ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ប៉េតង់ត្រៀមប្រកួតអន្តរជាតិចំនួន៣ ខណៈធនធានអាជ្ញាកណ្តាល និងចៅក្រមជាក្តីកង្វល់ធំ
30, Apr 2016 ,
11:39 am
រូបភាព
×
ដោយ:
សហព័ន្ធកីឡាប៊ូល និងប៉េតង់កម្ពុជា បាននឹងកំពុងធ្វើការហ្វឹកហាត់យ៉ាងសកម្មក្នុងរដូវកាលនៃការប្រមូលផ្តុំនេះ ដើម្បីពង្រឹងសមត្ថភាព និងបច្ចេកទេសរបស់កីឡការកីឡាការិនី សម្រាប់ត្រៀមចូលរួមប្រកួតក្នុងព្រឹត្តិការណ៍អន្តរជាតិធំៗចំនួន៣នៅក្នុងឆ្នាំនេះ ខណៈធនធានអាជ្ញាកណ្តាល និងចៅក្រមអន្តរជាតិបានក្លាយជាក្តីកង្វល់ដ៏ធំសម្រាប់សហព័ន្ធមួយនេះ។
កីឡាករកីឡាការិនីប៉េតង់កម្ពុជា បាននិងកំពុងធ្វើការហ្វឹកហាត់យ៉ាងសកម្មដើម្បីពង្រឹងសមត្ថភាព និងបច្ចេកទេសរបស់ខ្លួន សម្រាប់ត្រៀមចូលរួមប្រកួតក្នុងព្រឹត្តិការណ៍អន្តរជាតិធំៗចំនួន៣ដូចជា ការប្រកួតកីឡាឆ្នេរខ្សាច់នៅទីក្រុងដាណាងប្រទេសវៀតណាម និងការប្រកួតប៉េតង់ជើងឯកក្របខណ្ឌនិស្សិតអាស៊ាន នៅប្រទេសសិង្ហបុរី ព្រមទាំងការប្រកួតជើងឯកអាស៊ីផងដែរ។
ក្នុងបទសម្ភាសន៍ជាមួយសារព័ត៌មានអេឡិចត្រូនិកថ្មីៗ កាលពីពេលកន្លងទៅថ្មីៗ លោក អ៊ិន គឹមស្រ៊ុន អគ្គលេខាធិការសហព័ន្ធកីឡាប៊ូល និងប៉េតង់កម្ពុជាបានបញ្ជាក់ថា សហព័ន្ធនឹងបញ្ជូនកីឡាករកីឡាការិនីចំនួន៨នាក់ ដើម្បីចូលរួមប្រកួតក្នុងព្រឹត្តិការណ៍ការប្រកួតកីឡាប៉េតង់ជើងឯកអាស៊ានក្របខណ្ឌនិស្សិត នៅក្នុងខែកក្កដា ឆ្នាំ២០១៦ នៅប្រទេសសិង្ហបុរី។
លោកបានបន្ថែមថា កម្ពុជាធ្លាប់បានចូលរួមក្នុងកម្មវិធីនេះជាច្រើនលើករួចមកហើយ ព្រមទាំងបានឈ្នះមេដាយជាច្រើនជូនជាតិផងដែរ ដោយកាលពីឆ្នាំមុនកម្ពុជាដណ្តើមបានមេដាយប្រាក់ចំនួន៣។ លោកអគ្គលេខាធិការសហព័ន្ធបានរំពឹងយ៉ាងមុតថា កម្ពុជា នឹងដណ្តើមបានមេដាយមាសសម្រាប់ការចូលរួមលើកនេះ។
នាខែកញ្ញាខាងមុខ សហព័ន្ធនឹងបញ្ជូនកីឡាករកីឡាការិនីជម្រើសជាតិឆ្នើមចំនួន១០នាក់ ដើម្បីចូលរួមប្រកួតក្នុងព្រឹត្តិការណ៍កីឡាឆ្នេរខ្សាច់(Beach Games) នៅភូមិភាគកណ្តាលនៃទីក្រុងដាណាង ប្រទេសវៀតណាម និងការត្រៀមខ្លួនចូលរួមប្រកួតកីឡាប៉េតង់ជើងឯកអាស៊ី ក្នុងឆ្នូ ខាងមុខផងដែរ។
គួររំលឹកថា នេះជាលើកទី១ហើយសម្រាប់ សហព័ន្ធកីឡាប៊ូល និងប៉េតង់កម្ពុជា ក្នុងការចូលរួមកម្មវិធីកីឡាឆ្នេរខ្សាច់នេះ ប៉ុន្តែទោះជាយ៉ាងណាក៏ដោយសហព័ន្ធបានសង្ឃឹមយ៉ាងមុតមាំថា កម្ពុជានឹងដណ្តើមបានមេដាយមាសពីព្រឹតិ្តការណ៍នេះ ជាពិសេស សហព័ន្ធសង្ឃឹមយ៉ាងមុតមាំទៅលើវិរៈកីឡាការិនីម្ចាស់មេដាយមាសពិភពលោក កែ ឡេង តែម្តង។
នៅដើមខែឧសភា សហព័ន្ធនឹងបញ្ជូនកីឡាករកីឡាការិនីអាយុក្រោម១៧ឆ្នាំមួយក្រុមជាលើកទី១ ដើម្បីចូលរួមប្រកួតក្នុងព្រឹត្តិការណ៍នៅប្រទេសថៃ ដែលជាកម្មវិធីរៀបចំជារៀងរាល់ឆ្នាំដោយស្តេចថៃ ប៉ុន្តែសម្រាប់ការចូលរួមនេះ សហព័ន្ធ មិនបានបញ្ជូនកីឡាករកីឡាការិនីជើងខ្លាំងចូលរួមនោះទេ ទោះបីជាមានការប្រកួតយកចំណាត់ក៏ដោយ ព្រោះវាគ្រាន់តែជាការប្រកួត ដើម្បីអបអរខួបរបស់ស្តេចថៃ ប៉ុណ្ណោះ ម្យ៉ាងទៀតដោយសារសហព័ន្ធមិនមានថវិកាក្នុងការបញ្ជូនកីឡាករដើម្បីចូលរួម។
សហព័ន្ធកីឡាប៊ូល និងប៉េតង់កម្ពុជា ជាសហព័ន្ធសក្តានុពលមួយរបស់កម្ពុជា ដែលប្រមូលផ្តុំដោយកីឡាករកីឡាការិនីដែលមានសមត្ថភាព និងបច្ចេកទេសខ្ពស់ ជាក់ស្តែងបច្ចុប្បន្នសហព័ន្ធនេះ ទទួលបានការអនុញ្ញាតពីក្រសួងអប់រំ យុវជន និងកីឡាធ្វើការប្រមូលផ្តុំកីឡាករកីឡាការិនីជម្រើសជាតិចំនួន៤៤នាក់ ប៉ុន្តែចំនួននេះវាហាក់ដូចជាមិនបានឆើ្លយតបទៅនឹងតម្រូវការរបស់សហព័ន្ធមួយនេះឡើយ ទោះបីជាឆ្នាំនេះមានការបន្ថែម យុវជនថ្នាលអាយុក្រោម១៧ និងយុវជនអាយុ១៧ ដល់២៣ឆ្នាំក៏ដោយ។
ជាមួយគ្នានេះ លោក អ៊ិន គឹមស្រ៊ុន បានបញ្ជាក់ថា កីឡាករកីឡាការិនីទាំង៤៤នាក់ ដែលកំពុងធ្វើការប្រមូលផ្តុំនេះ លោក នឹងធ្វើការជម្រុះយ៉ាងហោចណាស់ពី៨នាក់ទៅ១០នាក់ចំពោះកីឡករណាដែលមានចំណាត់ថ្នាក់ទាបជាងគេ បន្ទាប់ពីជម្រុះរួចសហព័ន្ធនឹងជ្រើសរើសកីឡាករនៅតាមបណ្តាខេត្តដែលមានសមត្ថភាពជំនួសកីឡាករទាំងនេះ។ ហើយការជម្រុះនេះដែរ គឺសហព័ន្ធនឹងឲ្យកីឡាករដែលជ្រើសរើសមកពីបណ្តាខេត្ត ប្រកួតជាកីឡាករដែលសហព័ន្ធនឹងត្រូវជម្រុះនោះ បើអ្នកណាឈ្នះសហព័ន្ធនឹងយកអ្នកនោះ។
ការធ្វើតាមរូបមន្តនេះ លោក រំពឹងថាសហព័ន្ធនឹងអាចជ្រើសរើសបានកីឡាករដែលខ្លាំង និងពូកែសម្រាប់ត្រៀមប្រកួតស៊ីហ្គេមលើកទី៣២ ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ។ នៅឆ្នាំក្រោយសហព័ន្ធនឹងធ្វើយុទ្ធការជ្រើសរើសកីឡាករកីឡាការិនីនៅតាមបណ្តាខេត្តដែលមានសមត្ថភាពបន្ថែមទៀត ពោលគឺមុនថ្ងៃប្រកួតស៊ីហ្គេមមកដល់សហព័ន្ធចង់បានកីឡាករកីឡាការិនីយ៉ាងហោចណាស់ជាង១ពាន់ ដើម្បីងាយស្រួលក្នុងការជ្រើសរើសចូលរួមប្រកួតផ្សេងៗ ជាពិសេសការប្រកួតស៊ីហ្គេម។
លោកអគ្គលេខាធិការសហព័ន្ធកីឡាប៊ូល និងប៉េតង់កម្ពុជារូបនេះ កំពុងតែមានការព្រួយបារម្ភខ្លាំងចំពោះធនធានអាជ្ញាកណ្តាល និងចៅក្រមកម្រិតអន្តរជាតិ ព្រោះបច្ចុប្បន្នសហព័ន្ធមួយនេះមិនទាន់មាន អាជ្ញាកណ្តាល ឬចៅក្រមដែលមានកម្រិតអន្តរជាតិម្នាក់នោះទេ ព្រោះគ្រូបង្វឹកបច្ចុប្បន្នសុទ្ធតែជាកីឡាករ មិនធ្លាប់ឆ្លងកាត់សាលាបណ្តុះបណ្តាលឡើយ។ ពាក់ព័ន្ធទៅនឹងបញ្ហានេះ លោក អ៊ិន គឹមស្រ៊ុន នឹងបើកវគ្គបណ្តុះបណ្តាលអាជ្ញាកណ្តាល និងចៅក្រមអន្តរជាតិមួយ ដើម្បីបណ្តុះបណ្តាលអាជ្ញាកណ្តាលបច្ចុប្បន្ន មានកម្រិតអន្តរជាតិ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ប៉េតង់
អ៊ិន គឹមស្រ៊ុន
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
1 សប្តាហ៍
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម