ជាតិ
១៤ កុម្ភៈ៖ មនុស្សរាប់ពាន់នាក់ចូលរួមកម្មវិធីសប្បុរសធម៌នៅសាកលវិទ្យាល័យភូមិន្ទភ្នំពេញ
×![]()
ភ្នំពេញ៖ នៅព្រឹកថ្ងៃទី១៤ កុម្ភៈ នេះ សាកលវិទ្យាល័យភូមិន្ទភ្នំពេញបានរៀបចំកម្មវិធីសប្បុរសធម៌លើកទី៧ ដើម្បីយកថវិកាទៅជួយកុមារកំព្រា ជនពិការ សមាគមចាស់ជរា សិស្សនិស្សិតដែលមានជីវភាពទីទ័លក្រ និងជួយដល់មន្ទីរពេទ្យគន្ធបុប្ផា។
មនុស្សរាប់ពាន់នាក់ មកពីគ្រប់មជ្ឈដ្ឋាន ទាំងយុវជន សិស្ស និស្សិត សាស្ត្រាចារ្យ និងសាធារណជនមួយចំនួនផងនោះ បានមកចូលរួមយ៉ាងកកកុញនៅសាកលវិទ្យាល័យភូមិន្ទភ្នំពេញ ក្នុងកម្មវិធីសប្បុរសធម៌លើទី៧ នៅព្រឹកនេះក្នុងទិវានៃក្តីស្រឡាញ់ ១៤ កុម្ភៈ។ កម្មវិធីដែលរៀបឡើង និងមានការចូលរួមដោយសេរីនេះ មានការដាក់លក់ផលិតផលគ្រប់ប្រភេទ ម្ហូបអាហារបែបខ្មែរ និងប្ហូមអាហារផ្សេងៗជាច្រើនប្រភេទ ដែលជាស្នាដៃរបស់កូនខ្មែរ និងកើតចេញពីទឹកចិត្តរបស់និស្សិតដោយផ្ទាល់។ ការដាក់លក់នេះគឺធ្វើឡើងជាស្ដង់ ទៅតាមដេប៉ាតឺម៉ង់ផ្សេងៗ នៅក្នុងទីធ្លាសាកលវិទ្យាល័យនេះ។
គួរបញ្ជាក់ថា កម្មវិធីសប្បុរសធម៌លើកទី៧ ដែលសាកលវិទ្យាល័យភូមិន្ទភ្នំពេញបានរៀបចំនេះ គឺរៀបចំឡើងក្នុងគោលបំណងប្រមូលថវិកាសប្បុរសធម៌ដើម្បីជួយដល់កុមារកំព្រា ជនពិការ ចាស់ជរា សិស្សនិស្សិតដែលមានជីវភាពក្រីក្រ និងមន្ទីរពេទ្យគន្ធបុប្ផាជាដើម។ មិនតែប៉ុណ្ណោះ សាកលវិទ្យាល័យនេះ មានគោលបំណងចង់ឃើញយុវជនខ្មែរចេះសាមគ្គីគ្នា ចេះសហការគ្នា និងបណ្ដុះស្មារតីយុវជនខ្មែរ ឲ្យមានចិត្តសប្បុរសធម៌ចូលរួមជួយជាតិ។ អ្វីដែលរឹតតែសំខាន់គឺកម្មវិធីសប្បុរសធម៌នេះ អាចទាញស្មារតីយុវជន យុវនារីដែលជាសិស្ស និស្សិតទាំងនៅក្នុងសាកលវិទ្យាល័យភូមិន្ទភ្នំពេញ ក៏ដូចជានៅតាមបណ្ដាសាកលវិទ្យាល័យផ្សេងៗឲ្យមកចាប់អារម្មណ៍ជាមួយទង្វើសប្បុរសធម៌ ជាងភ្លើតភ្លើនជាមួយនឹង«ទិវានៃសេចក្ដីស្រឡាញ់» ដែលយុវជនតែងតែនាំគ្នាហៅថា «ថ្ងៃបុណ្យសង្សា»នេះផងដែរ៕
មនុស្សរាប់ពាន់នាក់ មកពីគ្រប់មជ្ឈដ្ឋាន ទាំងយុវជន សិស្ស និស្សិត សាស្ត្រាចារ្យ និងសាធារណជនមួយចំនួនផងនោះ បានមកចូលរួមយ៉ាងកកកុញនៅសាកលវិទ្យាល័យភូមិន្ទភ្នំពេញ ក្នុងកម្មវិធីសប្បុរសធម៌លើទី៧ នៅព្រឹកនេះក្នុងទិវានៃក្តីស្រឡាញ់ ១៤ កុម្ភៈ។ កម្មវិធីដែលរៀបឡើង និងមានការចូលរួមដោយសេរីនេះ មានការដាក់លក់ផលិតផលគ្រប់ប្រភេទ ម្ហូបអាហារបែបខ្មែរ និងប្ហូមអាហារផ្សេងៗជាច្រើនប្រភេទ ដែលជាស្នាដៃរបស់កូនខ្មែរ និងកើតចេញពីទឹកចិត្តរបស់និស្សិតដោយផ្ទាល់។ ការដាក់លក់នេះគឺធ្វើឡើងជាស្ដង់ ទៅតាមដេប៉ាតឺម៉ង់ផ្សេងៗ នៅក្នុងទីធ្លាសាកលវិទ្យាល័យនេះ។
គួរបញ្ជាក់ថា កម្មវិធីសប្បុរសធម៌លើកទី៧ ដែលសាកលវិទ្យាល័យភូមិន្ទភ្នំពេញបានរៀបចំនេះ គឺរៀបចំឡើងក្នុងគោលបំណងប្រមូលថវិកាសប្បុរសធម៌ដើម្បីជួយដល់កុមារកំព្រា ជនពិការ ចាស់ជរា សិស្សនិស្សិតដែលមានជីវភាពក្រីក្រ និងមន្ទីរពេទ្យគន្ធបុប្ផាជាដើម។ មិនតែប៉ុណ្ណោះ សាកលវិទ្យាល័យនេះ មានគោលបំណងចង់ឃើញយុវជនខ្មែរចេះសាមគ្គីគ្នា ចេះសហការគ្នា និងបណ្ដុះស្មារតីយុវជនខ្មែរ ឲ្យមានចិត្តសប្បុរសធម៌ចូលរួមជួយជាតិ។ អ្វីដែលរឹតតែសំខាន់គឺកម្មវិធីសប្បុរសធម៌នេះ អាចទាញស្មារតីយុវជន យុវនារីដែលជាសិស្ស និស្សិតទាំងនៅក្នុងសាកលវិទ្យាល័យភូមិន្ទភ្នំពេញ ក៏ដូចជានៅតាមបណ្ដាសាកលវិទ្យាល័យផ្សេងៗឲ្យមកចាប់អារម្មណ៍ជាមួយទង្វើសប្បុរសធម៌ ជាងភ្លើតភ្លើនជាមួយនឹង«ទិវានៃសេចក្ដីស្រឡាញ់» ដែលយុវជនតែងតែនាំគ្នាហៅថា «ថ្ងៃបុណ្យសង្សា»នេះផងដែរ៕
Tag:
ទិវានៃក្តីស្រលាញ់
© រក្សាសិទ្ធិដោយ thmeythmey.com
