល់ឆ្នាំ២០០៨។
នៅមុនមកកាន់ក្លិបក្រសួងការពារជាតិ Choe បានលេងឲ្យក្លិប Pyongyang ពីឆ្នាំ២០០៩ ដល់ឆ្នាំ២០១៦ នៃក្របខណ្ឌ Highest Class Football League របស់កូរ៉េខាងជើង។
ដោយឡែកកីឡាករ៤រូបទៀតដែលជាចំណូលថ្មីរបស់ក្រសួងការពារជាតិ រួមមានមិត្តរួមជាតិកូរ៉េខាងជើងរបស់ Choe Myong-ho គឺ Kim Kyong-hun កីឡាករជប៉ុន Yanagidate Kazu រួមទាំងអតីតកីឡាករបៀលប្រាយ រ៉ឹង ប៊ុនហៀង និង ស ពិសិដ្ឋ។
លោក ខូវ ឆាយ អ្នកចាត់ការទូទៅក្លិបក្រសួងការពារជាតិ បានអះអាងប្រាប់សារព័ត៌មានថ្មីៗ តាមទូរសព្ទថា វត្តមានរបស់កីឡាករកូរ៉េខាងជើងមកកាន់ក្លិបរបស់លោក គឺដោយសារតែការមានទំនាក់ទំនងល្អរវាងលោក និងអនុប្រធានសហព័ន្ធកីឡាបាល់ទាត់កូរ៉េខាងជើង។
«ភាគីកូរ៉េខាងជើង បានណែនាំកីឡាករ Choe Myong-ho និង Kim Kyong-hun ដល់យើង។ យើងពេញចិត្តសមត្ថភាពពួកគាត់ ហើយសង្ឃឹមថាពួកគាត់នឹងក្លាយជាចំណែកដ៏ធំសម្រាប់ក្លិបក្រសួងការពារជាតិក្នុងព្រឹត្តិការណ៍ដណ្តើមជើងឯកនាពេលខាងមុខ»។ នេះជាការបញ្ជាក់របស់លោក ខូវ ឆាយ ដោយមិនបង្ហើបឲ្យដឹងពីតម្លៃខ្លួននោះឡើយ។
អ្នកចាត់ការទូទៅក្លិបក្រសួងការពារជាតិ ដែលមានកីឡាករក្នុងស្រុកឆ្នើមៗមួយចំនួនដូចជា អ្នកចាំទីបងប្អូនត្រកូល អ៊ុំ គឺ វិចិត្រ និង សេរីរ័ត្ន ខ្សែបម្រើ ឈិន ឈឿន ជាដើមនោះ រំពឹងថាក្រុមរបស់ខ្លួនអាចនឹងមានសមត្ថភាពប្រជែងជាមួយក្លិបខ្លាំងផ្សេងៗទៀត។ ក្រៅពីកីឡាករចំណូលថ្មីដែលមានកូរ៉េខាងជើង២រូប និងជប៉ុន១រូប ក្លិប១នេះ មានខ្សែការពារជប៉ុនម្នាក់ទៀត គឺ Taku Yanagidate។
កាលពីពេលថ្មីៗនេះ ក្លិបក្រសួងការពារជាតិដែលមានកីឡដ្ឋានកងយោធពលខេមរភូមិន្ទ (ស្តាតចាស់) ទើបបង្ហាញឯកសណ្ឋានរបស់ខ្លួនសម្រាប់រដូវកាលថ្មី ដោយមានការចូលរួមឧបត្ថម្ភពីក្រុមហ៊ុនមួយ។ លោក ខូវ ឆាយ ទទួលស្គាល់ថា ការរៀបចំឲ្យមានការប្រកួតក្នុង និងក្រៅទឹកដី នាំឲ្យក្លិបរបស់លោកទទួលបានចំណូលខ្លះពីការលក់សំបុត្រ និងផ្ទាំងផ្សព្វផ្សាយពាណិជ្ជកម្ម ប៉ុន្តែមិនទាន់អាចប្រៀបធៀបជាមួយនឹងការចំណាយបាននោះឡើយ។
លោក ខូវ ឆាយ បានបញ្ជាក់ថា៖ «ពិតណាស់ ការឧបត្ថម្ភ និងចំណូលមួយចំនួន អាចជួយយើងបានប្រមាណ៥០ភាគរយ ប៉ុន្តែក្លិបក្រសួងការពារជាតិត្រូវការដៃគូឧបត្ថម្ភផ្សេងទៀតដើម្បីកសាងខ្លួនឲ្យរឹងមាំក្នុងក្របខណ្ឌបាល់ទាត់កម្ពុជា»។
គួរកត់សម្គាល់ផងដែរថា វត្តមានកីឡាករកូរ៉េខាងជើង មិនមែនជារឿងថ្មីនោះឡើយនៅកម្ពុជា។ កាលពីរដូវកាល២០០៦-២០០៧ កីឡាករកូរ៉េខាងជើងពីររូបទៀត គឺ Choe Ung-Chon និង Kim Song-U ក៏ធ្លាប់លេងឲ្យក្លិបខេមរាកីឡា និងដណ្តើមជោគជ័យដ៏ធំធេងផងដែរ។ Choe Ung-Chon ធ្លាប់បានបង្ហាញខ្លួន៤លើកឲ្យក្រុមជម្រើសជាតិកូរ៉េខាងជើងនាឆ្នាំ២០០៥-២០០៦ មុននឹងចូលរួមជាមួយក្លិបខេមរាកីឡា៕
ក្នុងចំណោមកីឡាករថ្មី៥រូបរបស់ក្រសួងការពារជាតិ វត្តមានរបស់ខ្សែបម្រើកូរ៉េខាងជើង Choe Myong-ho គឺជារឿងដ៏គួរឲ្យភ្ញាក់ផ្អើល។ Choe គឺជាអតីតកីឡាករឆ្នើមរបស់ឈុត U-17 កូរ៉េខាងជើង ដោយបានស៊ុតបាល់បញ្ចូលទី៣គ្រាប់នាការបង្ហាញខ្លួន៤លើកក្នុងព្រឹត្តិការណ៍ FIFA U-17 World Championship ឆ្នាំ២០០៥ និងនាំក្រុមឈ្នះជើងឯករងក្នុងព្រឹត្តិការណ៍ AFC U-17 Championship ឆ្នាំ២០០៦។ នៅឆ្នាំ២០០៥ គេបានជាប់ជាកីឡាករវ័យក្មេងឆ្នើមប្រចាំឆ្នាំរបស់សហព័ន្ធកីឡាបាល់ទាត់ទ្វីបអាស៊ី (AFC Youth Player of the Year)។
Choe ដែលធ្លាប់មានរហស្សនាមថា «Ronaldo កូរ៉េខាងជើង» ធ្លាប់ស៊ុតបាល់បញ្ចូលទីផងដែរសម្រាប់ក្រុមជម្រើសជាតិ នាការបង្ហាញខ្លួន១២លើក ពីឆ្នាំ២០០៨ ដល់ឆ្នាំ២០១២។ Choe ចាប់ផ្តើមអាជីពជាមួយក្លិប Kyonggongop នៅប្រទេសរបស់ខ្លួន ហើយបើតាមកាសែត Daily NK គេក្លាយជាកីឡាករកូរ៉េខាងជើងទីមួយដែលលេងនៅក្របខណ្ឌរុស្ស៊ី Russian Premier League ជាមួយក្លិប Krylia Sovetoy Samara ប៉ុន្តែបង្ហាញខ្លួនតែមួយលើកប៉ុណ្ណោះចន្លោះពីឆ្នាំ២០០៦ ដល់ឆ្នាំ២០០៨។
នៅមុនមកកាន់ក្លិបក្រសួងការពារជាតិ Choe បានលេងឲ្យក្លិប Pyongyang ពីឆ្នាំ២០០៩ ដល់ឆ្នាំ២០១៦ នៃក្របខណ្ឌ Highest Class Football League របស់កូរ៉េខាងជើង។
ដោយឡែកកីឡាករ៤រូបទៀតដែលជាចំណូលថ្មីរបស់ក្រសួងការពារជាតិ រួមមានមិត្តរួមជាតិកូរ៉េខាងជើងរបស់ Choe Myong-ho គឺ Kim Kyong-hun កីឡាករជប៉ុន Yanagidate Kazu រួមទាំងអតីតកីឡាករបៀលប្រាយ រ៉ឹង ប៊ុនហៀង និង ស ពិសិដ្ឋ។
លោក ខូវ ឆាយ អ្នកចាត់ការទូទៅក្លិបក្រសួងការពារជាតិ បានអះអាងប្រាប់សារព័ត៌មានថ្មីៗ តាមទូរសព្ទថា វត្តមានរបស់កីឡាករកូរ៉េខាងជើងមកកាន់ក្លិបរបស់លោក គឺដោយសារតែការមានទំនាក់ទំនងល្អរវាងលោក និងអនុប្រធានសហព័ន្ធកីឡាបាល់ទាត់កូរ៉េខាងជើង។
«ភាគីកូរ៉េខាងជើង បានណែនាំកីឡាករ Choe Myong-ho និង Kim Kyong-hun ដល់យើង។ យើងពេញចិត្តសមត្ថភាពពួកគាត់ ហើយសង្ឃឹមថាពួកគាត់នឹងក្លាយជាចំណែកដ៏ធំសម្រាប់ក្លិបក្រសួងការពារជាតិក្នុងព្រឹត្តិការណ៍ដណ្តើមជើងឯកនាពេលខាងមុខ»។ នេះជាការបញ្ជាក់របស់លោក ខូវ ឆាយ ដោយមិនបង្ហើបឲ្យដឹងពីតម្លៃខ្លួននោះឡើយ។
អ្នកចាត់ការទូទៅក្លិបក្រសួងការពារជាតិ ដែលមានកីឡាករក្នុងស្រុកឆ្នើមៗមួយចំនួនដូចជា អ្នកចាំទីបងប្អូនត្រកូល អ៊ុំ គឺ វិចិត្រ និង សេរីរ័ត្ន ខ្សែបម្រើ ឈិន ឈឿន ជាដើមនោះ រំពឹងថាក្រុមរបស់ខ្លួនអាចនឹងមានសមត្ថភាពប្រជែងជាមួយក្លិបខ្លាំងផ្សេងៗទៀត។ ក្រៅពីកីឡាករចំណូលថ្មីដែលមានកូរ៉េខាងជើង២រូប និងជប៉ុន១រូប ក្លិប១នេះ មានខ្សែការពារជប៉ុនម្នាក់ទៀត គឺ Taku Yanagidate។
កាលពីពេលថ្មីៗនេះ ក្លិបក្រសួងការពារជាតិដែលមានកីឡដ្ឋានកងយោធពលខេមរភូមិន្ទ (ស្តាតចាស់) ទើបបង្ហាញឯកសណ្ឋានរបស់ខ្លួនសម្រាប់រដូវកាលថ្មី ដោយមានការចូលរួមឧបត្ថម្ភពីក្រុមហ៊ុនមួយ។ លោក ខូវ ឆាយ ទទួលស្គាល់ថា ការរៀបចំឲ្យមានការប្រកួតក្នុង និងក្រៅទឹកដី នាំឲ្យក្លិបរបស់លោកទទួលបានចំណូលខ្លះពីការលក់សំបុត្រ និងផ្ទាំងផ្សព្វផ្សាយពាណិជ្ជកម្ម ប៉ុន្តែមិនទាន់អាចប្រៀបធៀបជាមួយនឹងការចំណាយបាននោះឡើយ។
លោក ខូវ ឆាយ បានបញ្ជាក់ថា៖ «ពិតណាស់ ការឧបត្ថម្ភ និងចំណូលមួយចំនួន អាចជួយយើងបានប្រមាណ៥០ភាគរយ ប៉ុន្តែក្លិបក្រសួងការពារជាតិត្រូវការដៃគូឧបត្ថម្ភផ្សេងទៀតដើម្បីកសាងខ្លួនឲ្យរឹងមាំក្នុងក្របខណ្ឌបាល់ទាត់កម្ពុជា»។
គួរកត់សម្គាល់ផងដែរថា វត្តមានកីឡាករកូរ៉េខាងជើង មិនមែនជារឿងថ្មីនោះឡើយនៅកម្ពុជា។ កាលពីរដូវកាល២០០៦-២០០៧ កីឡាករកូរ៉េខាងជើងពីររូបទៀត គឺ Choe Ung-Chon និង Kim Song-U ក៏ធ្លាប់លេងឲ្យក្លិបខេមរាកីឡា និងដណ្តើមជោគជ័យដ៏ធំធេងផងដែរ។ Choe Ung-Chon ធ្លាប់បានបង្ហាញខ្លួន៤លើកឲ្យក្រុមជម្រើសជាតិកូរ៉េខាងជើងនាឆ្នាំ២០០៥-២០០៦ មុននឹងចូលរួមជាមួយក្លិបខេមរាកីឡា៕
Tag:
MCL2016
បាល់ទាត់
ក្លិបក្រសួងការពារជាតិ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
