អត្ថបទពាណិជ្ជកម្ម
×![]()
ដោយ: ថ្មីៗ
ក្រោយពីបាត់មុខពីពិភពសិល្បៈជាង២ឆ្នាំ តារាសម្ដែងដ៏មានទេពកោសល្យ អ្នកនាង ស្វែង សុជាតា បានវិលត្រលប់ជាថ្មី ស្របពេលដែលនាងកំពុងកសាងជីវិតជាថ្មីឡើងវិញបន្ទាប់ពីឆ្លងកាត់ព្យុះភ្លៀងក្នុងជីវិតយ៉ាងជូរចត់។
តារាជំនាញសម្ដែងតួឆ្នាសឆ្នើមរូបនេះ បានរៀបរាប់ពីជីវិតដ៏លំបាក វេទនារបស់នាងក្នុងកម្មវិធី “ការណាត់ជួបដ៏អស្ចារ្យ - THE DATE” របស់ស្ថានីយទូរទស្សន៍ PNN។ អ្នកនាងបានថ្លែងថា បន្ទាប់ពីបែកបាក់ពីអតីតស្វាមី (លោក អេង ប៊ូឡុងដេត) និងកូនៗជាទីស្រឡាញ់ក្នុងឆ្នាំ២០១០ ជីវិតអ្នកនាងធ្លាក់ចុះយ៉ាងគំហុក។
“ពេលដែលបែកបាក់ពីស្វាមីរបស់ខ្ញុំ ខ្ញុំហាក់បីដូចជាបាត់បង់ដៃម្ខាងអ៊ីចឹង ហើយអ្វីដែលបាត់បង់ធំបំផុតគឺកូនៗដែលជាបេះដូងរបស់ខ្ញុំ! អារម្មណ៍ខ្ញុំលែងជាមនុស្សម្នាក់ប្រក្រតី ខុសពីមុនទាំងអស់!” អ្នកនាង បានរៀបរាប់យ៉ាងដូច្នេះក្នុងកម្មវិធី។
លើសពីនេះទៅទៀត អ្នកនាងបានធ្លាក់ខ្លួនឈឺជាទម្ងន់ (ដុះសាច់ក្នុងខួរក្បាល) ក្នុងឆ្នាំ២០១៣ ដែលធ្វើឲ្យជីវិតកាន់តែធ្លាក់ដុនដាប អស់ទ្រព្យសម្បត្តិ និងដាច់ទំនាក់ទំនងពីមិត្តភក្តិសិល្បៈទាំងឡាយ។
យ៉ាងណាក៏ដោយ ជីវិតអ្នកនាងបានចាប់ផ្ដើមមានពន្លឺសន្សឹមៗឡើងវិញ បន្ទាប់ពីអ្នកនាងបានជាសះស្បើយពីជម្ងឺ។ ជាភ័ព្វសំណាងនៅដើមឆ្នាំ២០១៦ អ្នកនាង ស្វែង សុជាតាត្រូវបានជ្រើសរើសឲ្យចូលរួមសម្ដែងក្នុងខ្សែភាពយន្តខ្នាតធំរបស់ហូលីវូដ ដែលដឹកនាំដោយលោកស្រី អេនជីលីណា ជូលី ដែលអាចជួយស្ដារកេរ្តិ៍ឈ្មោះរបស់នាងឡើងវិញ។
ក្រៅពីអ្នកនាង ស្វែង សុជាតា កម្មវិធី “ការណាត់ជួបដ៏អស្ចារ្យ” ក៏ធ្លាប់បានបង្ហាញនូវរឿងរ៉ាវជីវិតពិតរបស់សិល្បករជាច្រើនទៀតដែរ រួមមាន កញ្ញា ថន លក្ខិណា, អ្នកនាង ខាត់ សុឃីម និងលោក អេ ភូថង ជាដើម។
ក្រៅពី កម្មវិធី ការណាត់ជួបដ៏អស្ចារ្យ ឬ The Date PNN បានផលិត និងចាក់ផ្សាយកម្មវិធីថ្មីៗជាច្រើនផ្សេងទៀត នឹងកំពុងទទួលការគាំទ្រយ៉ាងខ្លាំង ជាពិសេស កម្មវិធី ស៊ីអារម្មណ៍ ឬ Chit Chat ដែលមានតារាដ៏ល្បី គឺលោក ប៉ែន ចំរុង ជាពិធីករ។
អាស្រ័យទៅលើការស្នើពីក្រសួងព័ត៌មាន PNN បានកែប្រែម៉ោងចាក់ផ្សាយភាពយន្តភាគថៃរបស់ខ្លួន ទៅម៉ោង ១៨ និងចាប់ពីម៉ោង ២១តទៅ។ រីឯម៉ោងមាសរបស់ PNN ចន្លោះពីម៉ោង ១៩ ដល់ ម៉ោង ២១ គឺចាក់ផ្សាយព័ត៌មាន និងកម្មវិធីផលិតក្នុងស្រុក។
កុំភ្លេចរង់ចាំទស្សនា កិច្ចសម្ភាសន៍នាង ស្វែង សុជាតា លើកញ្ចក់ទូរទស្សន៍ PNN ក្នុងកម្មវិធី ការណាត់ជួបដ៏អស្ចារ្យ ចាប់ពីម៉ោង ២០ និង ៣០នាទីតទៅ៕
ទស្សនាឈុតខ្លីៗរបស់អ្នកនាង ស្វែង សុជាតា ក្នុងកម្មវិធី ការណាត់ជួបដ៏អស្ចារ្យ សូមចុចត្រង់នេះ៖ https://www.facebook.com/PNNTVCambodia/videos/1030937040311351/
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
