ជាតិ
សុវត្តិភាព ចរាចរណ៍
រយៈពេល១៩ថ្ងៃក្នុងខែមេសា មនុស្ស១៣៣នាក់ស្លាប់ ដោយគ្រោះថ្នាក់ចរាចរណ៍
× គិតចាប់ពីថ្ងៃទី ០១ មេសា ដល់ថ្ងៃទី ១៩ មេសា នេះ មនុស្ស ១៣៣ នាក់បានស្លាប់ និងរបួសធ្ងន់ ស្រាល ជាង ៥០០នាក់ ដោយសារគ្រោះថ្នាក់ចរាចរណ៍ទូទាំងប្រទេសកម្ពុជា។ នេះបើតាមការចុះផ្សាយរបស់ស្នងការដ្ឋាននគរបាលជាតិ។
របាយការណ៍គ្រោះថ្នាក់ចរាចរណ៍ផ្លូវគោករយៈពេល១៩ថ្ងៃនេះ បានបង្ហាញថា គ្រោះថ្នាក់ចរាចរណ៍បានកើតឡើងចំនួន ២៧២ លើក ដែលបណ្ដាឲ្យមានអ្នកស្លាប់ចំនួន ១៣៣ នាក់ របួសធ្ងន់ ៣២៨ នាក់ និងរបួសស្រាល ២០៤ នាក់។ មូលហេតុដែលបង្កឲ្យមានគ្រោះថ្នាក់ ដោយសារការបើកបរលើសល្បឿនកំណត់ ១១៦ ករណី ស្រវឹង ២៤ ករណី ប្រជែងនិងមិនគោរពសិទ្ធិ ៦៣ ករណី មិនប្រកាន់ស្ដាំ បទគ្រោះថ្នាក់ និងបើកបរងងុយដេក ជាដើម។
បើតាមរបាយការណ៍ដដែល ចំនួនមនុស្សស្លាប់១៣៣នាក់ ដោយសារគ្រោះថ្នាក់ចរាចរណ៍ ក្នុងរយៈពេល ១៩ថ្ងៃ នៃខែមេសា ឆ្នាំ២០១៦ នេះ មានកើនឡើង បើធៀបនឹងរយៈពេល១៩ថ្ងៃដូចគ្នា នៃខែមីនា ដែលមានអ្នកស្លាប់៧២នាក់ ក្នុងគ្រោះថ្នាក់១៧៤ លើក៕
Tag:
គ្រោះថ្នាក់ចរាចរណ៍
© រក្សាសិទ្ធិដោយ thmeythmey.com