អន្តរជាតិ
×![]()
ដោយ: តន ចាន់រិទ្ធារ៉ា
មួយរយៈពេលចុងក្រោយនេះ ប្រទេសសមាជិកភាគច្រើនបានដោះដូរតំណែងរដ្ឋមន្ត្រីការបរទេសរបស់ខ្លួន ដែលជាតំណែងសំខាន់ក្នុងទំនាក់ទំនងការទូត។ គេមើលថា ការផ្លាស់ប្ដូរទំនងជាប៉ះពាល់ដល់របៀបធ្វើការ ក៏ដូចជាស្មារតីរួមគ្នារបស់អាស៊ានលើបញ្ហាផ្សេងៗនៅក្នុងកិច្ចប្រជុំរដ្ឋមន្ត្រីការបរទេសអាស៊ាន (AMM) ក៏ដូចជាជម្លោះនៅសមុទ្រចិនខាងត្បូង។ នេះក៏ដោយសារតែ ការផ្លាស់ប្ដូរតំណែងគឺធ្វើឡើងព្រមគ្នាពេក។
កិច្ចប្រជុំរដ្ឋមន្ត្រីការបរទេសអាស៊ាន (AMM) ជួបប្រទះនឹងការផ្លាស់ប្ដូរមួយដែលមិនធ្លាប់ប្រទះ។ នោះគឺការផ្លាស់ប្ដូរព្រមៗគ្នានៃរដ្ឋមន្ត្រីការបរទេសថ្មីរបស់ប្រទេសជាសមាជិកអាស៊ាន។ វាជារឿងច្បាស់ណាស់ថា តិចឬច្រើន ការផ្លាស់ប្ដូរនេះនឹងប៉ះពាល់ដល់កិច្ចប្រជុំអាស៊ាន ដ្បិតរដ្ឋមន្ត្រីថ្មីអាចនឹងមិនទាន់យល់ពីគ្នាដូចអ្នកចាស់ឡើយ។
ក្នុងឆ្នាំ២០១៦នេះ កិច្ចប្រជុំ AMM ស្ថិតក្រោមការដឹកនាំរបស់ឡាវដែលជាប្រធានប្ដូរវេន ដោយរដ្ឋមន្ត្រីការបរទេសឡាវលោក Saleumxay Kommasith នឹងធ្វើការលើបញ្ហានេះ។ លោក Saleumxay ទើបតែត្រូវតែងតាំងជារដ្ឋមន្ត្រីការបរទេសជំនួសលោក ថងលួន ស៊ីសូលីត ដែលត្រូវឡើងធ្វើជានាយករដ្ឋមន្ត្រីថ្មីរបស់ឡាវ។ មុនកាន់តំណែងនេះ លោកក៏ធ្លាប់ធ្វើជាតំណាងអចិន្ត្រៃយ៍របស់ឡាវប្រចាំអង្គការសហប្រជាជាតិផងដែរ។
អ្នកជិតខាងឡាវ គឺមីយ៉ាន់ម៉ាក៏មានរដ្ឋមន្ត្រីការបរទេសថ្មីដូចគ្នាដែរ។ លោកស្រី អ៊ុងសាន ស៊ូជី ដែលមិនអាចធ្វើជាប្រធានាធិបតីបាននោះ ក្លាយជារដ្ឋមន្ត្រីការបរទេសថ្មីនៃមីយ៉ាន់ម៉ា។ ក្រៅពីនេះ លោកស្រីក៏ជាទីប្រឹក្សារដ្ឋ និងជារដ្ឋមន្ត្រីការិយាល័យប្រធានាធិបតីដែរ។ ចំណែកឯកម្ពុជាដែលជាសមាជិកកូនពៅរបស់អាស៊ាន ក៏មានប្រមុខការទូតថ្មីដែលទើបកាន់តំណែង។ លោក ប្រាក់ សុខុន ដែលពីមុនជារដ្ឋមន្ត្រីក្រសួងប្រៃសណីយ៍ ត្រូវបានតែងតាំងជារដ្ឋមន្ត្រីការបរទេសថ្មី ជំនួសលោក ហោ ណាំហុង ដែលកាន់តំណែងនេះអស់រយៈពេល១៨ឆ្នាំមកហើយ។
សមាជិកអាស៊ានមួយទៀត គឺហ្វីលីពីនក៏មានការផ្លាស់ប្ដូរតំណែងរដ្ឋមន្ត្រីការបរទេសដែរ។ លោក Albert del Rosario ជារដ្ឋមន្ត្រីការបរទេសប្រាំឆ្នាំមកហើយ បានលាលែងពីតំណែង ដោយត្រូវជំនួសដោយលោក Jose Almendras។ ទន្ទឹមនឹងនេះ លោក Vivian Balakhrishnan ក៏ត្រូវតែងតាំងជាប្រមុខការទូតថ្មីរបស់សារធាណរដ្ឋសិង្ហបុរី ដែលកាន់តំណែងនេះទើបបាន៧ខែប៉ុណ្ណោះ។
ជាមួយគ្នានេះ រដ្ឋាភិបាលយោធាថៃបានតែងតាំងលោក Don Pramudwinai ធ្វើជារដ្ឋមន្ត្រីការបរទេសនៅខែតុលា ឆ្នាំ២០១៥ ហើយលោកនឹងផុតអាណត្តិពេលរដ្ឋាភិបាលថ្មីចូលកាន់តំណែង។ ខណៈនេះដែរ លោកស្រី Retno Marsudi ត្រូវបានប្រធានាធិបតីឥណ្ឌូណេស៊ីលោក ចូកូ វីដូដូ តែងតាំងធ្វើជារដ្ឋមន្ត្រីការបរទេសតាំងពីខែតុលា ឆ្នាំ២០១៤ ប៉ុន្តែលោកស្រីមិនសូវចេញមុខលើសារព័ត៌មានទេ។
ងាកមកប្រទេសប្រ៊ុយណេវិញ ព្រះចៅស៊ុលតង់កាន់តំណែងជារដ្ឋមន្ត្រីការបរទេស ក្នុងការរុះរើគណៈរដ្ឋមន្ត្រីក្នុងឆ្នាំ២០១៥។ ប៉ុន្តែព្រះអង្គមិនចូលរួមប្រជុំ AMM ទេ ហើយអ្នកជំនួសព្រះអង្គគឺលោក Pehin Lin Jock Seng។ មកដល់ត្រឹមនេះ មានប្រទេសពីរប៉ុណ្ណោះដែលមានរដ្ឋមន្ត្រីការបរទេសកាន់តំណែងយូរជាងគេ។
លោក Dato Sri Anifah Aman គឺជារដ្ឋមន្ត្រីការបរទេសម៉ាឡេស៊ីកាន់តំណែងយូរជាងគេក្នុងចំណោមសមាជិក AMM បច្ចុប្បន្ននេះ ដោយលោកកាន់តំណែងនេះតាំងពីឆ្នាំ២០០៩មក។ ចំណែករដ្ឋមន្ត្រីការបរទេសវៀតណាម លោក Pham Binh Minh ក្លាយជាប្រមុខការទូតនៅឆ្នាំ២០១១។ គេត្រូវចាំមើលថា រដ្ឋមន្ត្រីចាស់វស្សាទាំងពីរនេះ នឹងសហការគ្នាល្អកម្រិតណាជាមួយនឹងវត្តមានសមភាគីថ្មី ដើម្បីរក្សាផលប្រយោជន៍របស់អាស៊ាន ជាពិសេសបញ្ហាសមុទ្រចិនខាងត្បូង ក៏ដូចជាបញ្ហាដទៃទៀត៕
កិច្ចប្រជុំរដ្ឋមន្ត្រីការបរទេសអាស៊ាន (AMM) ជួបប្រទះនឹងការផ្លាស់ប្ដូរមួយដែលមិនធ្លាប់ប្រទះ។ នោះគឺការផ្លាស់ប្ដូរព្រមៗគ្នានៃរដ្ឋមន្ត្រីការបរទេសថ្មីរបស់ប្រទេសជាសមាជិកអាស៊ាន។ វាជារឿងច្បាស់ណាស់ថា តិចឬច្រើន ការផ្លាស់ប្ដូរនេះនឹងប៉ះពាល់ដល់កិច្ចប្រជុំអាស៊ាន ដ្បិតរដ្ឋមន្ត្រីថ្មីអាចនឹងមិនទាន់យល់ពីគ្នាដូចអ្នកចាស់ឡើយ។
ក្នុងឆ្នាំ២០១៦នេះ កិច្ចប្រជុំ AMM ស្ថិតក្រោមការដឹកនាំរបស់ឡាវដែលជាប្រធានប្ដូរវេន ដោយរដ្ឋមន្ត្រីការបរទេសឡាវលោក Saleumxay Kommasith នឹងធ្វើការលើបញ្ហានេះ។ លោក Saleumxay ទើបតែត្រូវតែងតាំងជារដ្ឋមន្ត្រីការបរទេសជំនួសលោក ថងលួន ស៊ីសូលីត ដែលត្រូវឡើងធ្វើជានាយករដ្ឋមន្ត្រីថ្មីរបស់ឡាវ។ មុនកាន់តំណែងនេះ លោកក៏ធ្លាប់ធ្វើជាតំណាងអចិន្ត្រៃយ៍របស់ឡាវប្រចាំអង្គការសហប្រជាជាតិផងដែរ។
អ្នកជិតខាងឡាវ គឺមីយ៉ាន់ម៉ាក៏មានរដ្ឋមន្ត្រីការបរទេសថ្មីដូចគ្នាដែរ។ លោកស្រី អ៊ុងសាន ស៊ូជី ដែលមិនអាចធ្វើជាប្រធានាធិបតីបាននោះ ក្លាយជារដ្ឋមន្ត្រីការបរទេសថ្មីនៃមីយ៉ាន់ម៉ា។ ក្រៅពីនេះ លោកស្រីក៏ជាទីប្រឹក្សារដ្ឋ និងជារដ្ឋមន្ត្រីការិយាល័យប្រធានាធិបតីដែរ។ ចំណែកឯកម្ពុជាដែលជាសមាជិកកូនពៅរបស់អាស៊ាន ក៏មានប្រមុខការទូតថ្មីដែលទើបកាន់តំណែង។ លោក ប្រាក់ សុខុន ដែលពីមុនជារដ្ឋមន្ត្រីក្រសួងប្រៃសណីយ៍ ត្រូវបានតែងតាំងជារដ្ឋមន្ត្រីការបរទេសថ្មី ជំនួសលោក ហោ ណាំហុង ដែលកាន់តំណែងនេះអស់រយៈពេល១៨ឆ្នាំមកហើយ។
សមាជិកអាស៊ានមួយទៀត គឺហ្វីលីពីនក៏មានការផ្លាស់ប្ដូរតំណែងរដ្ឋមន្ត្រីការបរទេសដែរ។ លោក Albert del Rosario ជារដ្ឋមន្ត្រីការបរទេសប្រាំឆ្នាំមកហើយ បានលាលែងពីតំណែង ដោយត្រូវជំនួសដោយលោក Jose Almendras។ ទន្ទឹមនឹងនេះ លោក Vivian Balakhrishnan ក៏ត្រូវតែងតាំងជាប្រមុខការទូតថ្មីរបស់សារធាណរដ្ឋសិង្ហបុរី ដែលកាន់តំណែងនេះទើបបាន៧ខែប៉ុណ្ណោះ។
ជាមួយគ្នានេះ រដ្ឋាភិបាលយោធាថៃបានតែងតាំងលោក Don Pramudwinai ធ្វើជារដ្ឋមន្ត្រីការបរទេសនៅខែតុលា ឆ្នាំ២០១៥ ហើយលោកនឹងផុតអាណត្តិពេលរដ្ឋាភិបាលថ្មីចូលកាន់តំណែង។ ខណៈនេះដែរ លោកស្រី Retno Marsudi ត្រូវបានប្រធានាធិបតីឥណ្ឌូណេស៊ីលោក ចូកូ វីដូដូ តែងតាំងធ្វើជារដ្ឋមន្ត្រីការបរទេសតាំងពីខែតុលា ឆ្នាំ២០១៤ ប៉ុន្តែលោកស្រីមិនសូវចេញមុខលើសារព័ត៌មានទេ។
ងាកមកប្រទេសប្រ៊ុយណេវិញ ព្រះចៅស៊ុលតង់កាន់តំណែងជារដ្ឋមន្ត្រីការបរទេស ក្នុងការរុះរើគណៈរដ្ឋមន្ត្រីក្នុងឆ្នាំ២០១៥។ ប៉ុន្តែព្រះអង្គមិនចូលរួមប្រជុំ AMM ទេ ហើយអ្នកជំនួសព្រះអង្គគឺលោក Pehin Lin Jock Seng។ មកដល់ត្រឹមនេះ មានប្រទេសពីរប៉ុណ្ណោះដែលមានរដ្ឋមន្ត្រីការបរទេសកាន់តំណែងយូរជាងគេ។
លោក Dato Sri Anifah Aman គឺជារដ្ឋមន្ត្រីការបរទេសម៉ាឡេស៊ីកាន់តំណែងយូរជាងគេក្នុងចំណោមសមាជិក AMM បច្ចុប្បន្ននេះ ដោយលោកកាន់តំណែងនេះតាំងពីឆ្នាំ២០០៩មក។ ចំណែករដ្ឋមន្ត្រីការបរទេសវៀតណាម លោក Pham Binh Minh ក្លាយជាប្រមុខការទូតនៅឆ្នាំ២០១១។ គេត្រូវចាំមើលថា រដ្ឋមន្ត្រីចាស់វស្សាទាំងពីរនេះ នឹងសហការគ្នាល្អកម្រិតណាជាមួយនឹងវត្តមានសមភាគីថ្មី ដើម្បីរក្សាផលប្រយោជន៍របស់អាស៊ាន ជាពិសេសបញ្ហាសមុទ្រចិនខាងត្បូង ក៏ដូចជាបញ្ហាដទៃទៀត៕
Tag:
អាស៊ាន
© រក្សាសិទ្ធិដោយ thmeythmey.com
