លោក កែ គឹមយ៉ាន៖ ឈើធំៗចាប់មិនអស់ផង គ្រឿងញៀនកញ្ចប់តូចៗកាន់តែពិបាក

ជាតិ

លោក កែ គឹមយ៉ាន៖ ឈើធំៗចាប់មិនអស់ផង គ្រឿងញៀនកញ្ចប់តូចៗកាន់តែពិបាក

01, Feb 2016 , 9:59 pm

រូបភាព

ដោយ: ថ្មីៗ

ភ្នំពេញ៖ លោក កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានថ្លែងប្រាប់អ្នកសារព័ត៌មាន ក្រោយពីសន្និបាតបូកសរុបលទ្ធផលត្រួតពិនិត្យការងារប្រយុទ្ធប្រឆាំងគ្រឿងញៀនឆ្នាំ ២០១៥ និងទិសដៅឆ្នាំ២០១៦ នៅថ្ងៃទី១ ខែកុម្ភៈថា សមត្ថកិច្ចពិបាកបង្ក្រាបមេខ្លោងជួញដួរគ្រឿងញៀន ជាងការបង្ក្រាបបទល្មើសព្រៃឈើទៀត ព្រោះថាគ្រឿងញៀន ត្រួវបានគេដាក់កញ្ចប់តូចៗ ដែលអាចលាក់បាំងភ្នែកសមត្ថកិច្ចបានគ្រប់ទីកន្លែង។ ហើយថាមេខ្លោងជួញដូរគ្រឿងញៀនម្នាក់ អាចមានកូនចៅរាប់រយ រាប់ពាន់នាក់ឯណោះ។ លោកប្រៀបធៀបបែបនេះ ស្របពេលមតិសាធារណជនមួយចំនួន រិះគន់សមត្ថកិច្ចមិនអាចបង្ក្រាបមេខ្លោងជួញដូរគ្រឿងញៀន ប៉ុន្តែសមត្ថកិច្ចបង្ក្រាបបានតែអ្នកចែកចាយតូចតាច។

សូមស្តាប់សំឡេងលោក កែ គឹមយ៉ាន៖

បើតាមរបាយការណ៍បូកសរុបការងារបង្ក្រាបការជួញដូរគ្រឿងញៀន ក្នុងឆ្នាំ២០១៥សមត្ថកិច្ចពាក់ព័ន្ធ រួមមាន ប៉ូលីស កងរាជអាវុធហត្ថ និងអាជ្ញាធរជាតិគ្រឿងញៀន បានឃាត់ខ្លួនអ្នកជួញគ្រឿងញៀនជាង៧ពាន់នាក់។ ដោយឡែក អ្នកប្រើប្រាស់ គ្រឿងញៀនបានកើនពីជាង ១ម៉ឺន១ពាន់នាក់ ក្នុងឆ្នាំ២០១៤ ដល់ជាង ១ម៉ឺន៦ពាន់នាក់ ក្នុងឆ្នាំ ២០១៥៕